आर्तस्वरं तु तं भर्तुर् विज्ञाय सदृशं वने । उवाच लक्ष्मणं सीता गच्छ जानीहि राघवम् ॥
न हि मे जीवितं स्थाने हृदयं वावतिष्ठते । क्रोशतः परमार्तस्य श्रुतः शब्दो मया भृशम् ॥
आक्रन्दमानं तु वने भ्रातरं त्रातुम् अर्हसि । तं क्षिप्रम् अभिधाव त्वं भ्रातरं शरणैषिणम् ॥
रक्षसां वशम् आपन्नं सिंहानाम् इव गोवृषम् । न जगाम तथोक्तस् तु भ्रातुर् आज्ञाय शासनम् ॥
तम् उवाच ततस् तत्र कुपिता जनकात्मजा । सौमित्रे मित्ररूपेण भ्रातुस् त्वम् असि शत्रुवत् ॥
यस् त्वम् अस्याम् अवस्थायां भ्रातरं नाभिपद्यसे । इच्छसि त्वं विनश्यन्तं रामं लक्ष्मण मत्कृते ॥
व्यसनं ते प्रियं मन्ये स्नेहो भ्रातरि नास्ति ते । तेन तिष्ठसि विस्रब्धस् तम् अपश्यन् महाद्युतिम् ॥
किं हि संशयम् आपन्ने तस्मिन्न् इह मया भवेत् । कर्तव्यम् इह तिष्ठन्त्या यत् प्रधानस् त्वम् आगतः ॥
ārtasvaraṃ tu taṃ bhartur vijñāya sadṛśaṃ vane | uvāca lakṣmaṇaṃ sītā gaccha jānīhi rāghavam ||
na hi me jīvitaṃ sthāne hṛdayaṃ vāvatiṣṭhate | krośataḥ paramārtasya śrutaḥ śabdo mayā bhṛśam ||
ākrandamānaṃ tu vane bhrātaraṃ trātum arhasi | taṃ kṣipram abhidhāva tvaṃ bhrātaraṃ śaraṇaiṣiṇam ||
rakṣasāṃ vaśam āpannaṃ siṃhānām iva govṛṣam | na jagāma tathoktas tu bhrātur ājñāya śāsanam ||
tam uvāca tatas tatra kupitā janakātmajā | saumitre mitrarūpeṇa bhrātus tvam asi śatruvat ||
yas tvam asyām avasthāyāṃ bhrātaraṃ nābhipadyase | icchasi tvaṃ vinaśyantaṃ rāmaṃ lakṣmaṇa matkṛte ||
vyasanaṃ te priyaṃ manye sneho bhrātari nāsti te | tena tiṣṭhasi visrabdhas tam apaśyan mahādyutim ||
kiṃ hi saṃśayam āpanne tasminn iha mayā bhavet | kartavyam iha tiṣṭhantyā yat pradhānas tvam āgataḥ ||
Когда в лесу Сита узнала тот страдальческий голос, похожий на голос её мужа, она сказала Лакшмане: «Иди, узнай, что с Рагхавой. Моя жизнь и сердце уже не держатся на месте: я ясно услышала голос того, кто кричит в крайнем страдании. Ты должен защитить брата, взывающего в лесу. Беги скорее к нему, к брату, ищущему защиты, к тому, кто попал во власть ракшасов, словно бык среди львов». Но Лакшмана, услышав это, не пошёл, помня приказ брата. Тогда разгневанная дочь Джанаки сказала ему: «О Саумитри, под видом друга ты для брата как враг. Раз в таком положении ты не идёшь к брату, значит, Лакшмана, ты хочешь, чтобы Рама погиб из-за меня. Думаю, его беда тебе приятна; нет у тебя любви к брату. Поэтому ты стоишь беспечно, не видя великосияющего Раму. Если он здесь попал в опасность, что я могу сделать, оставаясь тут, когда ты пришёл как главный защитник?»
21ac4d688726 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Ложный голос достигает именно того места, куда был направлен: любви Ситы к Раме. Страх делает её речь стремительной и несправедливой, а Лакшману ставит между двумя обязанностями: хранить Ситу по приказу Рамы и откликнуться на зов, который звучит как зов Рамы.