कस्य चित् त्व् अथ कालस्य राजा दशरथः सुतम् । भरतं केकयीपुत्रम् अब्रवीद् रघुनन्दनः ॥
अयं केकयराजस्य पुत्रो वसति पुत्रक । त्वां नेतुम् आगतो वीर युधाजिन् मातुलस् तव ॥
श्रुत्वा दशरथस्यैतद् भरतः केकयीसुतः । गमनायाभिचक्राम शत्रुघ्नसहितस् तदा ॥
आपृच्छ्य पितरं शूरो रामं चाक्लिष्टकारिणम् । मातॄंश् चापि नरश्रेष्ठः शत्रुघ्नसहितो ययौ ॥
युधाजित् प्राप्य भरतं सशत्रुघ्नं प्रहर्षितः । स्वपुरं प्राविशद् वीरः पिता तस्य तुतोष ह ॥
स तत्र न्यवसद् भ्रात्रा सह सत्कारसत्कृतः । मातुलेनाश्वपतिना पुत्रस्नेहेन लालितः ॥
तत्रापि निवसन्तौ तौ तर्प्यमाणौ च कामतः । भ्रातरौ स्मरतां वीरौ वृद्धं दशरथं नृपम् ॥
राजापि तौ महातेजाः सस्मार प्रोषितौ सुतौ । उभौ भरतशत्रुघ्नौ महेन्द्रवरुणोपमौ ॥
सर्व एव तु तस्येष्टाश् चत्वारः पुरुषर्षभाः । स्वशरीराद् विनिर्वृत्ताश् चत्वार इव बाहवः ॥
तेषाम् अपि महातेजा रामो रतिकरः पितुः । स्वयम्भूर् इव भूतानां बभूव गुणवत्तरः ॥
kasya cit tv atha kālasya rājā daśarathaḥ sutam | bharataṃ kekayīputram abravīd raghunandanaḥ ||
ayaṃ kekayarājasya putro vasati putraka | tvāṃ netum āgato vīra yudhājin mātulas tava ||
śrutvā daśarathasyaitad bharataḥ kekayīsutaḥ | gamanāyābhicakrāma śatrughnasahitas tadā ||
āpṛcchya pitaraṃ śūro rāmaṃ cākliṣṭakāriṇam | mātṝṃś cāpi naraśreṣṭhaḥ śatrughnasahito yayau ||
yudhājit prāpya bharataṃ saśatrughnaṃ praharṣitaḥ | svapuraṃ prāviśad vīraḥ pitā tasya tutoṣa ha ||
sa tatra nyavasad bhrātrā saha satkārasatkṛtaḥ | mātulenāśvapatinā putrasnehena lālitaḥ ||
tatrāpi nivasantau tau tarpyamāṇau ca kāmataḥ | bhrātarau smaratāṃ vīrau vṛddhaṃ daśarathaṃ nṛpam ||
rājāpi tau mahātejāḥ sasmāra proṣitau sutau | ubhau bharataśatrughnau mahendravaruṇopamau ||
sarva eva tu tasyeṣṭāś catvāraḥ puruṣarṣabhāḥ | svaśarīrād vinirvṛttāś catvāra iva bāhavaḥ ||
teṣām api mahātejā rāmo ratikaraḥ pituḥ | svayambhūr iva bhūtānāṃ babhūva guṇavattaraḥ ||
Спустя некоторое время царь Дашаратха, радость рода Рагху, сказал своему сыну Бхарате, сыну Кайкейи: «Сынок, здесь находится сын царя Кекаи. О герой, твой дядя по матери Юдхаджит пришёл, чтобы увезти тебя». Услышав эти слова Дашаратхи, Бхарата, сын Кайкейи, вместе с Шатругхной стал готовиться к отъезду. Доблестный лучший из людей, простившись с отцом, с неутомимым в делах Рамой и с матерями, отправился вместе с Шатругхной. Юдхаджит, с радостью встретив Бхарату и Шатругхну, вошёл с ними в свой город, и его отец остался очень доволен. Бхарата жил там вместе с братом, почтённый радушным приёмом, а дядя Ашвапати ласкал его с любовью, как сына. Но даже живя там, два доблестных брата, окружённые всем желанным, вспоминали старого царя Дашаратху. И великосияющий царь вспоминал обоих отсутствующих сыновей, Бхарату и Шатругхну, подобных Индре и Варуне. Все четыре лучших из людей были дороги ему, словно четыре руки, выросшие из его собственного тела; но среди них Рама, великосияющий и превосходнейший качествами, приносил отцу особую радость, как Самосущий приносит благо живым существам.
e65452d9fed5 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Начало Айодхья-канды сразу показывает две нити будущей драмы: Бхарата и Шатругхна оказываются вдали от столицы, а сердце Дашаратхи особенно привязано к Раме. Любовь царя к сыновьям не делит семью, но именно превосходство Рамы в качествах делает его естественным центром царства.