एवम् उक्ता प्रियं पुत्रं बाष्पपूर्णानना तदा । उवाच परमार्ता तु कौसल्या पुत्रवत्सला ॥
आसां राम सपत्नीनां वस्तुं मध्ये न मे क्षमम् । नय माम् अपि काकुत्स्थ वनं वन्यं मृगीं यथा । यदि ते गमने बुद्धिः कृता पितुर् अपेक्षया ॥
तां तथा रुदतीं रामो रुदन् वचनम् अब्रवीत् । जीवन्त्या हि स्त्रिया भर्ता दैवतं प्रभुर् एव च । भवत्या मम चैवाद्य राजा प्रभवति प्रभुः ॥
भरतश् चापि धर्मात्मा सर्वभूतप्रियंवदः । भवतीम् अनुवर्तेत स हि धर्मरतः सदा ॥
यथा मयि तु निष्क्रान्ते पुत्रशोकेन पार्थिवः । श्रमं नावाप्नुयात् किं चिद् अप्रमत्ता तथा कुरु ॥
व्रतोपवासनिरता या नारी परमोत्तमा । भर्तारं नानुवर्तेत सा च पापगतिर् भवेत् ॥
शुश्रूषम् एव कुर्वीत भर्तुः प्रियहिते रता । एष धर्मः पुरा दृष्टो लोके वेदे श्रुतः स्मृतः ॥
पूज्यास् ते मत्कृते देवि ब्राह्मणाश् चैव सुव्रताः । एवं कालं प्रतीक्षस्व ममागमनकाङ्क्षिणी ॥
प्राप्स्यसे परमं कामं मयि प्रत्यागते सति । यदि धर्मभृतां श्रेष्ठो धारयिष्यति जीवितम् ॥
evam uktā priyaṃ putraṃ bāṣpapūrṇānanā tadā | uvāca paramārtā tu kausalyā putravatsalā ||
āsāṃ rāma sapatnīnāṃ vastuṃ madhye na me kṣamam | naya mām api kākutstha vanaṃ vanyaṃ mṛgīṃ yathā | yadi te gamane buddhiḥ kṛtā pitur apekṣayā ||
tāṃ tathā rudatīṃ rāmo rudan vacanam abravīt | jīvantyā hi striyā bhartā daivataṃ prabhur eva ca | bhavatyā mama caivādya rājā prabhavati prabhuḥ ||
bharataś cāpi dharmātmā sarvabhūtapriyaṃvadaḥ | bhavatīm anuvarteta sa hi dharmarataḥ sadā ||
yathā mayi tu niṣkrānte putraśokena pārthivaḥ | śramaṃ nāvāpnuyāt kiṃ cid apramattā tathā kuru ||
vratopavāsaniratā yā nārī paramottamā | bhartāraṃ nānuvarteta sā ca pāpagatir bhavet ||
śuśrūṣam eva kurvīta bhartuḥ priyahite ratā | eṣa dharmaḥ purā dṛṣṭo loke vede śrutaḥ smṛtaḥ ||
pūjyās te matkṛte devi brāhmaṇāś caiva suvratāḥ | evaṃ kālaṃ pratīkṣasva mamāgamanakāṅkṣiṇī ||
prāpsyase paramaṃ kāmaṃ mayi pratyāgate sati | yadi dharmabhṛtāṃ śreṣṭho dhārayiṣyati jīvitam ||
Каусалья, с лицом, полным слёз, крайне измученная и любящая сына, сказала дорогому Раме: «О Рама, мне не по силам жить среди этих соперниц. Возьми и меня, о Какутстха, в лес, как лесную лань, раз ты решил уйти из почтения к отцу». Рама, сам плача, сказал ей, рыдающей так: «Пока женщина жива, муж для неё — божество и господин. И для тебя, и для меня сейчас царь является властным господином. Бхарата также праведен душой, говорит приятное всем существам и будет почитать тебя, ибо он всегда предан дхарме. Сделай так, чтобы, когда я уйду, земной владыка не изнемог от горя о сыне; будь внимательна. Даже если женщина высочайшая, преданная обетам и постам, она получит дурную участь, если не следует мужу. Ей следует исполнять служение мужу, будучи преданной тому, что ему дорого и полезно. Таков долг, издавна признанный в мире, услышанный в Веде и сохранённый в предании. Ради меня, о царица, почитай также брахманов, строгих в обетах. Так ожидай назначенный срок, желая моего возвращения. Когда я вернусь, ты достигнешь заветного желания, если лучший из носителей дхармы сохранит жизнь».
c3f9a97c66b3 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама говорит языком древнего домашнего долга, но цель его слов — защитить жизнь Дашаратхи и удержать Каусалью от разрушительного отчаяния. Он поручает ей активное служение, ожидание и молитвенную поддержку.