ततो हर्षसमुद्भूतो निस्वनो दिवम् अस्पृशत् । स्त्रीबालयुववृद्धानां रामो ऽयम् इति कीर्तितः ॥
रथकुञ्जरवाजिभ्यस् ते ऽवतीर्य महीं गताः । ददृशुस् तं विमानस्थं नराः सोमम् इवाम्बरे ॥
प्राञ्जलिर् भरतो भूत्वा प्रहृष्टो राघवोन्मुखः । स्वागतेन यथार्थेन ततो रामम् अपूजयत् ॥
मनसा ब्रह्मणा सृष्टे विमाने लक्ष्मणाग्रजः । रराज पृथुदीर्घाक्षो वज्रपाणिर् इवापरः ॥
ततो विमानाग्रगतं भरतो भ्रातरं तदा । ववन्दे प्रणतो रामं मेरुस्थम् इव भास्करम् ॥
आरोपितो विमानं तद् भरतः सत्यविक्रमः । रामम् आसाद्य मुदितः पुनर् एवाभ्यवादयत् ॥
तं समुत्थाप्य काकुत्स्थश् चिरस्याक्षिपथं गतम् । अङ्के भरतम् आरोप्य मुदितः परिषष्वजे ॥
ततो लक्ष्मणम् आसाद्य वैदेहीं च परंतपः । अभ्यवादयत प्रीतो भरतो नाम चाब्रवीत् ॥
सुग्रीवं कैकयी पुत्रो जाम्बवन्तं तथाङ्गदम् । मैन्दं च द्विविदं नीलम् ऋषभं चैव सस्वजे ॥
ते कृत्वा मानुषं रूपं वानराः कामरूपिणः । कुशलं पर्यपृष्हन्त प्रहृष्टा भरतं तदा ॥
विभीषणं च भरतः सान्त्वयन् वाक्यम् अब्रवीत् । दिष्ट्या त्वया सहायेन कृतं कर्म सुदुष्करम् ॥
tato harṣasamudbhūto nisvano divam aspṛśat | strībālayuvavṛddhānāṃ rāmo 'yam iti kīrtitaḥ ||
rathakuñjaravājibhyas te 'vatīrya mahīṃ gatāḥ | dadṛśus taṃ vimānasthaṃ narāḥ somam ivāmbare ||
prāñjalir bharato bhūtvā prahṛṣṭo rāghavonmukhaḥ | svāgatena yathārthena tato rāmam apūjayat ||
manasā brahmaṇā sṛṣṭe vimāne lakṣmaṇāgrajaḥ | rarāja pṛthudīrghākṣo vajrapāṇir ivāparaḥ ||
tato vimānāgragataṃ bharato bhrātaraṃ tadā | vavande praṇato rāmaṃ merustham iva bhāskaram ||
āropito vimānaṃ tad bharataḥ satyavikramaḥ | rāmam āsādya muditaḥ punar evābhyavādayat ||
taṃ samutthāpya kākutsthaś cirasyākṣipathaṃ gatam | aṅke bharatam āropya muditaḥ pariṣaṣvaje ||
tato lakṣmaṇam āsādya vaidehīṃ ca paraṃtapaḥ | abhyavādayata prīto bharato nāma cābravīt ||
sugrīvaṃ kaikayī putro jāmbavantaṃ tathāṅgadam | maindaṃ ca dvividaṃ nīlam ṛṣabhaṃ caiva sasvaje ||
te kṛtvā mānuṣaṃ rūpaṃ vānarāḥ kāmarūpiṇaḥ | kuśalaṃ paryapṛṣhanta prahṛṣṭā bharataṃ tadā ||
vibhīṣaṇaṃ ca bharataḥ sāntvayan vākyam abravīt | diṣṭyā tvayā sahāyena kṛtaṃ karma suduṣkaram ||
Тогда возникший от радости шум женщин, детей, юношей и старцев коснулся неба: все возглашали: «Это Рама!» Люди сошли с колесниц, слонов и коней, ступили на землю и увидели Раму, стоящего в колеснице, словно луну в небе. Бхарата, сложив ладони и радостно обратив лицо к Рагхаве, почтил Раму должным приветствием. Старший брат Лакшманы, широкоокий, сиял в колеснице, созданной умом Брахмы, словно другой владыка ваджры. Тогда Бхарата поклонился брату Раме, стоявшему впереди колесницы, словно солнцу на Меру. Поднявшись на колесницу и подойдя к Раме, Бхарата истинной доблести радостно поклонился снова. Какутстха поднял Бхарату, которого увидел после долгого времени, посадил к себе на колени и радостно обнял. Затем Бхарата, губитель врагов, с радостью подошёл к Лакшмане и Вайдехи, поклонился им и назвал себя. Сын Кайкейи обнял Сугриву, Джамбавана, Ангаду, Маинду, Двивиду, Нилу и Ришабху. Обезьяны, способные менять облик, приняли человеческую форму и радостно расспрашивали Бхарату о благополучии. Бхарата также обратился к Вибхишане с утешительным словом: «К счастью, с тобой как помощником было совершено это крайне трудное дело».
c931291e461b · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Встреча Рамы и Бхараты снимает напряжение всей Айодхьи. Здесь царская и семейная любовь соединяются: поклон, объятие и признание союзников становятся одним актом восстановления мира.