काश्यपाय मया दत्ता यदा पूर्वं वसुंधरा । विषये मे न वस्तव्यम् इति मां काश्यपो ऽब्रवीत् ॥
सो ऽहं गुरुवचः कुर्वन् पृथिव्यां न वसे निशाम् । इति प्रतिज्ञा काकुत्स्थ कृता वै काश्यपस्य ह ॥
तद् इमां त्वं गतिं वीर हन्तुं नार्हसि राघव । मनोजवं गमिष्यामि महेन्द्रं पर्वतोत्तमम् ॥
लोकास् त्व् अप्रतिमा राम निर्जितास् तपसा मया । जहि ताञ् शरमुख्येन मा भूत् कालस्य पर्ययः ॥
अक्षय्यं मधुहन्तारं जानामि त्वां सुरेश्वरम् । धनुषो ऽस्य परामर्शात् स्वस्ति ते ऽस्तु परंतप ॥
एते सुरगणाः सर्वे निरीक्षन्ते समागताः । त्वाम् अप्रतिमकर्माणम् अप्रतिद्वन्द्वम् आहवे ॥
न चेयं मम काकुत्स्थ व्रीडा भवितुम् अर्हति । त्वया त्रैलोक्यनाथेन यद् अहं विमुखीकृतः ॥
शरम् अप्रतिमं राम मोक्तुम् अर्हसि सुव्रत । शरमोक्षे गमिष्यामि महेन्द्रं पर्वतोत्तमम् ॥
kāśyapāya mayā dattā yadā pūrvaṃ vasuṃdharā | viṣaye me na vastavyam iti māṃ kāśyapo 'bravīt ||
so 'haṃ guruvacaḥ kurvan pṛthivyāṃ na vase niśām | iti pratijñā kākutstha kṛtā vai kāśyapasya ha ||
tad imāṃ tvaṃ gatiṃ vīra hantuṃ nārhasi rāghava | manojavaṃ gamiṣyāmi mahendraṃ parvatottamam ||
lokās tv apratimā rāma nirjitās tapasā mayā | jahi tāñ śaramukhyena mā bhūt kālasya paryayaḥ ||
akṣayyaṃ madhuhantāraṃ jānāmi tvāṃ sureśvaram | dhanuṣo 'sya parāmarśāt svasti te 'stu paraṃtapa ||
ete suragaṇāḥ sarve nirīkṣante samāgatāḥ | tvām apratimakarmāṇam apratidvandvam āhave ||
na ceyaṃ mama kākutstha vrīḍā bhavitum arhati | tvayā trailokyanāthena yad ahaṃ vimukhīkṛtaḥ ||
śaram apratimaṃ rāma moktum arhasi suvrata | śaramokṣe gamiṣyāmi mahendraṃ parvatottamam ||
Парашурама сказал: «Когда прежде земля была отдана мной Кашьяпе, Кашьяпа сказал мне: “Тебе не следует жить в моих владениях”. Исполняя слово гуру, я не провожу ночи на земле. Такой обет, о Какутстха, был дан мной Кашьяпе. Поэтому, о герой Рагхава, не поражай мою способность двигаться: я со скоростью мысли уйду на Махендру, лучшую из гор. Но несравненные миры, завоёванные мной тапасом, о Рама, порази этой лучшей стрелой; пусть не будет промедления. Из-за твоего прикосновения к этому луку я знаю тебя как неистощимого убийцу Мадху, владыку богов. Мир тебе, о сокрушитель врагов. Все эти собравшиеся сонмы богов смотрят на тебя, чьи деяния несравненны и кто не имеет соперника в бою. О Какутстха, мне не следует стыдиться того, что я был остановлен тобой, владыкой трёх миров. О Рама, верный обетам, пусти несравненную стрелу; когда стрела будет выпущена, я уйду на Махендру, лучшую из гор».
6527d8a9d31b · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Парашурама узнаёт в Раме владыку трёх миров и убийцу Мадху. Его смирение не унижение, а распознавание: перед ним не просто кшатрийский герой, а сам источник силы, которой он некогда служил.