अस्मिंस् तु पुरुषव्याघ्र काले दुःखसमन्वितः । तपश् चरति धर्मात्मा त्वद्भक्त्या भरतः पुरे ॥
त्यक्त्वा राज्यं च मानं च भोगांश् च विविधान् बहून् । तपस्वी नियताहारः शेते शीते महीतले ॥
सो ऽपि वेलाम् इमां नूनम् अभिषेकार्थम् उद्यतः । वृतः प्रकृतिभिर् नित्यं प्रयाति सरयूं नदीम् ॥
अत्यन्तसुखसंवृद्धः सुकुमारो हिमार्दितः । कथं त्व् अपररात्रेषु सरयूम् अवगाहते ॥
पद्मपत्रेक्षणः श्यामः श्रीमान् निरुदरो महान् । धर्मज्ञः सत्यवादी च ह्री निषेधो जितेन्द्रियः ॥
प्रियाभिभाषी मधुरो दीर्घबाहुर् अरिंदमः । संत्यज्य विविधान् सौख्यान् आर्यं सर्वात्मनाश्रितः ॥
जितः स्वर्गस् तव भ्रात्रा भरतेन महात्मना । वनस्थम् अपि तापस्ये यस् त्वाम् अनुविधीयते ॥
न पित्र्यम् अनुवर्न्तन्ते मातृकं द्विपदा इति । ख्यातो लोकप्रवादो ऽयं भरतेनान्यथाकृतः ॥
भर्ता दशरथो यस्याः साधुश् च भरतः सुतः । कथं नु साम्बा कैकेयी तादृशी क्रूरदर्शिनी ॥
asmiṃs tu puruṣavyāghra kāle duḥkhasamanvitaḥ | tapaś carati dharmātmā tvadbhaktyā bharataḥ pure ||
tyaktvā rājyaṃ ca mānaṃ ca bhogāṃś ca vividhān bahūn | tapasvī niyatāhāraḥ śete śīte mahītale ||
so 'pi velām imāṃ nūnam abhiṣekārtham udyataḥ | vṛtaḥ prakṛtibhir nityaṃ prayāti sarayūṃ nadīm ||
atyantasukhasaṃvṛddhaḥ sukumāro himārditaḥ | kathaṃ tv apararātreṣu sarayūm avagāhate ||
padmapatrekṣaṇaḥ śyāmaḥ śrīmān nirudaro mahān | dharmajñaḥ satyavādī ca hrī niṣedho jitendriyaḥ ||
priyābhibhāṣī madhuro dīrghabāhur ariṃdamaḥ | saṃtyajya vividhān saukhyān āryaṃ sarvātmanāśritaḥ ||
jitaḥ svargas tava bhrātrā bharatena mahātmanā | vanastham api tāpasye yas tvām anuvidhīyate ||
na pitryam anuvarntante mātṛkaṃ dvipadā iti | khyāto lokapravādo 'yaṃ bharatenānyathākṛtaḥ ||
bhartā daśaratho yasyāḥ sādhuś ca bharataḥ sutaḥ | kathaṃ nu sāmbā kaikeyī tādṛśī krūradarśinī ||
«В это трудное время, о тигр среди людей, праведный Бхарата в городе из преданности тебе совершает аскезу. Он оставил царство, почёт и множество наслаждений; как подвижник, сдержанный в пище, он лежит на холодной земле. И он, несомненно, в это же время, окружённый своими людьми, идёт к Сараю для омовения. Как же он, выросший в полном удобстве, нежный и мучимый холодом, входит в Сараю в предрассветные часы? Он лотосоокий, тёмный, прекрасный, стройный и великий; он знает дхарму, говорит правду, скромен, сдержан, победил чувства, говорит приятно и мягко, длиннорукий сокрушитель врагов. Оставив разные удобства, он всей душой прибег к благородному пути. Твой великодушный брат Бхарата завоевал небо: хотя ты живёшь в лесу и совершаешь аскезу, он следует тебе. Говорят, что люди следуют не отцовскому, а материнскому нраву, но Бхарата опроверг эту известную поговорку. Как же Кайкеи, чьим мужем был Дашаратха, а сыном такой праведный Бхарата, могла оказаться столь жестокой?»
d8480d79dfe0 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Мысль о зимнем холоде естественно приводит Лакшману к Бхарате. Он видит в брате не соперника, а подвижника, который в Айодхье повторяет лесную строгость Рамы. Резкое слово о Кайкеи рождается из любви и боли, но именно поэтому дальше Рама должен вернуть речь к уважению и дхарме.