एतस्मिन्न् अन्तरे नादः शुश्रुवे रजनीक्षये । तस्य रावणसैन्यस्य प्रयुद्धस्य समन्ततः ॥
अथ युद्धं समभवद् देवराक्षसयोस् तदा । घोरं तुमुलनिर्ह्रादं नानाप्रहरणायुधम् ॥
एतस्मिन्न् अन्तरे शूरा राक्षसा घोरदर्शनाः । युद्धार्थम् अभ्यधावन्त सचिवा रावणाज्ञया ॥
मारीचश् च प्रहस्तश् च महापार्श्वमहोदरौ । अकम्पनो निकुम्भश् च शुकः सारण एव च ॥
संह्रादिर् धूमकेतुश् च महादंष्ट्रो महामुखः । जम्बुमाली महामाली विरूपाक्षश् च राक्षसः ॥
एतैः सर्वैर् महावीर्यैर् वृतो राक्षसपुंगवः । रावणस्यार्यकः सैन्यं सुमाली प्रविवेश ह ॥
स हि देवगणान् सर्वान् नानाप्रहरणैः शितैः । विध्वंसयति संक्रुद्धः सह तैः क्षणदाचरैः ॥
एतस्मिन्न् अन्तरे शूरो वसूनाम् अष्टमो वसुः । सावित्र इति विख्यातः प्रविवेश महारणम् ॥
ततो युद्धं समभवत् सुराणां राक्षसैः सह । क्रुद्धानां रक्षसां कीर्तिं समरेष्व् अनिवर्तिनाम् ॥
ततस् ते राक्षसाः शूरा देवांस् तान् समरे स्थितान् । नानाप्रहरणैर् घोरैर् जघ्नुः शतसहस्रशः ॥
सुरास् तु राक्षसान् घोरान् महावीर्यान् स्वतेजसा । समरे विविधैः शस्त्रैर् अनयन् यमसादनम् ॥
etasminn antare nādaḥ śuśruve rajanīkṣaye | tasya rāvaṇasainyasya prayuddhasya samantataḥ ||
atha yuddhaṃ samabhavad devarākṣasayos tadā | ghoraṃ tumulanirhrādaṃ nānāpraharaṇāyudham ||
etasminn antare śūrā rākṣasā ghoradarśanāḥ | yuddhārtham abhyadhāvanta sacivā rāvaṇājñayā ||
mārīcaś ca prahastaś ca mahāpārśvamahodarau | akampano nikumbhaś ca śukaḥ sāraṇa eva ca ||
saṃhrādir dhūmaketuś ca mahādaṃṣṭro mahāmukhaḥ | jambumālī mahāmālī virūpākṣaś ca rākṣasaḥ ||
etaiḥ sarvair mahāvīryair vṛto rākṣasapuṃgavaḥ | rāvaṇasyāryakaḥ sainyaṃ sumālī praviveśa ha ||
sa hi devagaṇān sarvān nānāpraharaṇaiḥ śitaiḥ | vidhvaṃsayati saṃkruddhaḥ saha taiḥ kṣaṇadācaraiḥ ||
etasminn antare śūro vasūnām aṣṭamo vasuḥ | sāvitra iti vikhyātaḥ praviveśa mahāraṇam ||
tato yuddhaṃ samabhavat surāṇāṃ rākṣasaiḥ saha | kruddhānāṃ rakṣasāṃ kīrtiṃ samareṣv anivartinām ||
tatas te rākṣasāḥ śūrā devāṃs tān samare sthitān | nānāpraharaṇair ghorair jaghnuḥ śatasahasraśaḥ ||
surās tu rākṣasān ghorān mahāvīryān svatejasā | samare vividhaiḥ śastrair anayan yamasādanam ||
Тем временем на исходе ночи послышался шум войска Раваны, сражавшегося со всех сторон. Тогда между богами и ракшасами началась страшная битва, с бурным грохотом и множеством разных орудий и оружия. По приказу Раваны в бой бросились героические ракшасы страшного вида: Марича, Прахаста, Махапаршва и Маходара, Акампана, Никумбха, Шука и Сарана, Самхради и Дхумакету, Махадамштра, Махамукха, Джамбумали, Махамали и ракшас Вирупакша. Окружённый всеми этими могучими воинами, дед Раваны Сумали вошёл в войско. Разгневанный, он вместе с ночными странниками разил все сонмы богов разными острыми оружиями. В это время в великую битву вступил герой Савитра, известный как восьмой Васу. Тогда началась битва богов с ракшасами, которые были разгневаны, славны и не отступали в сражениях. Эти героические ракшасы сотнями тысяч ударов поражали богов, стоявших в бою, разными страшными оружиями; а боги своей силой отправляли страшных и великодоблестных ракшасов в обитель Ямы разными видами оружия.
fd69211ed8db · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Битва разворачивается как столкновение двух порядков: ракшасы идут за волей Раваны, а боги защищают небесный мир. Повествование подчёркивает силу обеих сторон, чтобы гибель Сумали стала не случайностью, а поворотом в ходе боя.