उक्तवांश् च महाबाहो क्वासौ वृष्णिकुलाधमः ॥
वासुदेवः सुमन्दात्मा वसुदेवसुतो गतः ॥
तस्य युद्धार्थिनो दर्पं युद्धे नाशयितास्म्य् अहम् ॥
आनर्ताः सत्यम् आख्यात तत्र गन्तास्मि यत्र सः ॥
तं हत्वा विनिवर्तिष्ये कंसकेशिनिषूदनम् ॥
अहत्वा न निवर्तिष्ये सत्येनायुधम् आलभे ॥
क्वासौ क्वासाव् इति पुनस् तत्र तत्र विधावति ॥
मया किल रणे युद्धं काङ्क्षमाणः स सौभराट् ॥
अद्य तं पापकर्माणं क्षुद्रं विश्वासघातिनम् ॥
शिशुपालवधामर्षाद् गमयिष्ये यमक्षयम् ॥
मम पापस्वभावेन भ्राता येन निपातितः ॥
शिशुपालो महीपालस् तं वधिष्ये महीतले ॥
भ्राता बालश् च राजा च न च संग्राममूर्धनि ॥
प्रमत्तश् च हतो वीरस् तं हनिष्ये जनार्दनम् ॥
एवमादि महाराज विलप्य दिवम् आस्थितः ॥
कामगेन स सौभेन क्षिप्त्वा मां कुरुनन्दन ॥
uktavāṃś ca mahābāho kvāsau vṛṣṇikulādhamaḥ ||
vāsudevaḥ sumandātmā vasudevasuto gataḥ ||
tasya yuddhārthino darpaṃ yuddhe nāśayitāsmy aham ||
ānartāḥ satyam ākhyāta tatra gantāsmi yatra saḥ ||
taṃ hatvā vinivartiṣye kaṃsakeśiniṣūdanam ||
ahatvā na nivartiṣye satyenāyudham ālabhe ||
kvāsau kvāsāv iti punas tatra tatra vidhāvati ||
mayā kila raṇe yuddhaṃ kāṅkṣamāṇaḥ sa saubharāṭ ||
adya taṃ pāpakarmāṇaṃ kṣudraṃ viśvāsaghātinam ||
śiśupālavadhāmarṣād gamayiṣye yamakṣayam ||
mama pāpasvabhāvena bhrātā yena nipātitaḥ ||
śiśupālo mahīpālas taṃ vadhiṣye mahītale ||
bhrātā bālaś ca rājā ca na ca saṃgrāmamūrdhani ||
pramattaś ca hato vīras taṃ haniṣye janārdanam ||
evamādi mahārāja vilapya divam āsthitaḥ ||
kāmagena sa saubhena kṣiptvā māṃ kurunandana ||
"He said: 'Where is this lowest of the Vrishni race, Vasudeva, son of Vasudeva? I shall destroy in battle the pride of him who seeks a fight. Tell me the truth, O Anartas -- I shall go where he is. Having slain the slayer of Kamsa and Keshin, I shall return; if I do not slay him, I shall not return -- truly do I lay hand upon my weapon.' Thus the king of Saubha rushed about everywhere, repeating: 'Where is he? Where is he?' He desired battle with me and said: 'Today I shall send to the abode of Yama this evildoer, this base betrayer of trust, who slew Shishupala. He struck down my brother, the lord of the earth; I shall slay Janardana.' Speaking thus and challenging me, he rose into the sky on Saubha, which moves at will."
f838e579ca42 · 发布于 2026年7月16日 16:44:34 UTC
可用语言RUEN用方向键翻颂
Shalva speaks the language of revenge and distorts the truth: Shishupala himself pushed insult to its limit, yet his friend turns his death into a pretext for fresh adharma. Thus unacknowledged guilt passes from one heart to another and becomes war.