ततः परमदुर्धर्षो रावणो राक्षसेश्वरः । सीतायाम् उपशृण्वन्त्यां राक्षसीम् इदम् अब्रवीत् ॥
राक्षसं क्रूरकर्माणं विद्युज्जिह्वं त्वम् आनय । येन तद् राघवशिरः संग्रामात् स्वयम् आहृतम् ॥
विद्युज्जिह्वस् ततो गृह्य शिरस् तत् सशरासनम् । प्रणामं शिरसा कृत्वा रावणस्याग्रतः स्थितः ॥
तम् अब्रवीत् ततो राजा रावणो राक्षसं स्थितम् । विद्युज्जिह्वं महाजिह्वं समीपपरिवर्तिनम् ॥
अग्रतः कुरु सीतायाः शीघ्रं दाशरथेः शिरः । अवस्थां पश्चिमां भर्तुः कृपणा साधु पश्यतु ॥
एवम् उक्तं तु तद् रक्षः शिरस् तत् प्रियदर्शनम् । उपनिक्षिप्य सीतायाः क्षिप्रम् अन्तरधीयत ॥
रावणश् चापि चिक्षेप भास्वरं कार्मुकं महत् । त्रिषु लोकेषु विख्यातं सीताम् इदम् उवाच ह ॥
इदं तत् तव रामस्य कार्मुकं ज्यासमन्वितम् । इह प्रहस्तेनानीतं हत्वा तं निशि मानुषम् ॥
स विद्युज्जिह्वेन सहैव तच् छिरो; धनुश् च भूमौ विनिकीर्य रावणः । विदेहराजस्य सुतां यशस्विनीं; ततो ऽब्रवीत् तां भव मे वशानुगा ॥
tataḥ paramadurdharṣo rāvaṇo rākṣaseśvaraḥ | sītāyām upaśṛṇvantyāṃ rākṣasīm idam abravīt ||
rākṣasaṃ krūrakarmāṇaṃ vidyujjihvaṃ tvam ānaya | yena tad rāghavaśiraḥ saṃgrāmāt svayam āhṛtam ||
vidyujjihvas tato gṛhya śiras tat saśarāsanam | praṇāmaṃ śirasā kṛtvā rāvaṇasyāgrataḥ sthitaḥ ||
tam abravīt tato rājā rāvaṇo rākṣasaṃ sthitam | vidyujjihvaṃ mahājihvaṃ samīpaparivartinam ||
agrataḥ kuru sītāyāḥ śīghraṃ dāśaratheḥ śiraḥ | avasthāṃ paścimāṃ bhartuḥ kṛpaṇā sādhu paśyatu ||
evam uktaṃ tu tad rakṣaḥ śiras tat priyadarśanam | upanikṣipya sītāyāḥ kṣipram antaradhīyata ||
rāvaṇaś cāpi cikṣepa bhāsvaraṃ kārmukaṃ mahat | triṣu lokeṣu vikhyātaṃ sītām idam uvāca ha ||
idaṃ tat tava rāmasya kārmukaṃ jyāsamanvitam | iha prahastenānītaṃ hatvā taṃ niśi mānuṣam ||
sa vidyujjihvena sahaiva tac chiro; dhanuś ca bhūmau vinikīrya rāvaṇaḥ | videharājasya sutāṃ yaśasvinīṃ; tato 'bravīt tāṃ bhava me vaśānugā ||
Затем крайне трудноодолимый Равана, владыка ракшасов, когда Сита слышала, сказал ракшаси: «Приведи жестокого в делах ракшаса Видьюджихву, который сам принёс с битвы голову Рагхавы». Тогда Видьюджихва взял ту голову вместе с луком и стрелами, поклонился головой и стал перед Раваной. Царь Равана сказал стоящему рядом ракшасу Видьюджихве с великим языком: «Быстро положи перед Ситой голову сына Дашаратхи. Пусть несчастная как следует увидит последнее состояние своего мужа». Получив такой приказ, ракшас положил рядом с Ситой эту приятную на вид голову и быстро исчез. Равана также положил сияющий великий лук, известный в трёх мирах, и сказал Сите: «Вот тот лук твоего Рамы, с тетивой. Прахаста принёс его сюда, убив ночью того человека». Разложив на земле вместе с Видьюджихвой ту голову и лук, Равана затем сказал славной дочери царя Видехи: «Стань подвластной мне».
667c9bd482c3 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Призрачная голова и лук — попытка подменить реальность видимостью. Но верность Ситы обращена не к внешнему предмету, а к живой истине Рамы, поэтому обман не может стать окончательным.