बृहदश्व उवाच
स मासम् उष्य कौन्तेय भीमम् आमन्त्र्य नैषधः ॥
पुराद् अल्पपरीवारो जगाम निषधान् प्रति ॥
रथेनैकेन शुभ्रेण दन्तिभिः परिषोडशैः ॥
पञ्चाशद्भिर् हयैश् चैव षट्शतैश् च पदातिभिः ॥
स कम्पयन्न् इव महीं त्वरमाणो महीपतिः ॥
प्रविवेशातिसंरब्धस् तरसैव महामनाः ॥
ततः पुष्करम् आसाद्य वीरसेनसुतो नलः ॥
उवाच दीव्याव पुनर् बहु वित्तं मयार्जितम् ॥
दमयन्ती च यच् चान्यन् मया वसु समर्जितम् ॥
एष वै मम संन्यासस् तव राज्यं तु पुष्कर ॥
पुनः प्रवर्ततां द्यूतम् इति मे निश्चिता मतिः ॥
एकपाणेन भद्रं ते प्राणयोश् च पणावहे ॥
जित्वा परस्वम् आहृत्य राज्यं वा यदि वा वसु ॥
प्रतिपाणः प्रदातव्यः परं हि धनम् उच्यते ॥
न चेद् वाञ्छसि तद् द्यूतं युद्धद्यूतं प्रवर्तताम् ॥
द्वैरथेनास्तु वै शान्तिस् तव वा मम वा नृप ॥
वंशभोज्यम् इदं राज्यं मार्गितव्यं यथा तथा ॥
येन तेनाप्य् उपायेन वृद्धानाम् इति शासनम् ॥
द्वयोर् एकतरे बुद्धिः क्रियताम् अद्य पुष्कर ॥
कैतवेनाक्षवत्यां वा युद्धे वा नम्यतां धनुः ॥
bṛhadaśva uvāca
sa māsam uṣya kaunteya bhīmam āmantrya naiṣadhaḥ ||
purād alpaparīvāro jagāma niṣadhān prati ||
rathenaikena śubhreṇa dantibhiḥ pariṣoḍaśaiḥ ||
pañcāśadbhir hayaiś caiva ṣaṭśataiś ca padātibhiḥ ||
sa kampayann iva mahīṃ tvaramāṇo mahīpatiḥ ||
praviveśātisaṃrabdhas tarasaiva mahāmanāḥ ||
tataḥ puṣkaram āsādya vīrasenasuto nalaḥ ||
uvāca dīvyāva punar bahu vittaṃ mayārjitam ||
damayantī ca yac cānyan mayā vasu samarjitam ||
eṣa vai mama saṃnyāsas tava rājyaṃ tu puṣkara ||
punaḥ pravartatāṃ dyūtam iti me niścitā matiḥ ||
ekapāṇena bhadraṃ te prāṇayoś ca paṇāvahe ||
jitvā parasvam āhṛtya rājyaṃ vā yadi vā vasu ||
pratipāṇaḥ pradātavyaḥ paraṃ hi dhanam ucyate ||
na ced vāñchasi tad dyūtaṃ yuddhadyūtaṃ pravartatām ||
dvairathenāstu vai śāntis tava vā mama vā nṛpa ||
vaṃśabhojyam idaṃ rājyaṃ mārgitavyaṃ yathā tathā ||
yena tenāpy upāyena vṛddhānām iti śāsanam ||
dvayor ekatare buddhiḥ kriyatām adya puṣkara ||
kaitavenākṣavatyāṃ vā yuddhe vā namyatāṃ dhanuḥ ||
Brihadashva said: "Having spent a month there, Nishadha Nala took leave of Bhima and set out with a small retinue for the land of the Nishadhas. With a single splendid chariot, sixteen elephants, fifty horses, and six hundred foot soldiers, he entered his city swiftly, as though making the earth tremble, filled with resolve. Coming before Pushkara, the son of Virasena said: 'Let us play again. I have won much wealth; Damayanti and all else that I have gained are my stake, and let the kingdom be your stake, Pushkara. This is my firm resolve: let the game begin anew. With a single throw let us wager even our lives. Whoever wins shall take the other's wealth — be it kingdom or riches — for the counter-stake must be given; that is called the highest wealth. But if you do not wish that game, let the game of battle begin instead: by a duel of chariots let there be peace, whether for you or for me, O king. This kingdom, enjoyed by our line, must be won back by whatever means; such is the teaching of the elders — by whatever means it may be done. Choose now, this very day, one of the two, Pushkara: either deceit at the dice-board, or the bow drawn in battle.'"
37dc87e6dd55 · 发布于 2026年7月16日 17:01:59 UTC
可用语言RUEN用方向键翻颂
Nala returns not as a fugitive but as a king ready to answer on the very ground where he fell, or in open battle. Victory demands facing the earlier defeat head-on.