गृहाद् गृहं राक्षसानाम् उद्यानानि च वानरः । वीक्षमाणो ह्य् असंत्रस्तः प्रासादांश् च चचार सः ॥
अवप्लुत्य महावेगः प्रहस्तस्य निवेशनम् । ततो ऽन्यत् पुप्लुवे वेश्म महापार्श्वस्य वीर्यवान् ॥
अथ मेघप्रतीकाशं कुम्भकर्णनिवेशनम् । विभीषणस्य च तथा पुप्लुवे स महाकपिः ॥
महोदरस्य च तथा विरूपाक्षस्य चैव हि । विद्युज्जिह्वस्य भवनं विद्युन्मालेस् तथैव च । वज्रदंष्ट्रस्य च तथा पुप्लुवे स महाकपिः ॥
शुकस्य च महावेगः सारणस्य च धीमतः । तथा चेन्द्रजितो वेश्म जगाम हरियूथपः ॥
जम्बुमालेः सुमालेश् च जगाम हरियूथपः । रश्मिकेतोश् च भवनं सूर्यशत्रोस् तथैव च ॥
धूम्राक्षस्य च संपातेर् भवनं मारुतात्मजः । विद्युद्रूपस्य भीमस्य घनस्य विघनस्य च ॥
शुकनाभस्य वक्रस्य शठस्य विकटस्य च । ह्रस्वकर्णस्य दंष्ट्रस्य रोमशस्य च रक्षसः ॥
युद्धोन्मत्तस्य मत्तस्य ध्वजग्रीवस्य नादिनः । विद्युज्जिह्वेन्द्रजिह्वानां तथा हस्तिमुखस्य च ॥
करालस्य पिशाचस्य शोणिताक्षस्य चैव हि । क्रममाणः क्रमेणैव हनूमान् मारुतात्मजः ॥
तेषु तेषु महार्हेषु भवनेषु महायशाः । तेषाम् ऋद्धिमताम् ऋद्धिं ददर्श स महाकपिः ॥
सर्वेषां समतिक्रम्य भवनानि समन्ततः । आससादाथ लक्ष्मीवान् राक्षसेन्द्रनिवेशनम् ॥
gṛhād gṛhaṃ rākṣasānām udyānāni ca vānaraḥ | vīkṣamāṇo hy asaṃtrastaḥ prāsādāṃś ca cacāra saḥ ||
avaplutya mahāvegaḥ prahastasya niveśanam | tato 'nyat pupluve veśma mahāpārśvasya vīryavān ||
atha meghapratīkāśaṃ kumbhakarṇaniveśanam | vibhīṣaṇasya ca tathā pupluve sa mahākapiḥ ||
mahodarasya ca tathā virūpākṣasya caiva hi | vidyujjihvasya bhavanaṃ vidyunmāles tathaiva ca | vajradaṃṣṭrasya ca tathā pupluve sa mahākapiḥ ||
śukasya ca mahāvegaḥ sāraṇasya ca dhīmataḥ | tathā cendrajito veśma jagāma hariyūthapaḥ ||
jambumāleḥ sumāleś ca jagāma hariyūthapaḥ | raśmiketoś ca bhavanaṃ sūryaśatros tathaiva ca ||
dhūmrākṣasya ca saṃpāter bhavanaṃ mārutātmajaḥ | vidyudrūpasya bhīmasya ghanasya vighanasya ca ||
śukanābhasya vakrasya śaṭhasya vikaṭasya ca | hrasvakarṇasya daṃṣṭrasya romaśasya ca rakṣasaḥ ||
yuddhonmattasya mattasya dhvajagrīvasya nādinaḥ | vidyujjihvendrajihvānāṃ tathā hastimukhasya ca ||
karālasya piśācasya śoṇitākṣasya caiva hi | kramamāṇaḥ krameṇaiva hanūmān mārutātmajaḥ ||
teṣu teṣu mahārheṣu bhavaneṣu mahāyaśāḥ | teṣām ṛddhimatām ṛddhiṃ dadarśa sa mahākapiḥ ||
sarveṣāṃ samatikramya bhavanāni samantataḥ | āsasādātha lakṣmīvān rākṣasendraniveśanam ||
Бесстрашный ванара обходил дома ракшасов, сады и дворцы, осматривая их один за другим. Великоскорый и сильный, он спрыгнул к жилищу Прахасты, затем прыгнул к дому Махапаршвы. Потом великий обезьяна прыгнул к жилищу Кумбхакарны, похожему на тучу, и к дому Вибхишаны; затем к домам Маходары, Вирупакши, Видьюджихвы, Видьюнмали и Ваджрадамштры. Предводитель хари пошёл к домам Шуки, мудрого Сараны и Индраджита; затем к Джамбумаали, Сумаали, Рашмикету и Сурьяшатру. Сын Марута проходил дома Дхумракши, Сампати, Видьюдрупы, Бхимы, Гханы, Вигханы, Шуканабхи, Вакры, Шатхи, Викаты, Храсвакарны, Дамштры и ракшаса Ромаши; Юддхонматты, Матты, Дхваджагривы, Надина, Видьюджихвы, Индраджихв, Хастимукхи, Каралы, Пишачи и Шонитакши. Так Хануман, сын Марута, проходил по порядку. В каждом из этих драгоценных домов великославный обезьяна видел богатство богатых. Обойдя со всех сторон дома всех ракшасов, благодатный герой наконец достиг жилища владыки ракшасов.
bb9227adf600 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Поиск Ханумана методичен. Он не бросается прямо к центру, а проверяет дома военачальников и сильных ракшасов, потому что Сита может быть скрыта где угодно.