न च मे भविता तत्र कश् चित् पथि परिश्रमः । पृष्ठतस् तव गच्छन्त्या विहारशयनेष्व् अपि ॥
कुशकाशशरेषीका ये च कण्टकिनो द्रुमाः । तूलाजिनसमस्पर्शा मार्गे मम सह त्वया ॥
महावात समुद्धूतं यन् माम् अवकरिष्यति । रजो रमण तन् मन्ये परार्ध्यम् इव चन्दनम् ॥
शाद्वलेषु यद् आसिष्ये वनान्ते वनगोरचा । कुथास्तरणतल्पेषु किं स्यात् सुखतरं ततः ॥
पत्रं मूलं फलं यत् त्वम् अल्पं वा यदि वा बहु । दास्यसि स्वयम् आहृत्य तन् मे ऽमृतरसोपमम् ॥
न मातुर् न पितुस् तत्र स्मरिष्यामि न वेश्मनः । आर्तवान्य् उपभुञ्जाना पुष्पाणि च फलानि च ॥
न च तत्र गतः किं चिद् द्रष्टुम् अर्हसि विप्रियम् । मत्कृते न च ते शोको न भविष्यामि दुर्भरा ॥
यस् त्वया सह स स्वर्गो निरयो यस् त्वया विना । इति जानन् परां प्रीतिं गच्छ राम मया सह ॥
अथ माम् एवम् अव्यग्रां वनं नैव नयिष्यसि । विषम् अद्यैव पास्यामि मा विशं द्विषतां वशम् ॥
na ca me bhavitā tatra kaś cit pathi pariśramaḥ | pṛṣṭhatas tava gacchantyā vihāraśayaneṣv api ||
kuśakāśaśareṣīkā ye ca kaṇṭakino drumāḥ | tūlājinasamasparśā mārge mama saha tvayā ||
mahāvāta samuddhūtaṃ yan mām avakariṣyati | rajo ramaṇa tan manye parārdhyam iva candanam ||
śādvaleṣu yad āsiṣye vanānte vanagoracā | kuthāstaraṇatalpeṣu kiṃ syāt sukhataraṃ tataḥ ||
patraṃ mūlaṃ phalaṃ yat tvam alpaṃ vā yadi vā bahu | dāsyasi svayam āhṛtya tan me 'mṛtarasopamam ||
na mātur na pitus tatra smariṣyāmi na veśmanaḥ | ārtavāny upabhuñjānā puṣpāṇi ca phalāni ca ||
na ca tatra gataḥ kiṃ cid draṣṭum arhasi vipriyam | matkṛte na ca te śoko na bhaviṣyāmi durbharā ||
yas tvayā saha sa svargo nirayo yas tvayā vinā | iti jānan parāṃ prītiṃ gaccha rāma mayā saha ||
atha mām evam avyagrāṃ vanaṃ naiva nayiṣyasi | viṣam adyaiva pāsyāmi mā viśaṃ dviṣatāṃ vaśam ||
«Когда я буду идти позади тебя, на пути у меня не будет никакой усталости: это будет как прогулка и отдых. Куша, каша, тростник, ишика и колючие деревья на моём пути вместе с тобой будут мягкими на ощупь, как хлопок и шкура. О любимый, пыль, которую поднимет сильный ветер и которая осыплет меня, я сочту драгоценнейшим сандалом. Если я, лесная жительница, лягу на зелёных местах у края леса, что может быть приятнее, чем это, словно ложе с коврами? Листья, коренья и плоды, мало или много, которые ты сам добудешь и дашь мне, будут для меня как вкус амриты. Там, наслаждаясь сезонными цветами и плодами, я не буду вспоминать ни мать, ни отца, ни дом. Там ты не увидишь из-за меня ничего неприятного, и я не буду тебе тяжкой ношей. То, что с тобой, — рай; то, что без тебя, — ад. Зная эту мою высшую любовь, иди, Рама, вместе со мной. Если же ты совсем не возьмёшь меня, такую решительную, в лес, я сегодня же выпью яд, лишь бы не попасть под власть тех, кто меня ненавидит».
96d5208c1364 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сита превращает каждую лесную трудность в знак близости к Раме: колючки становятся мягкими, пыль — сандалом, пища — амритой. Это не наивность, а сила любви, меняющая сам вкус страдания.