तं प्रविष्टं रिपुं दृष्ट्वा बिलं रोषवशं गतः । माम् उवाच तदा वाली वचनं क्षुभितेन्द्रियः ॥
इह त्वं तिष्ठ सुग्रीव बिलद्वारि समाहितः । यावद् अत्र प्रविश्याहं निहन्मि समरे रिपुम् ॥
मया त्व् एतद् वचः श्रुत्वा याचितः स परंतप । शापयित्वा च मां पद्भ्यां प्रविवेश बिलं तदा ॥
तस्य प्रविष्टस्य बिलं साग्रः संवत्सरो गतः । स्थितस्य च मम द्वारि स कालो व्यत्यवर्तत ॥
अहं तु नष्टं तं ज्ञात्वा स्नेहाद् आगतसंभ्रमः । भ्रातरं न हि पश्यामि पापशङ्कि च मे मनः ॥
अथ दीर्घस्य कालस्य बिलात् तस्माद् विनिःसृतम् । सफेनं रुधिरं रक्तम् अहं दृष्ट्वा सुदुःखितः ॥
नर्दताम् असुराणां च ध्वनिर् मे श्रोत्रम् आगतः । निरस्तस्य च संग्रामे क्रोशतो निःस्वनो गुरोः ॥
अहं त्व् अवगतो बुद्ध्या चिह्नैस् तैर् भ्रातरं हतम् । पिधाय च बिलद्वारं शिलया गिरिमात्रया । शोकार्तश् चोदकं कृत्वा किष्किन्धाम् आगतः सखे ॥
taṃ praviṣṭaṃ ripuṃ dṛṣṭvā bilaṃ roṣavaśaṃ gataḥ | mām uvāca tadā vālī vacanaṃ kṣubhitendriyaḥ ||
iha tvaṃ tiṣṭha sugrīva biladvāri samāhitaḥ | yāvad atra praviśyāhaṃ nihanmi samare ripum ||
mayā tv etad vacaḥ śrutvā yācitaḥ sa paraṃtapa | śāpayitvā ca māṃ padbhyāṃ praviveśa bilaṃ tadā ||
tasya praviṣṭasya bilaṃ sāgraḥ saṃvatsaro gataḥ | sthitasya ca mama dvāri sa kālo vyatyavartata ||
ahaṃ tu naṣṭaṃ taṃ jñātvā snehād āgatasaṃbhramaḥ | bhrātaraṃ na hi paśyāmi pāpaśaṅki ca me manaḥ ||
atha dīrghasya kālasya bilāt tasmād viniḥsṛtam | saphenaṃ rudhiraṃ raktam ahaṃ dṛṣṭvā suduḥkhitaḥ ||
nardatām asurāṇāṃ ca dhvanir me śrotram āgataḥ | nirastasya ca saṃgrāme krośato niḥsvano guroḥ ||
ahaṃ tv avagato buddhyā cihnais tair bhrātaraṃ hatam | pidhāya ca biladvāraṃ śilayā girimātrayā | śokārtaś codakaṃ kṛtvā kiṣkindhām āgataḥ sakhe ||
«Увидев, что враг вошёл в пещеру, Вали, оказавшись во власти гнева и с потрясёнными чувствами, сказал мне: “Сугрива, стой здесь сосредоточенно у входа в пещеру, пока я войду туда и убью врага в бою”. Услышав это, я стал умолять его, о мучитель врагов, но он заклял меня своими стопами и вошёл в пещеру. После его входа в пещеру прошёл год с лишним; всё это время я стоял у входа. Потом, охваченный смятением из-за любви к брату, я решил, что он погиб: брата я не видел, и сердце моё подозревало дурное. Спустя долгое время я увидел, как из той пещеры вытекла красная вспененная кровь, и сильно опечалился. До моих ушей донёсся рёв асуров и тяжёлый крик того, кто был повержен в битве. По этим признакам я разумом понял, что брат убит. Тогда, закрыв вход в пещеру камнем размером с гору, я, мучимый скорбью, совершил водное подношение и вернулся в Кишкиндху, друг».
c6203c6011f4 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Ошибка Сугривы рождается не из предательства, а из неверного вывода на основании страшных признаков. Он действует как человек, который уверен, что брат погиб, и совершает для него последний долг.