अद्य बार्हस्पतः श्रीमान् युक्तः पुष्यो न राघव । प्रोच्यते ब्राह्मणैः प्राज्ञैः केन त्वम् असि दुर्मनाः ॥
न ते शतशलाकेन जलफेननिभेन च । आवृतं वदनं वल्गु छत्रेणाभिविराजते ॥
व्यजनाभ्यां च मुख्याभ्यां शतपत्रनिभेक्षणम् । चन्द्रहंसप्रकाशाभ्यां वीज्यते न तवाननम् ॥
वाग्मिनो बन्दिनश् चापि प्रहृष्टास् त्वं नरर्षभ । स्तुवन्तो नाद्य दृश्यन्ते मङ्गलैः सूतमागधाः ॥
न ते क्षौद्रं च दधि च ब्राह्मणा वेदपारगाः । मूर्ध्नि मूर्धावसिक्तस्य दधति स्म विधानतः ॥
न त्वां प्रकृतयः सर्वा श्रेणीमुख्याश् च भूषिताः । अनुव्रजितुम् इच्छन्ति पौरजापपदास् तथा ॥
चतुर्भिर् वेगसंपन्नैर् हयैः काञ्चनभूषणैः । मुख्यः पुष्यरथो युक्तः किं न गच्छति ते ऽग्रतः ॥
न हस्ती चाग्रतः श्रीमांस् तव लक्षणपूजितः । प्रयाणे लक्ष्यते वीर कृष्णमेघगिरि प्रभः ॥
न च काञ्चनचित्रं ते पश्यामि प्रियदर्शन । भद्रासनं पुरस्कृत्य यान्तं वीरपुरःसरम् ॥
अभिषेको यदा सज्जः किम् इदानीम् इदं तव । अपूर्वो मुखवर्णश् च न प्रहर्षश् च लक्ष्यते ॥
adya bārhaspataḥ śrīmān yuktaḥ puṣyo na rāghava | procyate brāhmaṇaiḥ prājñaiḥ kena tvam asi durmanāḥ ||
na te śataśalākena jalaphenanibhena ca | āvṛtaṃ vadanaṃ valgu chatreṇābhivirājate ||
vyajanābhyāṃ ca mukhyābhyāṃ śatapatranibhekṣaṇam | candrahaṃsaprakāśābhyāṃ vījyate na tavānanam ||
vāgmino bandinaś cāpi prahṛṣṭās tvaṃ nararṣabha | stuvanto nādya dṛśyante maṅgalaiḥ sūtamāgadhāḥ ||
na te kṣaudraṃ ca dadhi ca brāhmaṇā vedapāragāḥ | mūrdhni mūrdhāvasiktasya dadhati sma vidhānataḥ ||
na tvāṃ prakṛtayaḥ sarvā śreṇīmukhyāś ca bhūṣitāḥ | anuvrajitum icchanti paurajāpapadās tathā ||
caturbhir vegasaṃpannair hayaiḥ kāñcanabhūṣaṇaiḥ | mukhyaḥ puṣyaratho yuktaḥ kiṃ na gacchati te 'grataḥ ||
na hastī cāgrataḥ śrīmāṃs tava lakṣaṇapūjitaḥ | prayāṇe lakṣyate vīra kṛṣṇameghagiri prabhaḥ ||
na ca kāñcanacitraṃ te paśyāmi priyadarśana | bhadrāsanaṃ puraskṛtya yāntaṃ vīrapuraḥsaram ||
abhiṣeko yadā sajjaḥ kim idānīm idaṃ tava | apūrvo mukhavarṇaś ca na praharṣaś ca lakṣyate ||
Сита сказала: «О Рагхава, разве сегодня мудрые брахманы не называют благоприятным день Брихаспати, соединённый с Пушьей? Почему ты печален? Почему твоё прекрасное лицо не сияет под царским зонтом с сотней спиц, похожим на водную пену? Почему твоё лотосоокое лицо не овевается двумя лучшими опахалами, светлыми как луна и лебедь? О лучший из людей, почему сегодня не видны радостные красноречивые славословы, сӯты и магадхи, восхваляющие тебя благими гимнами? Почему брахманы, постигшие Веды, не возлагают тебе на голову мёд и йогурт по правилу царского помазания? Почему все подданные, украшенные главы гильдий, горожане и жители области не хотят сопровождать тебя? Почему главная торжественная колесница, запряжённая четырьмя быстрыми конями в золотом убранстве, не идёт перед тобой? Почему перед тобой, о герой, не виден великолепный слон с благими знаками, подобный чёрной облачной горе? О прекрасный, я не вижу, чтобы перед тобой несли украшенный золотом благой трон, предшествуемый героями. Когда помазание готово, что же теперь с тобой? Цвет твоего лица необычен, и радости не видно».
32759aa110ab · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сита перечисляет отсутствующие знаки царского обряда один за другим. Её вопрос не просто о внешней церемонии: она видит, что нарушен весь порядок ожидаемого царского счастья.