इति ब्रुवाणं वैदेहीं बाष्पशोकपरिप्लुताम् । अब्रवील् लक्ष्मणस् त्रस्तां सीतां मृगवधूम् इव ॥
देवि देवमनुष्येषु गन्धर्वेषु पतत्रिषु । राक्षसेषु पिशाचेषु किंनरेषु मृगेषु च ॥
दानवेषु च घोरेषु न स विद्येत शोभने । यो रामं प्रतियुध्येत समरे वासवोपमम् ॥
अवध्यः समरे रामो नैवं त्वं वक्तुम् अर्हसि । न त्वाम् अस्मिन् वने हातुम् उत्सहे राघवं विना ॥
अनिवार्यं बलं तस्य बलैर् बलवताम् अपि । त्रिभिर् लोकैः समुद्युक्तैः सेश्वरैः सामरैर् अपि ॥
हृदयं निर्वृतं ते ऽस्तु संतापस् त्यज्यताम् अयम् । आगमिष्यति ते भर्ता शीघ्रं हत्वा मृगोत्तमम् ॥
न स तस्य स्वरो व्यक्तं न कश् चिद् अपि दैवतः । गन्धर्वनगरप्रख्या माया सा तस्य रक्षसः ॥
न्यासभूतासि वैदेहि न्यस्ता मयि महात्मना । रामेण त्वं वरारोहे न त्वां त्यक्तुम् इहोत्सहे ॥
कृतवैराश् च कल्याणि वयम् एतैर् निशाचरैः । खरस्य निधने देवि जनस्थानवधं प्रति ॥
राक्षसा विधिना वाचो विसृजन्ति महावने । हिंसाविहारा वैदेहि न चिन्तयितुम् अर्हसि ॥
iti bruvāṇaṃ vaidehīṃ bāṣpaśokapariplutām | abravīl lakṣmaṇas trastāṃ sītāṃ mṛgavadhūm iva ||
devi devamanuṣyeṣu gandharveṣu patatriṣu | rākṣaseṣu piśāceṣu kiṃnareṣu mṛgeṣu ca ||
dānaveṣu ca ghoreṣu na sa vidyeta śobhane | yo rāmaṃ pratiyudhyeta samare vāsavopamam ||
avadhyaḥ samare rāmo naivaṃ tvaṃ vaktum arhasi | na tvām asmin vane hātum utsahe rāghavaṃ vinā ||
anivāryaṃ balaṃ tasya balair balavatām api | tribhir lokaiḥ samudyuktaiḥ seśvaraiḥ sāmarair api ||
hṛdayaṃ nirvṛtaṃ te 'stu saṃtāpas tyajyatām ayam | āgamiṣyati te bhartā śīghraṃ hatvā mṛgottamam ||
na sa tasya svaro vyaktaṃ na kaś cid api daivataḥ | gandharvanagaraprakhyā māyā sā tasya rakṣasaḥ ||
nyāsabhūtāsi vaidehi nyastā mayi mahātmanā | rāmeṇa tvaṃ varārohe na tvāṃ tyaktum ihotsahe ||
kṛtavairāś ca kalyāṇi vayam etair niśācaraiḥ | kharasya nidhane devi janasthānavadhaṃ prati ||
rākṣasā vidhinā vāco visṛjanti mahāvane | hiṃsāvihārā vaidehi na cintayitum arhasi ||
Видя Вайдехи, говорящую так, переполненную слезами и скорбью, Лакшмана обратился к испуганной Сите, подобной самке оленя: «О царица, среди богов и людей, гандхарвов и птиц, ракшасов, пишачей, киннаров, зверей и грозных данавов не найдётся никого, прекрасная, кто мог бы сразиться с Рамой, подобным Васаве в бою. Рама непобедим в битве; тебе не следует говорить так. Я не могу оставить тебя в этом лесу без Рагхавы. Его сила неудержима даже для сил сильнейших, даже если соберутся три мира вместе с их владыками и бессмертными. Пусть твоё сердце будет спокойно, оставь эту тревогу: твой муж скоро придёт, убив лучшего из оленей. Это явно не его голос. Это не голос какого-либо божества; это майя того ракшаса, подобная призрачному городу гандхарвов. Ты, Вайдехи, вручена мне как драгоценный залог: великодушный Рама поручил тебя мне, прекраснобёдрая, и я не могу оставить тебя здесь. После гибели Кхары и поражения Джанастханы эти ночные странники стали нашими врагами, о благородная. В великом лесу ракшасы, забавляющиеся насилием, выпускают такие голоса разными способами; тебе не следует тревожиться».
998cc9805052 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Лакшмана видит природу происходящего трезво: сила Рамы не под угрозой, под угрозой оставленная Сита. Его речь держится на доверии к могуществу Рамы и на ответственности за поручение, которое он получил.