ततस् तं देशम् आगम्य सौम्यं वितिमिरं वनम् । ददृशुः काञ्चनान् वृक्षान् दीप्तवैश्वानरप्रभान् ॥
सालांस् तालांश् च पुंनागान् ककुभान् वञ्जुलान् धवान् । चम्पकान् नागवृक्षांश् च कर्णिकारांश् च पुष्पितान् ॥
तरुणादित्यसंकाशान् वैदूर्यमयवेदिकान् । नीलवैदूर्यवर्णाश् च पद्मिनीः पतगावृताः ॥
महद्भिः काञ्चनैर् वृक्षैर् वृतं बालार्क संनिभैः । जातरूपमयैर् मत्स्यैर् महद्भिश् च सकच्छपैः ॥
नलिनीस् तत्र ददृशुः प्रसन्नसलिलायुताः । काञ्चनानि विमानानि राजतानि तथैव च ॥
तपनीयगवाक्षाणि मुक्ताजालावृतानि च । हैमराजतभौमानि वैदूर्यमणिमन्ति च ॥
ददृशुस् तत्र हरयो गृहमुख्यानि सर्वशः । पुष्पितान् फलिनो वृक्षान् प्रवालमणिसंनिभान् ॥
काञ्चनभ्रमरांश् चैव मधूनि च समन्ततः । मणिकाञ्चनचित्राणि शयनान्य् आसनानि च ॥
महार्हाणि च यानानि ददृशुस् ते समन्ततः । हैमराजतकांस्यानां भाजनानां च संचयान् ॥
अगरूणां च दिव्यानां चन्दनानां च संचयान् । शुचीन्य् अभ्यवहार्याणि मूलानि च फलानि च ॥
महार्हाणि च पानानि मधूनि रसवन्ति च । दिव्यानाम् अम्बराणां च महार्हाणां च संचयान् । कम्बलानां च चित्राणाम् अजिनानां च संचयान् ॥
tatas taṃ deśam āgamya saumyaṃ vitimiraṃ vanam | dadṛśuḥ kāñcanān vṛkṣān dīptavaiśvānaraprabhān ||
sālāṃs tālāṃś ca puṃnāgān kakubhān vañjulān dhavān | campakān nāgavṛkṣāṃś ca karṇikārāṃś ca puṣpitān ||
taruṇādityasaṃkāśān vaidūryamayavedikān | nīlavaidūryavarṇāś ca padminīḥ patagāvṛtāḥ ||
mahadbhiḥ kāñcanair vṛkṣair vṛtaṃ bālārka saṃnibhaiḥ | jātarūpamayair matsyair mahadbhiś ca sakacchapaiḥ ||
nalinīs tatra dadṛśuḥ prasannasalilāyutāḥ | kāñcanāni vimānāni rājatāni tathaiva ca ||
tapanīyagavākṣāṇi muktājālāvṛtāni ca | haimarājatabhaumāni vaidūryamaṇimanti ca ||
dadṛśus tatra harayo gṛhamukhyāni sarvaśaḥ | puṣpitān phalino vṛkṣān pravālamaṇisaṃnibhān ||
kāñcanabhramarāṃś caiva madhūni ca samantataḥ | maṇikāñcanacitrāṇi śayanāny āsanāni ca ||
mahārhāṇi ca yānāni dadṛśus te samantataḥ | haimarājatakāṃsyānāṃ bhājanānāṃ ca saṃcayān ||
agarūṇāṃ ca divyānāṃ candanānāṃ ca saṃcayān | śucīny abhyavahāryāṇi mūlāni ca phalāni ca ||
mahārhāṇi ca pānāni madhūni rasavanti ca | divyānām ambarāṇāṃ ca mahārhāṇāṃ ca saṃcayān | kambalānāṃ ca citrāṇām ajinānāṃ ca saṃcayān ||
Затем они достигли мягкой области — леса без тьмы — и увидели золотые деревья, сиявшие как пылающий огонь: салы, талы, пуннаги, какубхи, ванджулы, дхавы, чампаки, нага-деревья и цветущие карникары. Они увидели лотосовые озёра, похожие на молодое солнце, с помостами из вайдурьи, цвета синей вайдурьи и окружённые птицами. Там были лотосовые озёра с прозрачной водой, окружённые великими золотыми деревьями, подобными юному солнцу, с золотыми рыбами и большими черепахами. Хари увидели там золотые и серебряные дворцы с золотыми окнами, покрытые жемчужными сетями, с золотыми и серебряными полами и вайдурья-камнями; лучшие дома, цветущие и плодоносящие деревья, похожие на коралловые камни; золотых пчёл и повсюду мёд; ложа и сиденья, пёстрые от драгоценных камней и золота; драгоценные повозки; собрания золотых, серебряных и бронзовых сосудов; собрания божественного агару и сандала; чистую пищу, корни и плоды; драгоценные напитки и сладкие мёды; собрания божественных драгоценных одежд, пёстрых покрывал и шкур.
70faabb57f80 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
После тьмы пещеры открывается почти небесное изобилие. Но это изобилие не цель поиска: оно испытывает способность не забыть Ситу среди красоты, пищи и богатства.