तस्य तं निश्चयं ज्ञात्वा शक्रो देवेश्वरस् तदा । रथस्थः समरस्थांस् तान् देवान् वाक्यम् अथाब्रवीत् ॥
सुराः शृणुत मद्वाक्यं यत् तावन् मम रोचते । जीवन्न् एव दशग्रीवः साधु रक्षो निगृह्यताम् ॥
एष ह्य् अतिबलः सैन्ये रथेन पवनौजसा । गमिष्यति प्रवृद्धोर्मिः समुद्र इव पर्वणि ॥
न ह्य् एष हन्तुं शक्यो ऽद्य वरदानात् सुनिर्भयः । तद् ग्रहीष्यामहे रक्षो यत्ता भवत संयुगे ॥
यथा बलिं निगृह्यैतत् त्रैलोक्यं भुज्यते मया । एवम् एतस्य पापस्य निग्रहो मम रोचते ॥
ततो ऽन्यं देशम् आस्थाय शक्रः संत्यज्य रावणम् । अयुध्यत महातेजा राक्षसान् नाशयन् रणे ॥
उत्तरेण दशग्रीवः प्रविवेशानिवर्तितः । दक्षिणेन तु पार्श्वेन प्रविवेश शतक्रतुः ॥
ततः स योजनशतं प्रविष्टो राक्षसाधिपः । देवतानां बलं कृत्स्नं शरवर्षैर् अवाकिरत् ॥
ततः शक्रो निरीक्ष्याथ प्रविष्टं तं बलं स्वकम् । न्यवर्तयद् असंभ्रान्तः समावृत्य दशाननम् ॥
एतस्मिन्न् अन्तरे नादो मुक्तो दानवराक्षसैः । हा हताः स्मेति तं दृष्ट्वा ग्रस्तं शक्रेण रावणम् ॥
tasya taṃ niścayaṃ jñātvā śakro deveśvaras tadā | rathasthaḥ samarasthāṃs tān devān vākyam athābravīt ||
surāḥ śṛṇuta madvākyaṃ yat tāvan mama rocate | jīvann eva daśagrīvaḥ sādhu rakṣo nigṛhyatām ||
eṣa hy atibalaḥ sainye rathena pavanaujasā | gamiṣyati pravṛddhormiḥ samudra iva parvaṇi ||
na hy eṣa hantuṃ śakyo 'dya varadānāt sunirbhayaḥ | tad grahīṣyāmahe rakṣo yattā bhavata saṃyuge ||
yathā baliṃ nigṛhyaitat trailokyaṃ bhujyate mayā | evam etasya pāpasya nigraho mama rocate ||
tato 'nyaṃ deśam āsthāya śakraḥ saṃtyajya rāvaṇam | ayudhyata mahātejā rākṣasān nāśayan raṇe ||
uttareṇa daśagrīvaḥ praviveśānivartitaḥ | dakṣiṇena tu pārśvena praviveśa śatakratuḥ ||
tataḥ sa yojanaśataṃ praviṣṭo rākṣasādhipaḥ | devatānāṃ balaṃ kṛtsnaṃ śaravarṣair avākirat ||
tataḥ śakro nirīkṣyātha praviṣṭaṃ taṃ balaṃ svakam | nyavartayad asaṃbhrāntaḥ samāvṛtya daśānanam ||
etasminn antare nādo mukto dānavarākṣasaiḥ | hā hatāḥ smeti taṃ dṛṣṭvā grastaṃ śakreṇa rāvaṇam ||
Узнав это решение, Шакра, владыка богов, стоя на колеснице, сказал богам, находившимся в битве: «Боги, выслушайте моё слово, вот что сейчас мне кажется правильным. Пусть Десятишеий будет схвачен живым. Этот ракшас на колеснице, сильной как ветер, пойдёт через войско, словно океан с разросшимися волнами в полнолуние. Из-за дара он сегодня совершенно бесстрашен, и его нельзя убить. Поэтому мы схватим ракшаса; будьте собраны в битве. Как, схватив Бали, я владею этим троемирием, так мне кажется правильным схватить этого грешника». Затем великосияющий Шакра занял другое место, оставил Равану и сражался, уничтожая ракшасов в бою. Десятишеий вошёл с севера, никем не остановленный, а Шатакрату вошёл с южной стороны. Владыка ракшасов, пройдя на сто йоджан, осыпал всё войско богов дождями стрел. Тогда Шакра, увидев, что Равана вошёл в его войско, без смятения остановил его, окружив Десятиликого. В это время данавы и ракшасы, увидев Равану схваченным Шакрой, закричали: «Увы, мы убиты!»
a6cf37e94444 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Индра действует стратегически: не пытается нарушить дар убийством, а решает взять Равану живым. Но этот план ещё не учитывает майю Мегханады, которая станет решающей силой в следующем повороте.