एवम् उक्तस् तु वैदर्भ्या नलस् तां प्रत्युवाच ह ॥
तिष्ठत्सु लोकपालेषु कथं मानुषम् इच्छसि ॥
येषाम् अहं लोककृताम् ईश्वराणां महात्मनाम् ॥
न पादरजसा तुल्यो मनस् ते तेषु वर्तताम् ॥
विप्रियं ह्य् आचरन् मर्त्यो देवानां मृत्युम् ऋच्छति ॥
त्राहि माम् अनवद्याङ्गि वरयस्व सुरोत्तमान् ॥
ततो बाष्पकलां वाचं दमयन्ती शुचिस्मिता ॥
प्रव्याहरन्ती शनकैर् नलं राजानम् अब्रवीत् ॥
अस्त्य् उपायो मया दृष्टो निरपायो नरेश्वर ॥
येन दोषो न भविता तव राजन् कथं चन ॥
त्वं चैव हि नरश्रेष्ठ देवाश् चाग्निपुरोगमाः ॥
आयान्तु सहिताः सर्वे मम यत्र स्वयंवरः ॥
ततो ऽहं लोकपालानां संनिधौ त्वां नरेश्वर ॥
वरयिष्ये नरव्याघ्र नैवं दोषो भविष्यति ॥
evam uktas tu vaidarbhyā nalas tāṃ pratyuvāca ha ||
tiṣṭhatsu lokapāleṣu kathaṃ mānuṣam icchasi ||
yeṣām ahaṃ lokakṛtām īśvarāṇāṃ mahātmanām ||
na pādarajasā tulyo manas te teṣu vartatām ||
vipriyaṃ hy ācaran martyo devānāṃ mṛtyum ṛcchati ||
trāhi mām anavadyāṅgi varayasva surottamān ||
tato bāṣpakalāṃ vācaṃ damayantī śucismitā ||
pravyāharantī śanakair nalaṃ rājānam abravīt ||
asty upāyo mayā dṛṣṭo nirapāyo nareśvara ||
yena doṣo na bhavitā tava rājan kathaṃ cana ||
tvaṃ caiva hi naraśreṣṭha devāś cāgnipurogamāḥ ||
āyāntu sahitāḥ sarve mama yatra svayaṃvaraḥ ||
tato 'haṃ lokapālānāṃ saṃnidhau tvāṃ nareśvara ||
varayiṣye naravyāghra naivaṃ doṣo bhaviṣyati ||
Nala answered her: "When the world-guardians themselves stand present, how can you desire a mere man? I am not equal even to the dust on the feet of these great lords, the makers of the worlds. Let your mind turn to them. A mortal who acts displeasingly toward the gods meets death. Save me, flawless one -- choose the best among the gods." Then Damayanti, with a pure smile and tears trembling in her voice, spoke softly to King Nala: "I see a means, O lord of men, by which no fault will ever fall upon you. Let you, best of men, and the gods with Agni at their head, all come together to the place of my svayamvara. Then, in the presence of the world-guardians, I will choose you, tiger among men, and there will be no fault in it."
936b5affcb31 · 发布于 2026年7月16日 16:54:08 UTC
可用语言RUEN用方向键翻颂
Damayanti does not defy the gods boldly; she seeks a path where love does not break Nala's duty toward them. Her wisdom joins fidelity with respect for the higher order.