ततस् ते राक्षसेन्द्रेण चोदिता मन्त्रिणः सुताः । निर्ययुर् भवनात् तस्मात् सप्त सप्तार्चिवर्चसः ॥
महाबलपरीवारा धनुष्मन्तो महाबलाः । कृतास्त्रास्त्रविदां श्रेष्ठाः परस्परजयैषिणः ॥
हेमजालपरिक्षिप्तैर् ध्वजवद्भिः पताकिभिः । तोयदस्वननिर्घोषैर् वाजियुक्तैर् महारथैः ॥
तप्तकाञ्चनचित्राणि चापान्य् अमितविक्रमाः । विस्फारयन्तः संहृष्टास् तडिद्वन्त इवाम्बुदाः ॥
जनन्यस् तास् ततस् तेषां विदित्वा किंकरान् हतान् । बभूवुः शोकसंभ्रान्ताः सबान्धवसुहृज्जनाः ॥
ते परस्परसंघर्षास् तप्तकाञ्चनभूषणाः । अभिपेतुर् हनूमन्तं तोरणस्थम् अवस्थितम् ॥
सृजन्तो बाणवृष्टिं ते रथगर्जितनिःस्वनाः । वृष्टिमन्त इवाम्भोदा विचेरुर् नैरृतर्षभाः ॥
अवकीर्णस् ततस् ताभिर् हनूमाञ् शरवृष्टिभिः । अभवत् संवृताकारः शैलराड् इव वृष्टिभिः ॥
स शरान् वञ्चयाम् आस तेषाम् आशुचरः कपिः । रथवेगांश् च वीराणां विचरन् विमले ऽम्बरे ॥
स तैः क्रीडन् धनुष्मद्भिर् व्योम्नि वीरः प्रकाशते । धनुष्मद्भिर् यथा मेघैर् मारुतः प्रभुर् अम्बरे ॥
tatas te rākṣasendreṇa coditā mantriṇaḥ sutāḥ | niryayur bhavanāt tasmāt sapta saptārcivarcasaḥ ||
mahābalaparīvārā dhanuṣmanto mahābalāḥ | kṛtāstrāstravidāṃ śreṣṭhāḥ parasparajayaiṣiṇaḥ ||
hemajālaparikṣiptair dhvajavadbhiḥ patākibhiḥ | toyadasvananirghoṣair vājiyuktair mahārathaiḥ ||
taptakāñcanacitrāṇi cāpāny amitavikramāḥ | visphārayantaḥ saṃhṛṣṭās taḍidvanta ivāmbudāḥ ||
jananyas tās tatas teṣāṃ viditvā kiṃkarān hatān | babhūvuḥ śokasaṃbhrāntāḥ sabāndhavasuhṛjjanāḥ ||
te parasparasaṃgharṣās taptakāñcanabhūṣaṇāḥ | abhipetur hanūmantaṃ toraṇastham avasthitam ||
sṛjanto bāṇavṛṣṭiṃ te rathagarjitaniḥsvanāḥ | vṛṣṭimanta ivāmbhodā vicerur nairṛtarṣabhāḥ ||
avakīrṇas tatas tābhir hanūmāñ śaravṛṣṭibhiḥ | abhavat saṃvṛtākāraḥ śailarāḍ iva vṛṣṭibhiḥ ||
sa śarān vañcayām āsa teṣām āśucaraḥ kapiḥ | rathavegāṃś ca vīrāṇāṃ vicaran vimale 'mbare ||
sa taiḥ krīḍan dhanuṣmadbhir vyomni vīraḥ prakāśate | dhanuṣmadbhir yathā meghair mārutaḥ prabhur ambare ||
Затем семь сыновей министров, сияющие словно семь огней, побуждённые владыкой ракшасов, вышли из того дворца. Их окружали великосильные свиты; сами они были великосильны, вооружены луками, обучены оружию, лучшие среди знатоков оружия, желавшие превзойти друг друга. Безмернодоблестные, они ехали на великих колесницах, запряжённых конями, покрытых золотой сеткой, со знамёнами и флагами, грохотавших как дождевые тучи. Радостно натягивая пёстрые, словно расплавленное золото, луки, они были подобны облакам с молниями. Когда их матери вместе с родичами и друзьями узнали, что кинкара убиты, они пришли в смятение от скорби. Украшенные расплавленным золотом и тесня друг друга, эти воины напали на Ханумана, стоявшего у ворот. Испуская дождь стрел, под гул рёва колесниц, быки среди найрритов двигались, как дождевые тучи. Осыпавшись этим дождём стрел, Хануман стал невидимым, как царь гор, закрытый ливнем. Но быстроходный капи уклонялся от их стрел и от стремительных колесниц героев, двигаясь в чистом небе. Играя в небе с этими лучниками, герой сиял, как могучий ветер среди облаков, несущих луки.
7acf5d0cd902 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сыновья министров выходят во всей военной красоте Ланки, но поэтические сравнения сразу показывают превосходство Ханумана: они — облака, он — ветер между ними.