अथ राजन् महाबाहुर् विचरन् स महीतलम् । हिमवद्वनम् आसाद्य परिचक्राम रावणः ॥
तत्रापश्यत वै कन्यां कृष्टाजिनजटाधराम् । आर्षेण विधिना युक्तां तपन्तीं देवताम् इव ॥
स दृष्ट्वा रूपसंपन्नां कन्यां तां सुमहाव्रताम् । काममोहपरीतात्मा पप्रच्छ प्रहसन्न् इव ॥
किम् इदं वर्तसे भद्रे विरुद्धं यौवनस्य ते । न हि युक्ता तवैतस्य रूपस्येयं प्रतिक्रिया ॥
कस्यासि दुहिता भद्रे को वा भर्ता तवानघे । पृच्छतः शंस मे शीघ्रं को वा हेतुस् तपोऽर्जने ॥
एवम् उक्ता तु सा कन्या तेनानार्येण रक्षसा । अब्रवीद् विधिवत् कृत्वा तस्यातिथ्यं तपोधना ॥
कुशध्वजो नाम पिता ब्रह्मर्षिर् मम धार्मिकः । बृहस्पतिसुतः श्रीमान् बुद्ध्या तुल्यो बृहस्पतेः ॥
तस्याहं कुर्वतो नित्यं वेदाभ्यासं महात्मनः । संभूता वान्मयी कन्या नाम्ना वेदवती स्मृता ॥
atha rājan mahābāhur vicaran sa mahītalam | himavadvanam āsādya paricakrāma rāvaṇaḥ ||
tatrāpaśyata vai kanyāṃ kṛṣṭājinajaṭādharām | ārṣeṇa vidhinā yuktāṃ tapantīṃ devatām iva ||
sa dṛṣṭvā rūpasaṃpannāṃ kanyāṃ tāṃ sumahāvratām | kāmamohaparītātmā papraccha prahasann iva ||
kim idaṃ vartase bhadre viruddhaṃ yauvanasya te | na hi yuktā tavaitasya rūpasyeyaṃ pratikriyā ||
kasyāsi duhitā bhadre ko vā bhartā tavānaghe | pṛcchataḥ śaṃsa me śīghraṃ ko vā hetus tapo'rjane ||
evam uktā tu sā kanyā tenānāryeṇa rakṣasā | abravīd vidhivat kṛtvā tasyātithyaṃ tapodhanā ||
kuśadhvajo nāma pitā brahmarṣir mama dhārmikaḥ | bṛhaspatisutaḥ śrīmān buddhyā tulyo bṛhaspateḥ ||
tasyāhaṃ kurvato nityaṃ vedābhyāsaṃ mahātmanaḥ | saṃbhūtā vānmayī kanyā nāmnā vedavatī smṛtā ||
Затем, о царь, могучерукий Равана, странствуя по земле, достиг леса Химавата и ходил по нему. Там он увидел девушку, носящую чёрную шкуру и джаты, следующую ришийскому уставу и сияющую тапасом, словно богиня. Увидев эту прекрасную великообетную девушку, он, охваченный желанием и заблуждением, спросил её как бы со смехом: «Что это ты делаешь, благая, противное твоей юности? Такому облику не подобает такое поведение. Чья ты дочь, благая? Кто твой муж, безгрешная? Скажи скорее мне, спрашивающему: по какой причине ты накапливаешь тапас?» Услышав это от неблагородного ракшаса, девушка, богатая тапасом, оказала ему положенное гостеприимство и сказала: «Мой отец — праведный брахмарши Кушадхваджа, славный сын Брихаспати, равный Брихаспати разумом. Когда этот великий дух постоянно занимался изучением Веды, я родилась из речи и стала известна по имени Ведавати».
feb4be896f94 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Равана видит в тапасе Ведавати нарушение красоты, потому что его взгляд уже захвачен желанием. Она же сначала отвечает по дхарме гостеприимства: чистота не теряет достоинства даже перед неблагородным гостем.