शङ्खराजरवः सो ऽथ त्रासयाम् आस राक्षसान् । मृगराज इवारण्ये समदान् इव कुञ्जरान् ॥
न शेकुर् अश्वाः संस्थातुं विमदाः कुञ्जराभवन् । स्यन्दनेभ्यश् च्युता योधाः शङ्खरावितदुर्बलाः ॥
शार्ङ्गचापविनिर्मुक्ता वज्रतुल्याननाः शराः । विदार्य तानि रक्षांसि सुपुङ्खा विविशुः क्षितिम् ॥
भिद्यमानाः शरैश् चान्ये नारायणधनुश्च्युतैः । निपेतू राक्षसा भीमाः शैला वज्रहता इव ॥
व्रणैर् व्रणकरारीणाम् अधोक्षजशरोद्भवैः । असृक् क्षरन्ति धाराभिः स्वर्णधाराम् इवाचलाः ॥
शङ्खराजरवश् चापि शार्ङ्गचापरवस् तथा । राक्षसानां रवांश् चापि ग्रसते वैष्णवो रवः ॥
सूर्याद् इव करा घोरा ऊर्मयः सागराद् इव । पर्वताद् इव नागेन्द्रा वार्योघा इव चाम्बुदात् ॥
तथा बाणा विनिर्मुक्ताः शार्ङ्गान् नरायणेरिताः । निर्धावन्तीषवस् तूर्णं शतशो ऽथ सहस्रशः ॥
शरभेण यथा सिंहाः सिंहेन द्विरदा यथा । द्विरदेन यथा व्याघ्रा व्याघ्रेण द्वीपिनो यथा ॥
द्वीपिना च यथा श्वानः शुना मार्जारका यथा । मार्जारेण यथा सर्पाः सर्पेण च यथाखवः ॥
śaṅkharājaravaḥ so 'tha trāsayām āsa rākṣasān | mṛgarāja ivāraṇye samadān iva kuñjarān ||
na śekur aśvāḥ saṃsthātuṃ vimadāḥ kuñjarābhavan | syandanebhyaś cyutā yodhāḥ śaṅkharāvitadurbalāḥ ||
śārṅgacāpavinirmuktā vajratulyānanāḥ śarāḥ | vidārya tāni rakṣāṃsi supuṅkhā viviśuḥ kṣitim ||
bhidyamānāḥ śaraiś cānye nārāyaṇadhanuścyutaiḥ | nipetū rākṣasā bhīmāḥ śailā vajrahatā iva ||
vraṇair vraṇakarārīṇām adhokṣajaśarodbhavaiḥ | asṛk kṣaranti dhārābhiḥ svarṇadhārām ivācalāḥ ||
śaṅkharājaravaś cāpi śārṅgacāparavas tathā | rākṣasānāṃ ravāṃś cāpi grasate vaiṣṇavo ravaḥ ||
sūryād iva karā ghorā ūrmayaḥ sāgarād iva | parvatād iva nāgendrā vāryoghā iva cāmbudāt ||
tathā bāṇā vinirmuktāḥ śārṅgān narāyaṇeritāḥ | nirdhāvantīṣavas tūrṇaṃ śataśo 'tha sahasraśaḥ ||
śarabheṇa yathā siṃhāḥ siṃhena dviradā yathā | dviradena yathā vyāghrā vyāghreṇa dvīpino yathā ||
dvīpinā ca yathā śvānaḥ śunā mārjārakā yathā | mārjāreṇa yathā sarpāḥ sarpeṇa ca yathākhavaḥ ||
Звук царя раковин заставил ракшасов трепетать, как царь зверей в лесу пугает опьянённых слонов. Кони не могли устоять, слоны лишились ярости, а воины, ослабленные звуком раковины, падали с колесниц. Стрелы, выпущенные из лука Шарнги, с остриями как молния, разрывали ракшасов и, прекрасно оперённые, входили в землю. Другие страшные ракшасы, рассечённые стрелами, сорвавшимися с лука Нараяны, падали, как горы, поражённые молнией. Из ран, нанесённых стрелами Адхокшаджи, они источали кровь потоками, как горы источают золото. Звук Вишну поглощал и рёв царя раковин, и звон лука Шарнги, и крики ракшасов. Как страшные лучи исходят от солнца, волны — из океана, великие змеи — из горы, а водные потоки — из тучи, так стрелы, посланные Нараяной из Шарнги, быстро вылетали сотнями и тысячами. Как львы бывают сломлены шарабхой, слоны — львом, тигры — слоном, леопарды — тигром, собаки — леопардом, кошки — собакой, змеи — кошкой, а мыши — змеёй, так нарастала неизбежность поражения.
ba78e1e41e74 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Звук Панчаджаньи описан как сила, которая ломает не только тела, но и саму уверенность противника. Когда звучит воля Нараяны, даже боевой шум ракшасов оказывается поглощён.