अथ संस्कारसंपन्नो हनूमान् सचिवोत्तमः । उवाच वचनं श्लक्ष्णम् अर्थवन् मधुरं लघु ॥
न भवन्तं मतिश्रेष्ठं समर्थं वदतां वरम् । अतिशाययितुं शक्तो बृहस्पतिर् अपि ब्रुवन् ॥
न वादान् नापि संघर्षान् नाधिक्यान् न च कामतः । वक्ष्यामि वचनं राजन् यथार्थं रामगौरवात् ॥
अर्थानर्थनिमित्तं हि यद् उक्तं सचिवैस् तव । तत्र दोषं प्रपश्यामि क्रिया न ह्य् उपपद्यते ॥
ऋते नियोगात् सामर्थ्यम् अवबोद्धुं न शक्यते । सहसा विनियोगो हि दोषवान् प्रतिभाति मे ॥
चारप्रणिहितं युक्तं यद् उक्तं सचिवैस् तव । अर्थस्यासंभवात् तत्र कारणं नोपपद्यते ॥
अदेश काले संप्राप्त इत्य् अयं यद् विभीषणः । विवक्षा चात्र मे ऽस्तीयं तां निबोध यथा मति ॥
स एष देशः कालश् च भवतीह यथा तथा । पुरुषात् पुरुषं प्राप्य तथा दोषगुणाव् अपि ॥
दौरात्म्यं रावणे दृष्ट्वा विक्रमं च तथा त्वयि । युक्तम् आगमनं तस्य सदृशं तस्य बुद्धितः ॥
atha saṃskārasaṃpanno hanūmān sacivottamaḥ | uvāca vacanaṃ ślakṣṇam arthavan madhuraṃ laghu ||
na bhavantaṃ matiśreṣṭhaṃ samarthaṃ vadatāṃ varam | atiśāyayituṃ śakto bṛhaspatir api bruvan ||
na vādān nāpi saṃgharṣān nādhikyān na ca kāmataḥ | vakṣyāmi vacanaṃ rājan yathārthaṃ rāmagauravāt ||
arthānarthanimittaṃ hi yad uktaṃ sacivais tava | tatra doṣaṃ prapaśyāmi kriyā na hy upapadyate ||
ṛte niyogāt sāmarthyam avaboddhuṃ na śakyate | sahasā viniyogo hi doṣavān pratibhāti me ||
cārapraṇihitaṃ yuktaṃ yad uktaṃ sacivais tava | arthasyāsaṃbhavāt tatra kāraṇaṃ nopapadyate ||
adeśa kāle saṃprāpta ity ayaṃ yad vibhīṣaṇaḥ | vivakṣā cātra me 'stīyaṃ tāṃ nibodha yathā mati ||
sa eṣa deśaḥ kālaś ca bhavatīha yathā tathā | puruṣāt puruṣaṃ prāpya tathā doṣaguṇāv api ||
daurātmyaṃ rāvaṇe dṛṣṭvā vikramaṃ ca tathā tvayi | yuktam āgamanaṃ tasya sadṛśaṃ tasya buddhitaḥ ||
Затем Хануман, лучший из советников, наделённый культурой, сказал мягкую, содержательную, приятную и краткую речь: «Даже говорящий Брихаспати не способен превзойти тебя, лучшего разумом, способного, лучшего из говорящих. О царь, я скажу слово не из спора, не из столкновения, не из стремления к превосходству и не из желания, но согласно делу и из почтения к Раме. В том, что твои советники сказали о пользе и вреде, я вижу недостаток: предложенное действие не подходит. Без поручения невозможно понять способность, а поспешное поручение кажется мне ошибочным. Что твои советники сказали о назначении разведчика, это выглядит подходящим, но здесь из-за невозможности дела такое основание не подходит. О том, что Вибхишана пришёл в неподходящем месте и времени, я хочу высказаться; выслушай это по моему разумению. Место и время становятся подходящими так или иначе в зависимости от человека; так же и недостатки с достоинствами меняются от человека к человеку. Увидев злодушие Раваны и твою доблесть, его приход сюда уместен и соответствует его разуму».
b204422c3143 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Хануман отвечает не резкостью, а ясностью. Он признаёт достоинство Рамы и уважает советников, но показывает, что внешнее правило не всегда применимо: место, время и человек должны рассматриваться вместе.