कुबेरसचिवाश् चान्ये रौद्रा मैत्राश् च राक्षसाः ॥
तैः समेष्याम कौन्तेय यत्तो विक्रमणे भव ॥
कैलासः पर्वतो राजन् षड्योजनशतान्य् उत ॥
यत्र देवाः समायान्ति विशाला यत्र भारत ॥
असंख्येयास् तु कौन्तेय यक्षराक्षसकिंनराः ॥
नागाः सुपर्णा गन्धर्वाः कुबेरसदनं प्रति ॥
तान् विगाहस्व पार्थाद्य तपसा च दमेन च ॥
रक्ष्यमाणो मया राजन् भीमसेनबलेन च ॥
स्वस्ति ते वरुणो राजा यमश् च समितिंजयः ॥
गङ्गा च यमुना चैव पर्वतश् च दधातु ते ॥
इन्द्रस्य जाम्बूनदपर्वताग्रे; शृणोमि घोषं तव देवि गङ्गे ॥
गोपाययेमं सुभगे गिरिभ्यः; सर्वाजमीढापचितं नरेन्द्रम् ॥
भवस्व शर्म प्रविविक्षतो ऽस्य; शैलान् इमाञ् शैलसुते नृपस्य ॥
kuberasacivāś cānye raudrā maitrāś ca rākṣasāḥ ||
taiḥ sameṣyāma kaunteya yatto vikramaṇe bhava ||
kailāsaḥ parvato rājan ṣaḍyojanaśatāny uta ||
yatra devāḥ samāyānti viśālā yatra bhārata ||
asaṃkhyeyās tu kaunteya yakṣarākṣasakiṃnarāḥ ||
nāgāḥ suparṇā gandharvāḥ kuberasadanaṃ prati ||
tān vigāhasva pārthādya tapasā ca damena ca ||
rakṣyamāṇo mayā rājan bhīmasenabalena ca ||
svasti te varuṇo rājā yamaś ca samitiṃjayaḥ ||
gaṅgā ca yamunā caiva parvataś ca dadhātu te ||
indrasya jāmbūnadaparvatāgre; śṛṇomi ghoṣaṃ tava devi gaṅge ||
gopāyayemaṃ subhage giribhyaḥ; sarvājamīḍhāpacitaṃ narendram ||
bhavasva śarma pravivikṣato 'sya; śailān imāñ śailasute nṛpasya ||
"We shall also meet other counselors of Kubera, Kaunteya: fearsome and friendly rakshasas alike. Be attentive in your step. Mount Kailasa, O king, extends six hundred yojanas; there the gods come, O Bharata, and there Vishala is found. Countless yakshas, rakshasas, kinnaras, nagas, suparnas, and gandharvas are making their way toward Kubera's abode. Enter among them today, Partha, through austerity and self-restraint, O king, protected by me and by the strength of Bhimasena. May King Varuna grant you well-being, and Yama, the victor in battle, and the Ganga and Yamuna, and the mountain as well. On the summit of Indra's golden mountain I hear your roar, goddess Ganga. Fair one, protect from the mountains this king, honored by all the Ajamidhas. O daughter of the mountain, be a refuge for this king as he enters these mountains."
1509f4006ddf · 发布于 2026年7月16日 17:06:20 UTC
可用语言RUEN用方向键翻颂
Lomasha does not rely on Bhima's strength alone: he invokes austerity, self-restraint, and the grace of the sacred powers. In a perilous region, outward protection must be joined to inward purity.