शत्रुघ्नश् च तदा रामम् अभिवाद्य सलक्ष्मणम् । सीतायाश् चरणौ पश्चाद् ववन्दे विनयान्वितः ॥
रामो मातरम् आसाद्य विषण्णं शोककर्शिताम् । जग्राह प्रणतः पादौ मनो मातुः प्रसादयन् ॥
अभिवाद्य सुमित्रां च कैकेयीं च यशस्विनीम् । स मातॄश् च तदा सर्वाः पुरोहितम् उपागमत् ॥
स्वागतं ते महाबाहो कौसल्यानन्दवर्धन । इति प्राञ्जलयः सर्वे नागरा रामम् अब्रुवन् ॥
तन्य् अञ्जलिसहस्राणि प्रगृहीतानि नागरैः । आकोशानीव पद्मानि ददर्श भरताग्रजः ॥
पादुके ते तु रामस्य गृहीत्वा भरतः स्वयम् । चरणाभ्यां नरेन्द्रस्य योजयाम् आस धर्मवित् ॥
अब्रवीच् च तदा रामं भरतः स कृताञ्जलिः । एतत् ते रक्षितं राजन् राज्यं निर्यातितं मया ॥
अद्य जन्म कृतार्थं मे संवृत्तश् च मनोरथः । यस् त्वां पश्यामि राजानम् अयोध्यां पुनर् आगतम् ॥
अवेक्षतां भवान् कोशं कोष्ठागारं पुरं बलम् । भवतस् तेजसा सर्वं कृतं दशगुणं मया ॥
śatrughnaś ca tadā rāmam abhivādya salakṣmaṇam | sītāyāś caraṇau paścād vavande vinayānvitaḥ ||
rāmo mātaram āsādya viṣaṇṇaṃ śokakarśitām | jagrāha praṇataḥ pādau mano mātuḥ prasādayan ||
abhivādya sumitrāṃ ca kaikeyīṃ ca yaśasvinīm | sa mātṝś ca tadā sarvāḥ purohitam upāgamat ||
svāgataṃ te mahābāho kausalyānandavardhana | iti prāñjalayaḥ sarve nāgarā rāmam abruvan ||
tany añjalisahasrāṇi pragṛhītāni nāgaraiḥ | ākośānīva padmāni dadarśa bharatāgrajaḥ ||
pāduke te tu rāmasya gṛhītvā bharataḥ svayam | caraṇābhyāṃ narendrasya yojayām āsa dharmavit ||
abravīc ca tadā rāmaṃ bharataḥ sa kṛtāñjaliḥ | etat te rakṣitaṃ rājan rājyaṃ niryātitaṃ mayā ||
adya janma kṛtārthaṃ me saṃvṛttaś ca manorathaḥ | yas tvāṃ paśyāmi rājānam ayodhyāṃ punar āgatam ||
avekṣatāṃ bhavān kośaṃ koṣṭhāgāraṃ puraṃ balam | bhavatas tejasā sarvaṃ kṛtaṃ daśaguṇaṃ mayā ||
Тогда Шатругхна, поклонившись Раме вместе с Лакшманой, затем смиренно поклонился стопам Ситы. Рама подошёл к матери, унылой и истощённой скорбью, склонился к её стопам и умиротворил её сердце. Поклонившись Сумитре и славной Кайкейи, а затем всем матерям, он подошёл к жрецу. Все горожане со сложенными ладонями сказали Раме: «Добро пожаловать тебе, могучерукий, увеличивающий радость Каушальи!» Старший брат Бхараты увидел тысячи ладоней, поднятых горожанами, словно раскрытые лотосы. Тогда Бхарата, знающий дхарму, сам взял сандалии Рамы и приложил их к стопам царя людей. Сложив ладони, он сказал Раме: «Царь, это твоё царство было сохранено и теперь возвращено мною. Сегодня моё рождение стало успешным и исполнилось моё заветное желание: я вижу тебя царём, снова пришедшим в Айодхью. Господин, осмотри казну, хранилища, город и войско: твоей силой всё это было сделано мною десятикратным».
4999699909d2 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Бхарата возвращает не только сандалии, но и сам смысл власти. Он не присваивал царство даже внутренне: его радость в том, что сохранённое возвращается владельцу.