श्रुत्वा तज् जामदग्न्यस्य वाक्यं दाशरथिस् तदा । गौरवाद् यन्त्रितकथः पितू रामम् अथाब्रवीत् ॥
श्रुतवान् अस्मि यत् कर्म कृतवान् असि भार्गव । अनुरुन्ध्यामहे ब्रह्मन् पितुर् आनृण्यम् आस्थितः ॥
वीर्यहीनम् इवाशक्तं क्षत्रधर्मेण भार्गव । अवजानामि मे तेजः पश्य मे ऽद्य पराक्रमम् ॥
इत्य् उक्त्वा राघवः क्रुद्धो भार्गवस्य वरायुधम् । शरं च प्रतिसंगृह्य हस्ताल् लघुपराक्रमः ॥
आरोप्य स धनू रामः शरं सज्यं चकार ह । जामदग्न्यं ततो रामं रामः क्रुद्धो ऽब्रवीद् वचः ॥
ब्राह्मणो ऽसीति पूज्यो मे विश्वामित्रकृतेन च । तस्माच् छक्तो न ते राम मोक्तुं प्राणहरं शरम् ॥
इमां वा त्वद्गतिं राम तपोबलसमार्जितान् । लोकान् अप्रतिमान् वापि हनिष्यामि यद् इच्छसि ॥
न ह्य् अयं वैष्णवो दिव्यः शरः परपुरंजयः । मोघः पतति वीर्येण बलदर्पविनाशनः ॥
śrutvā taj jāmadagnyasya vākyaṃ dāśarathis tadā | gauravād yantritakathaḥ pitū rāmam athābravīt ||
śrutavān asmi yat karma kṛtavān asi bhārgava | anurundhyāmahe brahman pitur ānṛṇyam āsthitaḥ ||
vīryahīnam ivāśaktaṃ kṣatradharmeṇa bhārgava | avajānāmi me tejaḥ paśya me 'dya parākramam ||
ity uktvā rāghavaḥ kruddho bhārgavasya varāyudham | śaraṃ ca pratisaṃgṛhya hastāl laghuparākramaḥ ||
āropya sa dhanū rāmaḥ śaraṃ sajyaṃ cakāra ha | jāmadagnyaṃ tato rāmaṃ rāmaḥ kruddho 'bravīd vacaḥ ||
brāhmaṇo 'sīti pūjyo me viśvāmitrakṛtena ca | tasmāc chakto na te rāma moktuṃ prāṇaharaṃ śaram ||
imāṃ vā tvadgatiṃ rāma tapobalasamārjitān | lokān apratimān vāpi haniṣyāmi yad icchasi ||
na hy ayaṃ vaiṣṇavo divyaḥ śaraḥ parapuraṃjayaḥ | moghaḥ patati vīryeṇa baladarpavināśanaḥ ||
Услышав слова сына Джамадагни, Рама, сын Дашаратхи, из уважения к отцу сдержал речь и сказал Парашураме: «О Бхаргава, я слышал о деяниях, которые ты совершил, встав на путь воздаяния долга отцу; о брахман, мы признаём их. Но, о Бхаргава, ты презираешь мою силу, словно я лишён доблести и неспособен исполнить кшатрийскую дхарму. Посмотри же сегодня на мою мощь». Сказав так, разгневанный Рагхава, быстрый в проявлении силы, взял из руки Бхаргавы превосходное оружие и стрелу. Рама наложил тетиву на лук и сделал стрелу готовой к пуску, а затем, разгневанный, сказал Раме, сыну Джамадагни: «Ты брахман и потому достоин моего почтения; к тому же ты связан с Вишвамитрой. Поэтому, о Рама, я не могу пустить в тебя смертоносную стрелу. Но я поражу либо твою способность двигаться, либо несравненные миры, завоёванные силой твоего тапаса. Выбирай, чего желаешь. Ведь эта божественная стрела Вишну, покоряющая вражеские города, не падает напрасно: своей силой она уничтожает гордость могущества».
524fc4f6042f · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама отвечает не бравадой, а точным различением дхармы: он почитает брахмана и связь Парашурамы с Вишвамитрой, но не принимает презрения к своей кшатрийской силе. Стрела Вишну уже наложена, и теперь её энергия должна найти цель.