तं दृष्ट्वा पतितं भूमौ हतशेषा निशाचराः । हतनाथा भयत्रस्ताः सर्वतः संप्रदुद्रुवुः ॥
नर्दन्तश् चाभिपेतुस् तान् वानरा द्रुमयोधिनः । दशग्रीववधं दृष्ट्वा विजयं राघवस्य च ॥
अर्दिता वानरैर् हृष्टैर् लङ्काम् अभ्यपतन् भयात् । हताश्रयत्वात् करुणैर् बाष्पप्रस्रवणैर् मुखैः ॥
ततो विनेदुः संहृष्टा वानरा जितकाशिनः । वदन्तो राघवजयं रावणस्य च तं वधम् ॥
अथान्तरिक्षे व्यनदत् सौम्यस् त्रिदशदुन्दुभिः । दिव्यगन्धवहस् तत्र मारुतः सुसुखो ववौ ॥
निपपातान्तरिक्षाच् च पुष्पवृष्टिस् तदा भुवि । किरन्ती राघवरथं दुरवापा मनोहराः ॥
राघवस् तव संयुक्ता गगने च विशुश्रुवे । साधु साध्व् इति वाग् अग्र्या देवतानां महात्मनाम् ॥
आविवेश महान् हर्षो देवानां चारणैः सह । रावणे निहते रौद्रे सर्वलोकभयंकरे ॥
ततः सकामं सुग्रीवम् अङ्गदं च महाबलम् । चकार राघवः प्रीतो हत्वा राक्षसपुंगवम् ॥
taṃ dṛṣṭvā patitaṃ bhūmau hataśeṣā niśācarāḥ | hatanāthā bhayatrastāḥ sarvataḥ saṃpradudruvuḥ ||
nardantaś cābhipetus tān vānarā drumayodhinaḥ | daśagrīvavadhaṃ dṛṣṭvā vijayaṃ rāghavasya ca ||
arditā vānarair hṛṣṭair laṅkām abhyapatan bhayāt | hatāśrayatvāt karuṇair bāṣpaprasravaṇair mukhaiḥ ||
tato vineduḥ saṃhṛṣṭā vānarā jitakāśinaḥ | vadanto rāghavajayaṃ rāvaṇasya ca taṃ vadham ||
athāntarikṣe vyanadat saumyas tridaśadundubhiḥ | divyagandhavahas tatra mārutaḥ susukho vavau ||
nipapātāntarikṣāc ca puṣpavṛṣṭis tadā bhuvi | kirantī rāghavarathaṃ duravāpā manoharāḥ ||
rāghavas tava saṃyuktā gagane ca viśuśruve | sādhu sādhv iti vāg agryā devatānāṃ mahātmanām ||
āviveśa mahān harṣo devānāṃ cāraṇaiḥ saha | rāvaṇe nihate raudre sarvalokabhayaṃkare ||
tataḥ sakāmaṃ sugrīvam aṅgadaṃ ca mahābalam | cakāra rāghavaḥ prīto hatvā rākṣasapuṃgavam ||
Увидев Равану упавшим на землю, оставшиеся в живых ночные странники, лишённые господина и потрясённые страхом, разбежались во все стороны. Ванары, сражавшиеся деревьями, с рёвом бросились на них, увидев гибель Десятишеего и победу Рагхавы. Измученные радостными ванарами, ракшасы от страха бросились в Ланку; их прибежище было убито, и лица их были жалкими, с потоками слёз. Затем возрадованные ванары, сияя победой, закричали, возглашая победу Рагхавы и убийство Раваны. В воздухе зазвучал приятный барабан богов, и там подул очень приятный ветер, несущий божественный аромат. С неба на землю упал чарующий, труднодостижимый цветочный дождь, осыпая колесницу Рагхавы. В небе была слышна лучшая речь великодушных божеств: «Хорошо! Хорошо!» Когда грозный Равана, наводивший страх на все миры, был убит, великая радость вошла в богов вместе с чаранами. Убив быка ракшасов, довольный Рагхава исполнил желание Сугривы и великосильного Ангады.
a3b171a2985d · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Гибель Раваны сразу меняет состояние мира: страх рассеивается, ветер становится приятным, цветы падают с неба. Победа Рамы освобождает не только союзников, но и саму атмосферу бытия.