ते राजवचनात् तत्र समवेता महीपतिम् । अपश्यन्तो ऽब्रुवन् को नु राज्ञो नः प्रतिवेदयेत् ॥
न पश्यामश् च राजानम् उदितश् च दिवाकरः । यौवराज्याभिषेकश् च सज्जो रामस्य धीमतः ॥
इति तेषु ब्रुवाणेषु सार्वभौमान् महीपतीन् । अब्रवीत् तान् इदं सर्वान् सुमन्त्रो राजसत्कृतः ॥
अयं पृच्छामि वचनात् सुखम् आयुष्मताम् अहम् । राज्ञः संप्रतिबुद्धस्य यच् चागमनकारणम् ॥
इत्य् उक्त्वान्तःपुरद्वारम् आजगाम पुराणवित् । आशीर्भिर् गुणयुक्ताभिर् अभितुष्टाव राघवम् ॥
गता भगवती रात्रिरहः शिवम् उपस्थितम् । बुध्यस्व नृपशार्दूल कुरु कार्यम् अनन्तरम् ॥
ब्राह्मणा बलमुख्याश् च नैगमाश् चागता नृप । दर्शनं प्रतिकाङ्क्षन्ते प्रतिबुध्यस्व राघव ॥
te rājavacanāt tatra samavetā mahīpatim | apaśyanto 'bruvan ko nu rājño naḥ prativedayet ||
na paśyāmaś ca rājānam uditaś ca divākaraḥ | yauvarājyābhiṣekaś ca sajjo rāmasya dhīmataḥ ||
iti teṣu bruvāṇeṣu sārvabhaumān mahīpatīn | abravīt tān idaṃ sarvān sumantro rājasatkṛtaḥ ||
ayaṃ pṛcchāmi vacanāt sukham āyuṣmatām aham | rājñaḥ saṃpratibuddhasya yac cāgamanakāraṇam ||
ity uktvāntaḥpuradvāram ājagāma purāṇavit | āśīrbhir guṇayuktābhir abhituṣṭāva rāghavam ||
gatā bhagavatī rātrirahaḥ śivam upasthitam | budhyasva nṛpaśārdūla kuru kāryam anantaram ||
brāhmaṇā balamukhyāś ca naigamāś cāgatā nṛpa | darśanaṃ pratikāṅkṣante pratibudhyasva rāghava ||
Собравшиеся по слову царя не видели владыку земли и заговорили: «Кто же доложит царю о нас? Мы не видим царя, солнце уже взошло, а помазание мудрого Рамы в наследники готово». Когда так говорили собравшиеся цари, почтённый царём Сумантра сказал им всем: «Я спрошу о благополучии почтенного царя, когда он пробудится, и сообщу причину вашего прихода». Сказав это, знаток древнего обычая подошёл к дверям внутренних покоев и благими благословениями стал восхвалять Рагхаву: «Прошла благословенная ночь, настал благой день. Пробудись, о тигр среди царей, и без промедления соверши должное дело. О царь, брахманы, военные предводители и горожане пришли и ждут встречи с тобой. Пробудись, о Рагхава».
9defb1127b14 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сумантра действует как верный слуга царского порядка: он видит готовый обряд и говорит языком обычая, не подозревая, что внутри дворца этот порядок уже сломан.