सुग्रीवम् अङ्गदं नीलं शरभं गन्धमादनम् । जाम्बवन्तं सुषेणं च वेगदर्शनम् आहुकम् ॥
मैन्दं नलं ज्योतिमुखं द्विविदं पनसं तथा । विभीषणो हनूमांश् च ददृशाते हतान् रणे ॥
सप्तषष्टिर् हताः कोट्यो वानराणां तरस्विनाम् । अह्नः पञ्चमशेषेण वल्लभेन स्वयम्भुवः ॥
सागरौघनिभं भीमं दृष्ट्वा बाणार्दितं बलम् । मार्गते जाम्बवन्तं स्म हनूमान् सविभीषणः ॥
स्वभावजरया युक्तं वृद्धं शरशतैश् चितम् । प्रजापतिसुतं वीरं शाम्यन्तम् इव पावकम् ॥
दृष्ट्वा तम् उपसंगम्य पौलस्त्यो वाक्यम् अब्रवीत् । कच्चिद् आर्यशरैस् तीर्ष्णैर् न प्राणा ध्वंसितास् तव ॥
विभीषणवचः श्रुत्वा जाम्बवान् ऋक्षपुंगवः । कृच्छ्राद् अभ्युद्गिरन् वाक्यम् इदं वचनम् अब्रवीत् ॥
नैरृतेन्द्रमहावीर्यस्वरेण त्वाभिलक्षये । पीड्यमानः शितैर् बाणैर् न त्वां पश्यामि चक्षुषा ॥
अञ्जना सुप्रजा येन मातरिश्वा च नैरृत । हनूमान् वानरश्रेष्ठः प्राणान् धारयते क्व चित् ॥
श्रुत्वा जाम्बवतो वाक्यम् उवाचेदं विभीषणः । आर्यपुत्राव् अतिक्रम्य कस्मात् पृच्छसि मारुतिम् ॥
नैव राजनि सुग्रीवे नाङ्गदे नापि राघवे । आर्य संदर्शितः स्नेहो यथा वायुसुते परः ॥
विभीषणवचः श्रुत्वा जाम्बवान् वाक्यम् अब्रवीत् । शृणु नैरृतशार्दूल यस्मात् पृच्छामि मारुतिम् ॥
तस्मिञ् जीवति वीरे तु हतम् अप्य् अहतं बलम् । हनूमत्य् उज्झितप्राणे जीवन्तो ऽपि वयं हताः ॥
ध्रियते मारुतिस् तात मारुतप्रतिमो यदि । वैश्वानरसमो वीर्ये जीविताशा ततो भवेत् ॥
sugrīvam aṅgadaṃ nīlaṃ śarabhaṃ gandhamādanam | jāmbavantaṃ suṣeṇaṃ ca vegadarśanam āhukam ||
maindaṃ nalaṃ jyotimukhaṃ dvividaṃ panasaṃ tathā | vibhīṣaṇo hanūmāṃś ca dadṛśāte hatān raṇe ||
saptaṣaṣṭir hatāḥ koṭyo vānarāṇāṃ tarasvinām | ahnaḥ pañcamaśeṣeṇa vallabhena svayambhuvaḥ ||
sāgaraughanibhaṃ bhīmaṃ dṛṣṭvā bāṇārditaṃ balam | mārgate jāmbavantaṃ sma hanūmān savibhīṣaṇaḥ ||
svabhāvajarayā yuktaṃ vṛddhaṃ śaraśataiś citam | prajāpatisutaṃ vīraṃ śāmyantam iva pāvakam ||
dṛṣṭvā tam upasaṃgamya paulastyo vākyam abravīt | kaccid āryaśarais tīrṣṇair na prāṇā dhvaṃsitās tava ||
vibhīṣaṇavacaḥ śrutvā jāmbavān ṛkṣapuṃgavaḥ | kṛcchrād abhyudgiran vākyam idaṃ vacanam abravīt ||
nairṛtendramahāvīryasvareṇa tvābhilakṣaye | pīḍyamānaḥ śitair bāṇair na tvāṃ paśyāmi cakṣuṣā ||
añjanā suprajā yena mātariśvā ca nairṛta | hanūmān vānaraśreṣṭhaḥ prāṇān dhārayate kva cit ||
śrutvā jāmbavato vākyam uvācedaṃ vibhīṣaṇaḥ | āryaputrāv atikramya kasmāt pṛcchasi mārutim ||
naiva rājani sugrīve nāṅgade nāpi rāghave | ārya saṃdarśitaḥ sneho yathā vāyusute paraḥ ||
vibhīṣaṇavacaḥ śrutvā jāmbavān vākyam abravīt | śṛṇu nairṛtaśārdūla yasmāt pṛcchāmi mārutim ||
tasmiñ jīvati vīre tu hatam apy ahataṃ balam | hanūmaty ujjhitaprāṇe jīvanto 'pi vayaṃ hatāḥ ||
dhriyate mārutis tāta mārutapratimo yadi | vaiśvānarasamo vīrye jīvitāśā tato bhavet ||
Вибхишана и Хануман увидели в бою поражёнными Сугриву, Ангаду, Нилу, Шарабху, Гандхамадану, Джамбавана, Сушену, Вегадаршина, Ахуку, Маинду, Налу, Джйотимукху, Двивиду и Панасу. За остаток пятой части дня любимец Самосущего поразил шестьдесят семь коти стремительных ванаров. Увидев это страшное войско, подобное морскому потоку и измученное стрелами, Хануман вместе с Вибхишаной стали искать Джамбавана. Они увидели героя, сына Праджапати: старого естественной старостью, покрытого сотнями стрел и похожего на угасающий огонь. Подойдя к нему, пауластья Вибхишана сказал: «Почтенный, не разрушены ли твои жизни острыми стрелами?» Услышав слова Вибхишаны, Джамбаван, бык медведей, с трудом произнёс: «О великодоблестный царь найрритов, я узнаю тебя по голосу; мучимый острыми стрелами, я не вижу тебя глазами. О найррита, жив ли где-нибудь Хануман, лучший ванар, хороший сын Анджаны и Матаришвана?» Услышав слова Джамбавана, Вибхишана сказал: «Почему, минуя двух благородных царевичей, ты спрашиваешь о сыне Марута? Почтенный, ты не показал такой любви ни к царю Сугриве, ни к Ангаде, ни даже к Рагхаве, как эту особую любовь к сыну Ваю». Джамбаван ответил: «Слушай, тигр найрритов, почему я спрашиваю о сыне Марута. Пока этот герой жив, даже убитое войско не убито; если же Хануман оставил жизнь, то даже живые мы убиты. Дорогой, если сын Марута, подобный ветру и равный Вайшванаре в мощи, жив, тогда есть надежда на жизнь».
4ed33d5ee407 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Джамбаван видит главное: сейчас надежда войска сосредоточена в Ханумане. Это не умаляет Раму; наоборот, показывает, как Господь действует через Своего слугу, делая его носителем спасения для всех.