ततः कृतोदकं स्नातं तं गृध्रं हरियूथपाः । उपविष्टा गिरौ दुर्गे परिवार्य समन्ततः ॥
तम् अङ्गदम् उपासीनं तैः सर्वैर् हरिभिर् वृतम् । जनितप्रत्ययो हर्षात् संपातिः पुनर् अब्रवीत् ॥
कृत्वा निःशब्दम् एकाग्राः शृण्वन्तु हरयो मम । तत्त्वं संकीर्तयिष्यामि यथा जानामि मैथिलीम् ॥
अस्य विन्ध्यस्य शिखरे पतितो ऽस्मि पुरा वने । सूर्यातपपरीताङ्गो निर्दग्धः सूर्यरश्मिभिः ॥
लब्धसंज्ञस् तु षड्रात्राद् विवशो विह्वलन्न् इव । वीक्षमाणो दिशः सर्वा नाभिजानामि किं चन ॥
ततस् तु सागराञ् शैलान् नदीः सर्वाः सरांसि च । वनान्य् अटविदेशांश् च समीक्ष्य मतिर् आगमत् ॥
हृष्टपक्षिगणाकीर्णः कन्दरान्तरकूटवान् । दक्षिणस्योदधेस् तीरे विन्ध्यो ऽयम् इति निश्चितः ॥
tataḥ kṛtodakaṃ snātaṃ taṃ gṛdhraṃ hariyūthapāḥ | upaviṣṭā girau durge parivārya samantataḥ ||
tam aṅgadam upāsīnaṃ taiḥ sarvair haribhir vṛtam | janitapratyayo harṣāt saṃpātiḥ punar abravīt ||
kṛtvā niḥśabdam ekāgrāḥ śṛṇvantu harayo mama | tattvaṃ saṃkīrtayiṣyāmi yathā jānāmi maithilīm ||
asya vindhyasya śikhare patito 'smi purā vane | sūryātapaparītāṅgo nirdagdhaḥ sūryaraśmibhiḥ ||
labdhasaṃjñas tu ṣaḍrātrād vivaśo vihvalann iva | vīkṣamāṇo diśaḥ sarvā nābhijānāmi kiṃ cana ||
tatas tu sāgarāñ śailān nadīḥ sarvāḥ sarāṃsi ca | vanāny aṭavideśāṃś ca samīkṣya matir āgamat ||
hṛṣṭapakṣigaṇākīrṇaḥ kandarāntarakūṭavān | dakṣiṇasyodadhes tīre vindhyo 'yam iti niścitaḥ ||
После того как Сампати совершил водное возлияние и омылся, вожаки харей, сидевшие на трудной горе, окружили его со всех сторон. Видя Ангаду, сидящего рядом и окружённого всеми харями, Сампати, обретший уверенность от радости, снова сказал: «Пусть хари замолчат и сосредоточенно слушают меня. Я возвещу истину о том, как знаю Майтхили. Некогда я упал в лесу на вершине этой Виндхьи, с телом, охваченным солнечным жаром и сожжённым солнечными лучами. Только через шесть ночей я обрёл сознание; беспомощный и смятённый, я смотрел во все стороны и ничего не узнавал. Затем, осмотрев океаны, горы, все реки, озёра, леса и лесные области, я пришёл в разум. Я понял: это Виндхья на берегу южного океана, наполненная радостными стаями птиц, с пещерами внутри и вершинами».
e0d7281dd073 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сампати говорит уже не из отчаяния, а как свидетель. Его память о падении объясняет цену того знания, которое теперь служит поиску Ситы.