ह्रियमाणां तु मां दृष्ट्वा राक्षसा भीमविक्रमाः । अनुगच्छेयुर् आदिष्टा रावणेन दुरात्मना ॥
तैस् त्वं परिवृतः शूरैः शूलम् उद्गर पाणिभिः । भवेस् त्वं संशयं प्राप्तो मया वीर कलत्रवान् ॥
सायुधा बहवो व्योम्नि राक्षसास् त्वं निरायुधः । कथं शक्ष्यसि संयातुं मां चैव परिरक्षितुम् ॥
युध्यमानस्य रक्षोभिस् ततस् तैः क्रूरकर्मभिः । प्रपतेयं हि ते पृष्ठद् भयार्ता कपिसत्तम ॥
अथ रक्षांसि भीमानि महान्ति बलवन्ति च । कथं चित् साम्पराये त्वां जयेयुः कपिसत्तम ॥
अथ वा युध्यमानस्य पतेयं विमुखस्य ते । पतितां च गृहीत्वा मां नयेयुः पापराक्षसाः ॥
मां वा हरेयुस् त्वद्धस्ताद् विशसेयुर् अथापि वा । अव्यवस्थौ हि दृश्येते युद्धे जयपराजयौ ॥
अहं वापि विपद्येयं रक्षोभिर् अभितर्जिता । त्वत्प्रयत्नो हरिश्रेष्ठ भवेन् निष्फल एव तु ॥
कामं त्वम् अपि पर्याप्तो निहन्तुं सर्वराक्षसान् । राघवस्य यशो हीयेत् त्वया शस्तैस् तु राक्षसैः ॥
अथ वादाय रक्षांसि न्यस्येयुः संवृते हि माम् । यत्र ते नाभिजानीयुर् हरयो नापि राघवः ॥
आरम्भस् तु मदर्थो ऽयं ततस् तव निरर्थकः । त्वया हि सह रामस्य महान् आगमने गुणः ॥
मयि जीवितम् आयत्तं राघवस्य महात्मनः । भ्रातॄणां च महाबाहो तव राजकुलस्य च ॥
तौ निराशौ मदर्थे तु शोकसंतापकर्शितौ । सह सर्वर्क्षहरिभिस् त्यक्ष्यतः प्राणसंग्रहम् ॥
hriyamāṇāṃ tu māṃ dṛṣṭvā rākṣasā bhīmavikramāḥ | anugaccheyur ādiṣṭā rāvaṇena durātmanā ||
tais tvaṃ parivṛtaḥ śūraiḥ śūlam udgara pāṇibhiḥ | bhaves tvaṃ saṃśayaṃ prāpto mayā vīra kalatravān ||
sāyudhā bahavo vyomni rākṣasās tvaṃ nirāyudhaḥ | kathaṃ śakṣyasi saṃyātuṃ māṃ caiva parirakṣitum ||
yudhyamānasya rakṣobhis tatas taiḥ krūrakarmabhiḥ | prapateyaṃ hi te pṛṣṭhad bhayārtā kapisattama ||
atha rakṣāṃsi bhīmāni mahānti balavanti ca | kathaṃ cit sāmparāye tvāṃ jayeyuḥ kapisattama ||
atha vā yudhyamānasya pateyaṃ vimukhasya te | patitāṃ ca gṛhītvā māṃ nayeyuḥ pāparākṣasāḥ ||
māṃ vā hareyus tvaddhastād viśaseyur athāpi vā | avyavasthau hi dṛśyete yuddhe jayaparājayau ||
ahaṃ vāpi vipadyeyaṃ rakṣobhir abhitarjitā | tvatprayatno hariśreṣṭha bhaven niṣphala eva tu ||
kāmaṃ tvam api paryāpto nihantuṃ sarvarākṣasān | rāghavasya yaśo hīyet tvayā śastais tu rākṣasaiḥ ||
atha vādāya rakṣāṃsi nyasyeyuḥ saṃvṛte hi mām | yatra te nābhijānīyur harayo nāpi rāghavaḥ ||
ārambhas tu madartho 'yaṃ tatas tava nirarthakaḥ | tvayā hi saha rāmasya mahān āgamane guṇaḥ ||
mayi jīvitam āyattaṃ rāghavasya mahātmanaḥ | bhrātṝṇāṃ ca mahābāho tava rājakulasya ca ||
tau nirāśau madarthe tu śokasaṃtāpakarśitau | saha sarvarkṣaharibhis tyakṣyataḥ prāṇasaṃgraham ||
«Если страшнодоблестные ракшасы, посланные злодушным Раваной, увидят, как меня уносят, они последуют за нами. Окружённый этими героями с копьями и молотами в руках, ты, герой, имея со мной женщину, окажешься в опасности. В небе будет много вооружённых ракшасов, а ты без оружия: как ты сможешь сражаться и одновременно защищать меня? Если ты будешь сражаться с этими жестокими ракшасами, я, мучимая страхом, могу упасть с твоей спины, лучший капи. Или страшные, великие и сильные ракшасы как-нибудь победят тебя в бою. Или пока ты сражаешься и отвлечёшься, я упаду, а злые ракшасы схватят меня и унесут. Или они вырвут меня из твоих рук, или даже растерзают. В битве победа и поражение непостоянны. Я могу погибнуть, устрашённая ракшасами, и твоё усилие, лучший хари, станет бесплодным. Пусть даже ты способен убить всех ракшасов: если они будут убиты тобой, слава Рагхавы уменьшится. Или ракшасы, унеся меня, спрячут в закрытом месте, где меня не найдут ни хари, ни сам Рагхава. Тогда всё это начинание ради меня станет для тебя бесполезным. Великая польза в том, чтобы ты пришёл вместе с Рамой. Могучерукий, от меня зависит жизнь великодушного Рагхавы, его братьев, твоя и всего царского рода. Если эти двое ради меня впадут в отчаяние, истощённые скорбью и мучением, они вместе со всеми рикшами и хари оставят жизнь».
039e646a53da · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сита мыслит как стратег: даже успешное бегство может сорвать большую цель, уменьшить славу Рамы или поставить всех под удар. Её верность включает заботу о правильном исходе для всех.