एतस्मिन्न् एव काले तु स्मृत्वा गोपेषु यत्कृतम् जगामैको व्रजं रामः कृष्णस्यानुमते स्वयम् ॥
स तत्र गत्वा रम्याणि ददर्श विपुलानि वै भुक्तपूर्वाण्य् अरण्यानि सरांसि सुरभीणि च ॥
स प्रविष्टः प्रवेगेन तं व्रजं कृष्णपूर्वजः वन्येन रमणीयेन वेषेणालंकृतः प्रभुः ॥
स तान् सर्वान् आबभाषे यथापूर्वं यथाविधि गोपंस् तेनैव विधिना यथान्यायं यथावयः ॥
तथैव प्राह तान् सर्वांस् तथैव परिहर्षयन् तथैव सह गोपीभी रोचयन् मधुराः कथाः ॥
तम् ऊचुः स्थविरा गोपाः प्रियं मधुरभाषिणः रामं रमयतां श्रेष्ठं प्रवासात् पुनरागतम् ॥
स्वागतं ते महाबाहो यदूनां कुलनन्दन अद्य स्मो निर्वृतास् तात यत् त्वां पश्याम निर्वृतम् ॥
प्रीताश् चैव वयं वीर यत् त्वं पुनर् इहागतः विख्यातस् त्रिषु लोकेषु रामः शत्रुभयंकरः ॥
वर्धनीया वयं नूनं त्वया यादवनन्दन अथ वा प्राणिनस् तात रमन्ते जन्मभूमिषु ॥
त्रिदशानां वयं मान्या ध्रुवम् अद्यामलानन ये स्म दृष्टास् त्वया तात काङ्क्षमाणास् तवागमम् ॥
दिष्ट्या ते निहता मल्लाः कंसश् च विनिपातितः उग्रसेनो ऽभिषिक्तश् च माहात्म्येनानुजेन वै ॥
समुद्रे च श्रुतो ऽस्माभिस् तिमिना सह विग्रहः तच् चायुधावतरणं श्रुतं नः परमाहवे ॥
मथुरायां प्रवेशश् च कीर्तनीयः सुरैर् अपि प्रतिष्ठिता च वसुधा शङ्किताः सर्वपार्थिवाः ॥
तव चागमनं दृष्ट्वा सभाग्याः स्म यथा पुरा तेन स्म परितुष्टाश् च हृषिताश् च सबान्धवाः ॥
etasminn eva kāle tu smṛtvā gopeṣu yatkṛtam jagāmaiko vrajaṃ rāmaḥ kṛṣṇasyānumate svayam ||
sa tatra gatvā ramyāṇi dadarśa vipulāni vai bhuktapūrvāṇy araṇyāni sarāṃsi surabhīṇi ca ||
sa praviṣṭaḥ pravegena taṃ vrajaṃ kṛṣṇapūrvajaḥ vanyena ramaṇīyena veṣeṇālaṃkṛtaḥ prabhuḥ ||
sa tān sarvān ābabhāṣe yathāpūrvaṃ yathāvidhi gopaṃs tenaiva vidhinā yathānyāyaṃ yathāvayaḥ ||
tathaiva prāha tān sarvāṃs tathaiva pariharṣayan tathaiva saha gopībhī rocayan madhurāḥ kathāḥ ||
tam ūcuḥ sthavirā gopāḥ priyaṃ madhurabhāṣiṇaḥ rāmaṃ ramayatāṃ śreṣṭhaṃ pravāsāt punarāgatam ||
svāgataṃ te mahābāho yadūnāṃ kulanandana adya smo nirvṛtās tāta yat tvāṃ paśyāma nirvṛtam ||
prītāś caiva vayaṃ vīra yat tvaṃ punar ihāgataḥ vikhyātas triṣu lokeṣu rāmaḥ śatrubhayaṃkaraḥ ||
vardhanīyā vayaṃ nūnaṃ tvayā yādavanandana atha vā prāṇinas tāta ramante janmabhūmiṣu ||
tridaśānāṃ vayaṃ mānyā dhruvam adyāmalānana ye sma dṛṣṭās tvayā tāta kāṅkṣamāṇās tavāgamam ||
diṣṭyā te nihatā mallāḥ kaṃsaś ca vinipātitaḥ ugraseno 'bhiṣiktaś ca māhātmyenānujena vai ||
samudre ca śruto 'smābhis timinā saha vigrahaḥ tac cāyudhāvataraṇaṃ śrutaṃ naḥ paramāhave ||
mathurāyāṃ praveśaś ca kīrtanīyaḥ surair api pratiṣṭhitā ca vasudhā śaṅkitāḥ sarvapārthivāḥ ||
tava cāgamanaṃ dṛṣṭvā sabhāgyāḥ sma yathā purā tena sma parituṣṭāś ca hṛṣitāś ca sabāndhavāḥ ||
В это время Рама, с позволения Кришны, сам отправился во Врадж, вспомнив то, что было совершено среди гопов. Придя туда, он увидел прекрасные просторные леса, где прежде наслаждался, и благоуханные озёра. Старший брат Кришны, владыка, стремительно вошёл во Врадж, украшенный красивым лесным одеянием. Он обратился ко всем гопам как прежде, должным образом, по справедливости и согласно возрасту; так же говорил со всеми, радуя их, и так же вместе с гопи вёл сладкие беседы. Тогда старшие гопы, сладкоречиво и ласково, сказали Раме, лучшему из дарящих радость, вернувшемуся из разлуки: «Добро пожаловать тебе, могучерукий, радость рода Яду. Сегодня мы удовлетворены, дитя, потому что видим тебя благополучным. Мы рады, герой, что ты снова пришёл сюда, Рама, прославленный в трёх мирах и устрашающий врагов. Конечно, о Ядунандана, тебе следует почтить нас; или, милый, все живые существа радуются на родной земле. Сегодня мы, несомненно, достойны почтения богов, о чистолицый, раз ты увидел нас, ожидавших твоего прихода. К счастью, тобой убиты борцы, Камса низвергнут, а Уграсена помазан величием твоего младшего брата. Мы слышали о твоём столкновении с морским чудищем в океане и о нисхождении оружий в великой битве. Твой вход в Матхуру достоин воспевания даже богами; земля утверждена, и все цари устрашены. Увидев твоё возвращение, мы счастливы как прежде; поэтому мы довольны и ликуем вместе с родными».
78323397999d · 发布于 2026年6月22日 04:29:03 UTC
可用语言RU用方向键翻颂
Возвращение Баларамы во Врадж показывает, что слава Матхуры не стирает пастушескую близость. Для гопов он остаётся своим, воспитанным в их домах и лесах.