गजदन्तमयीं दिव्यां शिबिकाम् अन्तरिक्षगाम् । युक्तां वाजिसहस्रेण स्वयम् आस्थाय राघवः ॥
स्वप्ने चाद्य मया दृष्टा सीता शुक्लाम्बरावृता । सागरेण परिक्षिप्तं श्वेतपर्वतम् आस्थिता । रामेण संगता सीता भास्करेण प्रभा यथा ॥
राघवश् च मया दृष्टश् चतुर्दन्तं महागजम् । आरूढः शैलसंकाशं चचार सहलक्ष्मणः ॥
ततस् तौ नरशार्दूलौ दीप्यमानौ स्वतेजसा । शुक्लमाल्याम्बरधरौ जानकीं पर्युपस्थितौ ॥
ततस् तस्य नगस्याग्रे आकाशस्थस्य दन्तिनः । भर्त्रा परिगृहीतस्य जानकी स्कन्धम् आश्रिता ॥
भर्तुर् अङ्कात् समुत्पत्य ततः कमललोचना । चन्द्रसूर्यौ मया दृष्टा पाणिभ्यां परिमार्जती ॥
ततस् ताभ्यां कुमाराभ्याम् आस्थितः स गजोत्तमः । सीतया च विशालाक्ष्या लङ्काया उपरि स्थितः ॥
पाण्डुरर्षभयुक्तेन रथेनाष्टयुजा स्वयम् । शुक्लमाल्याम्बरधरो लक्ष्मणेन समागतः । लक्ष्मणेन सह भ्रात्रा सीतया सह भार्यया ॥
gajadantamayīṃ divyāṃ śibikām antarikṣagām | yuktāṃ vājisahasreṇa svayam āsthāya rāghavaḥ ||
svapne cādya mayā dṛṣṭā sītā śuklāmbarāvṛtā | sāgareṇa parikṣiptaṃ śvetaparvatam āsthitā | rāmeṇa saṃgatā sītā bhāskareṇa prabhā yathā ||
rāghavaś ca mayā dṛṣṭaś caturdantaṃ mahāgajam | ārūḍhaḥ śailasaṃkāśaṃ cacāra sahalakṣmaṇaḥ ||
tatas tau naraśārdūlau dīpyamānau svatejasā | śuklamālyāmbaradharau jānakīṃ paryupasthitau ||
tatas tasya nagasyāgre ākāśasthasya dantinaḥ | bhartrā parigṛhītasya jānakī skandham āśritā ||
bhartur aṅkāt samutpatya tataḥ kamalalocanā | candrasūryau mayā dṛṣṭā pāṇibhyāṃ parimārjatī ||
tatas tābhyāṃ kumārābhyām āsthitaḥ sa gajottamaḥ | sītayā ca viśālākṣyā laṅkāyā upari sthitaḥ ||
pāṇḍurarṣabhayuktena rathenāṣṭayujā svayam | śuklamālyāmbaradharo lakṣmaṇena samāgataḥ | lakṣmaṇena saha bhrātrā sītayā saha bhāryayā ||
«Я увидела, как Рагхава сам взошёл на божественные носилки из слоновой кости, летящие по воздуху и запряжённые тысячей коней. Сегодня во сне я увидела Ситу, одетую в белые одежды, стоящую на белой горе, окружённой океаном. Сита была соединена с Рамой, как сияние соединено с солнцем. Я видела и Рагхаву: он взошёл на великого четырёхклыкового слона, подобного горе, и двигался вместе с Лакшманой. Затем эти два тигра среди людей, сияющие собственным блеском, в белых гирляндах и белых одеждах, приблизились к Дочери Джанаки. На вершине того слона, стоящего в небе, Джанаки, принятая мужем, опёрлась на его плечо. Потом лотосоокая поднялась с колен мужа, и я увидела, как она двумя руками очищает луну и солнце. Затем тот лучший слон, несущий двух царевичей и широкоокую Ситу, стоял над Ланкой. Я видела Раму в белых гирляндах и одеждах, вместе с Лакшманой, братом, и с Ситой, женой, на колеснице, запряжённой восемью белыми быками».
3d4ecf5f78eb · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Белые одежды, высота, слон, солнце и луна создают образ очищения и возвращения царского достоинства. Сон показывает не просто спасение Ситы, а восстановление правильного порядка вокруг Рамы.