तस्य रामस्य सुप्तस्य कुशास्तीर्णे महीतले । नियमाद् अप्रमत्तस्य निशास् तिस्रो ऽतिचक्रमुः ॥
न च दर्शयते मन्दस् तदा रामस्य सागरः । प्रयतेनापि रामेण यथार्हम् अभिपूजितः ॥
समुद्रस्य ततः क्रुद्धो रामो रक्तान्तलोचनः । समीपस्थम् उवाचेदं लक्ष्मणं शुभलक्ष्मणम् ॥
पश्य तावद् अनार्यस्य पूज्यमानस्य लक्ष्मण । अवलेपं समुद्रस्य न दर्शयति यत् स्वयम् ॥
प्रशमश् च क्षमा चैव आर्जवं प्रियवादिता । असामर्थ्यं फलन्त्य् एते निर्गुणेषु सतां गुणाः ॥
आत्मप्रशंसिनं दुष्टं धृष्टं विपरिधावकम् । सर्वत्रोत्सृष्टदण्डं च लोकः सत्कुरुते नरम् ॥
न साम्ना शक्यते कीर्तिर् न साम्ना शक्यते यशः । प्राप्तुं लक्ष्मण लोके ऽस्मिञ् जयो वा रणमूधनि ॥
अद्य मद्बाणनिर्भिन्नैर् मकरैर् मकरालयम् । निरुद्धतोयं सौमित्रे प्लवद्भिः पश्य सर्वतः ॥
महाभोगानि मत्स्यानां करिणां च करान् इह । भोगांश् च पश्य नागानां मया भिन्नानि लक्ष्मण ॥
सशङ्खशुक्तिका जालं समीनमकरं शरैः । अद्य युद्धेन महता समुद्रं परिशोषये ॥
क्षमया हि समायुक्तं माम् अयं मकरालयः । असमर्थं विजानाति धिक् क्षमाम् ईदृशे जने ॥
tasya rāmasya suptasya kuśāstīrṇe mahītale | niyamād apramattasya niśās tisro 'ticakramuḥ ||
na ca darśayate mandas tadā rāmasya sāgaraḥ | prayatenāpi rāmeṇa yathārham abhipūjitaḥ ||
samudrasya tataḥ kruddho rāmo raktāntalocanaḥ | samīpastham uvācedaṃ lakṣmaṇaṃ śubhalakṣmaṇam ||
paśya tāvad anāryasya pūjyamānasya lakṣmaṇa | avalepaṃ samudrasya na darśayati yat svayam ||
praśamaś ca kṣamā caiva ārjavaṃ priyavāditā | asāmarthyaṃ phalanty ete nirguṇeṣu satāṃ guṇāḥ ||
ātmapraśaṃsinaṃ duṣṭaṃ dhṛṣṭaṃ viparidhāvakam | sarvatrotsṛṣṭadaṇḍaṃ ca lokaḥ satkurute naram ||
na sāmnā śakyate kīrtir na sāmnā śakyate yaśaḥ | prāptuṃ lakṣmaṇa loke 'smiñ jayo vā raṇamūdhani ||
adya madbāṇanirbhinnair makarair makarālayam | niruddhatoyaṃ saumitre plavadbhiḥ paśya sarvataḥ ||
mahābhogāni matsyānāṃ kariṇāṃ ca karān iha | bhogāṃś ca paśya nāgānāṃ mayā bhinnāni lakṣmaṇa ||
saśaṅkhaśuktikā jālaṃ samīnamakaraṃ śaraiḥ | adya yuddhena mahatā samudraṃ pariśoṣaye ||
kṣamayā hi samāyuktaṃ mām ayaṃ makarālayaḥ | asamarthaṃ vijānāti dhik kṣamām īdṛśe jane ||
У бдительного Рамы, лежавшего по обету на земле, покрытой кушей, прошли три ночи. Но медлительный океан не явился Раме, хотя Рама старательно почтил его как положено. Тогда Рама, разгневанный на океан, с покрасневшими краями глаз сказал стоящему рядом Лакшмане с благими признаками: «Посмотри, Лакшмана, на гордость этого неблагородного океана: его почитают, а он сам не является. Умиротворение, терпение, прямота и приятная речь — эти качества благих у лишённых достоинств оборачиваются признаком неспособности. Мир уважает самовосхваляющегося, дурного, наглого, мечущегося и повсюду применяющего наказание человека. О Лакшмана, в этом мире не мягкостью можно обрести славу и известность, и не мягкостью — победу на поле битвы. Сегодня, о Саумитри, увидь со всех сторон океан, обитель макар, с задержанными водами и плавающими макарами, пронзёнными моими стрелами. О Лакшмана, увидь здесь великие тела рыб, хоботы слонов и кольца нагов, разбитые мной. Сегодня стрелами я в великой битве иссушу океан с сетью раковин и устриц, с рыбами и макарами. Этот океан, обитель макар, считает меня неспособным из-за моего терпения. Позор терпению перед таким существом!»
db0252469f59 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама сначала полностью исполняет путь мирного обращения, но отсутствие ответа делает терпение уже не добродетелью, а попущением. Его гнев здесь не прихоть, а восстановление справедливого порядка.