ततस् ते राक्षसास् तत्र तस्मिंस् तमसि दारुणे । रामम् एवाभ्यधावन्त संहृष्टा शरवृष्टिभिः ॥
तेषाम् आपततां शब्दः क्रुद्धानाम् अभिगर्जताम् । उद्वर्त इव सप्तानां समुद्राणाम् अभूत् स्वनः ॥
तेषां रामः शरैः षड्भिः षड् जघान निशाचरान् । निमेषान्तरमात्रेण शितैर् अग्निशिखोपमैः ॥
यज्ञशत्रुश् च दुर्धर्षो महापार्श्वमहोदरौ । वज्रदंष्ट्रो महाकायस् तौ चोभौ शुकसारणौ ॥
ते तु रामेण बाणौघः सर्वमर्मसु ताडिताः । युद्धाद् अपसृतास् तत्र सावशेषायुषो ऽभवन् ॥
ततः काञ्चनचित्राङ्गैः शरैर् अग्निशिखोपमैः । दिशश् चकार विमलाः प्रदिशश् च महाबलः ॥
ये त्व् अन्ये राक्षसा वीरा रामस्याभिमुखे स्थिताः । ते ऽपि नष्टाः समासाद्य पतंगा इव पावकम् ॥
सुवर्णपुङ्खैर् विशिखैः संपतद्भिः सहस्रशः । बभूव रजनी चित्रा खद्योतैर् इव शारदी ॥
राक्षसानां च निनदैर् हरीणां चापि गर्जितैः । सा बभूव निशा घोरा भूयो घोरतरा तदा ॥
तेन शब्देन महता प्रवृद्धेन समन्ततः । त्रिकूटः कन्दराकीर्णः प्रव्याहरद् इवाचलः ॥
tatas te rākṣasās tatra tasmiṃs tamasi dāruṇe | rāmam evābhyadhāvanta saṃhṛṣṭā śaravṛṣṭibhiḥ ||
teṣām āpatatāṃ śabdaḥ kruddhānām abhigarjatām | udvarta iva saptānāṃ samudrāṇām abhūt svanaḥ ||
teṣāṃ rāmaḥ śaraiḥ ṣaḍbhiḥ ṣaḍ jaghāna niśācarān | nimeṣāntaramātreṇa śitair agniśikhopamaiḥ ||
yajñaśatruś ca durdharṣo mahāpārśvamahodarau | vajradaṃṣṭro mahākāyas tau cobhau śukasāraṇau ||
te tu rāmeṇa bāṇaughaḥ sarvamarmasu tāḍitāḥ | yuddhād apasṛtās tatra sāvaśeṣāyuṣo 'bhavan ||
tataḥ kāñcanacitrāṅgaiḥ śarair agniśikhopamaiḥ | diśaś cakāra vimalāḥ pradiśaś ca mahābalaḥ ||
ye tv anye rākṣasā vīrā rāmasyābhimukhe sthitāḥ | te 'pi naṣṭāḥ samāsādya pataṃgā iva pāvakam ||
suvarṇapuṅkhair viśikhaiḥ saṃpatadbhiḥ sahasraśaḥ | babhūva rajanī citrā khadyotair iva śāradī ||
rākṣasānāṃ ca ninadair harīṇāṃ cāpi garjitaiḥ | sā babhūva niśā ghorā bhūyo ghoratarā tadā ||
tena śabdena mahatā pravṛddhena samantataḥ | trikūṭaḥ kandarākīrṇaḥ pravyāharad ivācalaḥ ||
Затем в этой ужасной тьме ракшасы, возбуждённые ливнями стрел, бросились именно на Раму. Шум надвигающихся, разгневанных и рычащих ракшасов стал подобен водовороту семи морей. Рама за одно мгновение шестью острыми стрелами, подобными языкам огня, убил шестерых ночных скитальцев. Яджняшатру, трудноодолимый Махапаршва, Маходара, Ваджрадамштра, Махакая и двое — Шука и Сарана — были поражены Рамой потоками стрел во все уязвимые места и отступили из битвы, сохранив лишь остаток жизни. Затем могучий Рама золотисто-пёстрыми стрелами, подобными языкам огня, очистил стороны и промежуточные стороны. Другие герои-ракшасы, стоявшие перед лицом Рамы, тоже погибли, достигнув его, словно мотыльки огня. Тысячами летящих стрел с золотыми оперениями ночь стала пёстрой, словно осенняя ночь со светляками. От криков ракшасов и рычаний ванаров та страшная ночь стала тогда ещё страшнее. От этого великого звука, возросшего со всех сторон, полная пещер гора Трикута словно заговорила.
b3494aab2403 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Во тьме Рама действует как очищающий огонь: не просто отбивает атаку, а проясняет само пространство битвы. Его стрелы становятся светом различения среди хаоса.