Рама
स दत्त्वा तुमुलं युद्धं रावणस्य दुरात्मनः । विसृजन् एव बाणौघान् सुषेणं वाक्यम् अब्रवीत् ॥
एष रावणवेगेन लक्ष्मणः पतितः क्षितौ । सर्पवद् वेष्टते वीरो मम शोकम् उदीरयन् ॥
शोणितार्द्रम् इमं वीरं प्राणैर् इष्टतरं मम । पश्यतो मम का शक्तिर् योद्धुं पर्याकुलात्मनः ॥
अयं स समरश्लाघी भ्राता मे शुभलक्षणः । यदि पञ्चत्वम् आपन्नः प्राणैर् मे किं सुखेन वा ॥
लज्जतीव हि मे वीर्यं भ्रश्यतीव कराद् धनुः । सायका व्यवसीदन्ति दृष्टिर् बाष्पवशं गता । चिन्ता मे वर्धते तीव्रा मुमूर्षा चोपजायते ॥
भ्रातरं निहतं दृष्ट्वा रावणेन दुरात्मना । परं विषादम् आपन्नो विललापाकुलेन्द्रियः ॥
न हि युद्धेन मे कार्यं नैव प्राणैर् न सीतया । भ्रातरं निहतं दृष्ट्वा लक्ष्मणं रणपांसुषु ॥
किं मे राज्येन किं प्राणैर् युद्धे कार्यं न विद्यते । यत्रायं निहतः शेते रणमूर्धनि लक्ष्मणः ॥
sa dattvā tumulaṃ yuddhaṃ rāvaṇasya durātmanaḥ | visṛjan eva bāṇaughān suṣeṇaṃ vākyam abravīt ||
eṣa rāvaṇavegena lakṣmaṇaḥ patitaḥ kṣitau | sarpavad veṣṭate vīro mama śokam udīrayan ||
śoṇitārdram imaṃ vīraṃ prāṇair iṣṭataraṃ mama | paśyato mama kā śaktir yoddhuṃ paryākulātmanaḥ ||
ayaṃ sa samaraślāghī bhrātā me śubhalakṣaṇaḥ | yadi pañcatvam āpannaḥ prāṇair me kiṃ sukhena vā ||
lajjatīva hi me vīryaṃ bhraśyatīva karād dhanuḥ | sāyakā vyavasīdanti dṛṣṭir bāṣpavaśaṃ gatā | cintā me vardhate tīvrā mumūrṣā copajāyate ||
bhrātaraṃ nihataṃ dṛṣṭvā rāvaṇena durātmanā | paraṃ viṣādam āpanno vilalāpākulendriyaḥ ||
na hi yuddhena me kāryaṃ naiva prāṇair na sītayā | bhrātaraṃ nihataṃ dṛṣṭvā lakṣmaṇaṃ raṇapāṃsuṣu ||
kiṃ me rājyena kiṃ prāṇair yuddhe kāryaṃ na vidyate | yatrāyaṃ nihataḥ śete raṇamūrdhani lakṣmaṇaḥ ||
размер не определён
Дав злодушному Раване бурную битву и продолжая выпускать потоки стрел, Рама сказал Сушене: «Вот Лакшмана, поражённый натиском Раваны, упал на землю. Этот герой извивается, словно змея, и возбуждает мою скорбь. Я вижу этого героя, мокрого от крови и более дорогого мне, чем жизнь; какая сила останется у меня, потрясённого душой, чтобы сражаться? Это тот самый мой брат, славный в бою, отмеченный благими признаками. Если он умер, что мне жизнь и счастье? Моя доблесть словно стыдится, лук словно выпадает из руки, стрелы слабеют, взор ушёл во власть слёз. Во мне растёт острая тревога, и возникает желание умереть». Увидев брата Лакшману убитым Раваной и лежащим в боевой пыли, Рама впал в крайнее отчаяние и со смятёнными чувствами заплакал: «Нет мне дела ни до битвы, ни до жизни, ни даже до Ситы, когда я вижу брата убитым. Что мне царство, что жизнь? Нет для меня дела в этой битве, если Лакшмана лежит убитым на её вершине».
6414bd701207 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Скорбь Рамы раскрывает не слабость, а глубину любви. Его миссия не становится безличной: даже ради Ситы и победы он не может смотреть на страдание Лакшманы как на простую цену войны.