भित्त्वा तु तां गदां बाणै राघवो धर्मवत्सलः । स्मयमानः खरं वाक्यं संरब्धम् इदम् अब्रवीत् ॥
एतत् ते बलसर्वस्वं दर्शितं राक्षसाधम । शक्तिहीनतरो मत्तो वृथा त्वम् उपगर्जितम् ॥
एषा बाणविनिर्भिन्ना गदा भूमितलं गता । अभिधानप्रगल्भस्य तव प्रत्ययघातिनी ॥
यत् त्वयोक्तं विनष्टानाम् इदम् अश्रुप्रमार्जनम् । राक्षसानां करोमीति मिथ्या तद् अपि ते वचः ॥
नीचस्य क्षुद्रशीलस्य मिथ्यावृत्तस्य रक्षसः । प्राणान् अपहरिष्यामि गरुत्मान् अमृतं यथा ॥
अद्य ते भिन्नकण्ठस्य फेनबुद्बुदभूषितम् । विदारितस्य मद्बाणैर् मही पास्यति शोणितम् ॥
पांसुरूषितसर्वाङ्गः स्रस्तन्यस्तभुजद्वयः । स्वप्स्यसे गां समाश्लिष्य दुर्लभां प्रमदाम् इव ॥
प्रवृद्धनिद्रे शयिते त्वयि राक्षसपांसने । भविष्यन्त्य् अशरण्यानां शरण्या दण्डका इमे ॥
जनस्थाने हतस्थाने तव राक्षसमच्छरैः । निर्भया विचरिष्यन्ति सर्वतो मुनयो वने ॥
अद्य विप्रसरिष्यन्ति राक्षस्यो हतबान्धवाः । बाष्पार्द्रवदना दीना भयाद् अन्यभयावहाः ॥
अद्य शोकरसज्ञास् ता भविष्यन्ति निशाचर । अनुरूपकुलाः पत्न्यो यासां त्वं पतिर् ईदृशः ॥
नृशंसशील क्षुद्रात्मन् नित्यं ब्राह्मणकण्टक । त्वत्कृते शङ्कितैर् अग्नौ मुनिभिः पात्यते हविः ॥
bhittvā tu tāṃ gadāṃ bāṇai rāghavo dharmavatsalaḥ | smayamānaḥ kharaṃ vākyaṃ saṃrabdham idam abravīt ||
etat te balasarvasvaṃ darśitaṃ rākṣasādhama | śaktihīnataro matto vṛthā tvam upagarjitam ||
eṣā bāṇavinirbhinnā gadā bhūmitalaṃ gatā | abhidhānapragalbhasya tava pratyayaghātinī ||
yat tvayoktaṃ vinaṣṭānām idam aśrupramārjanam | rākṣasānāṃ karomīti mithyā tad api te vacaḥ ||
nīcasya kṣudraśīlasya mithyāvṛttasya rakṣasaḥ | prāṇān apahariṣyāmi garutmān amṛtaṃ yathā ||
adya te bhinnakaṇṭhasya phenabudbudabhūṣitam | vidāritasya madbāṇair mahī pāsyati śoṇitam ||
pāṃsurūṣitasarvāṅgaḥ srastanyastabhujadvayaḥ | svapsyase gāṃ samāśliṣya durlabhāṃ pramadām iva ||
pravṛddhanidre śayite tvayi rākṣasapāṃsane | bhaviṣyanty aśaraṇyānāṃ śaraṇyā daṇḍakā ime ||
janasthāne hatasthāne tava rākṣasamaccharaiḥ | nirbhayā vicariṣyanti sarvato munayo vane ||
adya viprasariṣyanti rākṣasyo hatabāndhavāḥ | bāṣpārdravadanā dīnā bhayād anyabhayāvahāḥ ||
adya śokarasajñās tā bhaviṣyanti niśācara | anurūpakulāḥ patnyo yāsāṃ tvaṃ patir īdṛśaḥ ||
nṛśaṃsaśīla kṣudrātman nityaṃ brāhmaṇakaṇṭaka | tvatkṛte śaṅkitair agnau munibhiḥ pātyate haviḥ ||
Разбив стрелами ту палицу, Рагхава, любящий дхарму, улыбнулся и сказал разгневанному Кхаре: «О низший ракшас, вот ты и показал всё своё воинское достояние. Ты оказался слабее меня и напрасно ревел. Эта палица, разбитая стрелами и упавшая на землю, разрушила доверие к тебе, дерзкому в речах. Ты сказал: “Я утру слёзы погибших ракшасов”, но и это твоё слово оказалось ложью. Я отниму жизнь у низкого ракшаса, мелкого по природе и лживого в поведении, как Гарутман унёс амриту. Сегодня земля выпьет твою кровь, покрытую пеной и пузырями, когда моими стрелами будет рассечено твоё горло и разорвано тело. Покрытый пылью, с раскинутыми обвисшими руками, ты уснёшь, обнимая землю, словно недоступную женщину. Когда ты, позор ракшасов, ляжешь в глубокий сон, эти Дандаки станут прибежищем для беззащитных. В Джанастхане, месте убийств, где твои ракшасы терзали людей, муни будут бесстрашно ходить по всему лесу. Сегодня ракшаси, лишившиеся родичей, разбегутся жалкие, с лицами, влажными от слёз: прежде они несли страх другим, теперь сами побегут от страха. О ночной странник, сегодня вкус скорби узнают жёны достойного рода, у которых такой муж, как ты. О жестокий, низкий душой, вечная колючка для брахманов: из-за тебя муни, боясь, возливают жертву в огонь».
0b81984ee199 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама доводит нравственный приговор до конца: падение Кхары означает не личную победу ради славы, а восстановление защищённого пространства для подвижников. Земля, которую ракшасы сделали местом страха, снова должна стать местом дхармы, где жертва совершается без ужаса.