ततस् तान् पूजितान् दृष्ट्वा रत्नैर् अर्थैश् च यूथपान् । आरुरोह ततो रामस् तद् विमानम् अनुत्तमम् ॥
अङ्केनादाय वैदेहीं लज्जमानां यशस्विनीम् । लक्ष्मणेन सह भ्रात्रा विक्रान्तेन धनुष्मता ॥
अब्रवीच् च विमानस्थः काकुत्स्थः सर्ववानरान् । सुग्रीवं च महावीर्यं राक्षसं च विभीषणम् ॥
मित्रकार्यं कृतम् इदं भवद्भिर् वानरोत्तमाः । अनुज्ञाता मया सर्वे यथेष्टं प्रतिगच्छत ॥
यत् तु कार्यं वयस्येन सुहृदा वा परंतप । कृतं सुग्रीव तत् सर्वं भवता धर्मभीरुणा । किष्किन्धां प्रतियाह्य् आशु स्वसैन्येनाभिसंवृतः ॥
स्वराज्ये वस लङ्कायां मया दत्ते विभीषण । न त्वां धर्षयितुं शक्ताः सेन्द्रा अपि दिवौकसः ॥
अयोध्यां प्रतियास्यामि राजधानीं पितुर् मम । अभ्यनुज्ञातुम् इच्छामि सर्वान् आमन्त्रयामि वः ॥
tatas tān pūjitān dṛṣṭvā ratnair arthaiś ca yūthapān | āruroha tato rāmas tad vimānam anuttamam ||
aṅkenādāya vaidehīṃ lajjamānāṃ yaśasvinīm | lakṣmaṇena saha bhrātrā vikrāntena dhanuṣmatā ||
abravīc ca vimānasthaḥ kākutsthaḥ sarvavānarān | sugrīvaṃ ca mahāvīryaṃ rākṣasaṃ ca vibhīṣaṇam ||
mitrakāryaṃ kṛtam idaṃ bhavadbhir vānarottamāḥ | anujñātā mayā sarve yatheṣṭaṃ pratigacchata ||
yat tu kāryaṃ vayasyena suhṛdā vā paraṃtapa | kṛtaṃ sugrīva tat sarvaṃ bhavatā dharmabhīruṇā | kiṣkindhāṃ pratiyāhy āśu svasainyenābhisaṃvṛtaḥ ||
svarājye vasa laṅkāyāṃ mayā datte vibhīṣaṇa | na tvāṃ dharṣayituṃ śaktāḥ sendrā api divaukasaḥ ||
ayodhyāṃ pratiyāsyāmi rājadhānīṃ pitur mama | abhyanujñātum icchāmi sarvān āmantrayāmi vaḥ ||
Затем, увидев, что вожаки почтены драгоценностями и богатствами, Рама поднялся на ту непревзойдённую колесницу, взяв на колени славную смущающуюся Вайдехи, вместе с доблестным братом Лакшманой, лучником. Находясь в колеснице, Какутстха сказал всем ванарам, великодоблестному Сугриве и ракшасу Вибхишане: «Лучшие из ванаров, это дело друга совершено вами. Я отпускаю вас всех: возвращайтесь, куда желаете. Сугрива, мучитель врагов, всё, что должен сделать товарищ или друг, тобой, боящимся нарушить дхарму, совершено. Возвращайся быстро в Кишкиндху, окружённый своим войском. Вибхишана, живи в своём царстве в Ланке, данном мною; даже небожители вместе с Индрой не смогут тебя оскорбить. Я возвращусь в Айодхью, столицу моего отца. Я хочу попросить вашего разрешения и прощаюсь со всеми вами».
6e7d61565c38 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама завершает союз не приказом, а благодарным отпуском. Каждый получает своё место: Сугрива — Кишкиндху, Вибхишана — Ланку, Рама — путь к Айодхье.