आसीच् चात्राश्रमं पुण्यं सुरैर् अपि सुपूजितम् । ऋषिर् निशाकरो नाम यस्मिन्न् उग्रतपाभवत् ॥
अष्टौ वर्षसहस्राणि तेनास्मिन्न् ऋषिणा विना । वसतो मम धर्मज्ञाः स्वर्गते तु निशाकरे ॥
अवतीर्य च विन्ध्याग्रात् कृच्छ्रेण विषमाच् छनैः । तीक्ष्णदर्भां वसुमतीं दुःखेन पुनर् आगतः ॥
तम् ऋषिं द्रष्टु कामो ऽस्मि दुःखेनाभ्यागतो भृशम् । जटायुषा मया चैव बहुशो ऽभिगतो हि सः ॥
तस्याश्रमपदाभ्याशे ववुर् वाताः सुगन्धिनः । वृक्षो नापुष्पितः कश् चिद् अफलो वा न दृश्यते ॥
उपेत्य चाश्रमं पुण्यं वृक्षमूलम् उपाश्रितः । द्रष्टुकामः प्रतीक्षे च भगवन्तं निशाकरम् ॥
अथापश्यम् अदूरस्थम् ऋषिं ज्वलिततेजसं । कृताभिषेकं दुर्धर्षम् उपावृत्तम् उदङ्मुखम् ॥
तम् ऋक्षाः सृमरा व्याघ्राः सिंहा नागाः सरीसृपाः । परिवार्योपगच्छन्ति दातारं प्राणिनो यथा ॥
ततः प्राप्तम् ऋषिं ज्ञात्वा तानि सत्त्वानि वै ययुः । प्रविष्टे राजनि यथा सर्वं सामात्यकं बलम् ॥
ऋषिस् तु दृष्ट्वा मां तुष्टः प्रविष्टश् चाश्रमं पुनः । मुहूर्तमात्रान् निष्क्रम्य ततः कार्यम् अपृच्छत ॥
āsīc cātrāśramaṃ puṇyaṃ surair api supūjitam | ṛṣir niśākaro nāma yasminn ugratapābhavat ||
aṣṭau varṣasahasrāṇi tenāsminn ṛṣiṇā vinā | vasato mama dharmajñāḥ svargate tu niśākare ||
avatīrya ca vindhyāgrāt kṛcchreṇa viṣamāc chanaiḥ | tīkṣṇadarbhāṃ vasumatīṃ duḥkhena punar āgataḥ ||
tam ṛṣiṃ draṣṭu kāmo 'smi duḥkhenābhyāgato bhṛśam | jaṭāyuṣā mayā caiva bahuśo 'bhigato hi saḥ ||
tasyāśramapadābhyāśe vavur vātāḥ sugandhinaḥ | vṛkṣo nāpuṣpitaḥ kaś cid aphalo vā na dṛśyate ||
upetya cāśramaṃ puṇyaṃ vṛkṣamūlam upāśritaḥ | draṣṭukāmaḥ pratīkṣe ca bhagavantaṃ niśākaram ||
athāpaśyam adūrastham ṛṣiṃ jvalitatejasaṃ | kṛtābhiṣekaṃ durdharṣam upāvṛttam udaṅmukham ||
tam ṛkṣāḥ sṛmarā vyāghrāḥ siṃhā nāgāḥ sarīsṛpāḥ | parivāryopagacchanti dātāraṃ prāṇino yathā ||
tataḥ prāptam ṛṣiṃ jñātvā tāni sattvāni vai yayuḥ | praviṣṭe rājani yathā sarvaṃ sāmātyakaṃ balam ||
ṛṣis tu dṛṣṭvā māṃ tuṣṭaḥ praviṣṭaś cāśramaṃ punaḥ | muhūrtamātrān niṣkramya tataḥ kāryam apṛcchata ||
«Здесь был святой ашрам, почитаемый даже богами. В нём пребывал риши по имени Нишакара, суровый в подвиге. О знатоки дхармы, после того как Нишакара ушёл на небо, я жил здесь без этого риши восемь тысяч лет. Но тогда, медленно и с трудом спустившись с неровной вершины Виндхьи, я с болью снова пришёл на землю, покрытую острой дарбхой. Я сильно страдая пришёл, желая увидеть того риши, ведь он много раз принимал Джатаю и меня. Возле его ашрама дули благоуханные ветры, и не было видно ни одного дерева без цветов или плодов. Подойдя к святому ашраму, я укрылся у корня дерева и стал ждать благословенного Нишакару, желая увидеть его. Затем неподалёку я увидел риши пылающего сияния: он совершил омовение, был неприступен и возвращался, обратив лицо к северу. Медведи, сримары, тигры, львы, слоны и пресмыкающиеся окружали его и приближались, как живые существа к подателю. Затем, поняв, что риши пришёл, эти существа ушли, словно всё войско с министрами, когда царь входит внутрь. Риши, увидев меня, был доволен, снова вошёл в ашрам, а через мгновение вышел и спросил о моём деле».
3b25b309ef5b · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Образ Нишакары показывает силу подвига, перед которой даже дикие существа становятся мирными. В такой атмосфере Сампати получает не только утешение, но и пророческое направление.