केशिन्य् उवाच
दृढं शुच्युपचारो ऽसौ न मया मानुषः क्व चित् ॥
दृष्टपूर्वः श्रुतो वापि दमयन्ति तथाविधः ॥
ह्रस्वम् आसाद्य संचारं नासौ विनमते क्व चित् ॥
तं तु दृष्ट्वा यथासङ्गम् उत्सर्पति यथासुखम् ॥
संकटे ऽप्य् अस्य सुमहद् विवरं जायते ऽधिकम् ॥
ऋतुपर्णस्य चार्थाय भोजनीयम् अनेकशः ॥
प्रेषितं तत्र राज्ञा च मांसं सुबहु पाशवम् ॥
तस्य प्रक्षालनार्थाय कुम्भस् तत्रोपकल्पितः ॥
स तेनावेक्षितः कुम्भः पूर्ण एवाभवत् तदा ॥
ततः प्रक्षालनं कृत्वा समधिश्रित्य बाहुकः ॥
तृणमुष्टिं समादाय आविध्यैनं समादधत् ॥
अथ प्रज्वलितस् तत्र सहसा हव्यवाहनः ॥
तद् अद्भुततमं दृष्ट्वा विस्मिताहम् इहागता ॥
अन्यच् च तस्मिन् सुमहद् आश्चर्यं लक्षितं मया ॥
यद् अग्निम् अपि संस्पृश्य नैव दह्यत्य् असौ शुभे ॥
छन्देन चोदकं तस्य वहत्य् आवर्जितं द्रुतम् ॥
अतीव चान्यत् सुमहद् आश्चर्यं दृष्टवत्य् अहम् ॥
यत् स पुष्पाण्य् उपादाय हस्ताभ्यां ममृदे शनैः ॥
मृद्यमानानि पाणिभ्यां तेन पुष्पाणि तान्य् अथ ॥
भूय एव सुगन्धीनि हृषितानि भवन्ति च ॥
एतान्य् अद्भुतकल्पानि दृष्ट्वाहं द्रुतम् आगता ॥
keśiny uvāca
dṛḍhaṃ śucyupacāro 'sau na mayā mānuṣaḥ kva cit ||
dṛṣṭapūrvaḥ śruto vāpi damayanti tathāvidhaḥ ||
hrasvam āsādya saṃcāraṃ nāsau vinamate kva cit ||
taṃ tu dṛṣṭvā yathāsaṅgam utsarpati yathāsukham ||
saṃkaṭe 'py asya sumahad vivaraṃ jāyate 'dhikam ||
ṛtuparṇasya cārthāya bhojanīyam anekaśaḥ ||
preṣitaṃ tatra rājñā ca māṃsaṃ subahu pāśavam ||
tasya prakṣālanārthāya kumbhas tatropakalpitaḥ ||
sa tenāvekṣitaḥ kumbhaḥ pūrṇa evābhavat tadā ||
tataḥ prakṣālanaṃ kṛtvā samadhiśritya bāhukaḥ ||
tṛṇamuṣṭiṃ samādāya āvidhyainaṃ samādadhat ||
atha prajvalitas tatra sahasā havyavāhanaḥ ||
tad adbhutatamaṃ dṛṣṭvā vismitāham ihāgatā ||
anyac ca tasmin sumahad āścaryaṃ lakṣitaṃ mayā ||
yad agnim api saṃspṛśya naiva dahyaty asau śubhe ||
chandena codakaṃ tasya vahaty āvarjitaṃ drutam ||
atīva cānyat sumahad āścaryaṃ dṛṣṭavaty aham ||
yat sa puṣpāṇy upādāya hastābhyāṃ mamṛde śanaiḥ ||
mṛdyamānāni pāṇibhyāṃ tena puṣpāṇi tāny atha ||
bhūya eva sugandhīni hṛṣitāni bhavanti ca ||
etāny adbhutakalpāni dṛṣṭvāhaṃ drutam āgatā ||
Keshini said: "Damayanti, I have never seen or heard of a man so pure in his conduct. He does not stoop before a low passage: when he approaches, the passage itself widens, and even in a narrow space ample room opens up for him. Much meat had been sent for Ritupparna's sake. To wash it, a jar was set out; the moment he looked at it, it filled at once with water. Then Bahuka washed everything, set it to cook, took a handful of grass, tossed it in -- and fire suddenly blazed up there. I was amazed at this most wondrous sight and came here at once. I also noticed another great wonder in him: touching fire, he is not burned by it, gracious one. Water flows swiftly at his mere wish when he tilts it. And I saw yet another very great wonder: when he took flowers and gently crushed them in his hands, those flowers, being crushed by his palms, became still more fragrant and fresh. Having seen these marvelous signs, I hurried back at once."
e9eae20e59bc · 发布于 2026年7月16日 17:01:58 UTC
可用语言RUEN用方向键翻颂
The wonders surrounding Bahuka point to a hidden royal and divinely blessed power. A disfigured body has not annulled his inner authority.