तच् च क्रोधवशा नाम राक्षसा राजशासनात् ॥
रक्षन्ति शतसाहस्राश् चित्रायुधपरिच्छदाः ॥
ते तु दृष्ट्वैव कौन्तेयम् अजिनैः परिवारितम् ॥
रुक्माङ्गदधरं वीरं भीमं भीमपराक्रमम् ॥
सायुधं बद्धनिस्त्रिंशम् अशङ्कितम् अरिंदमम् ॥
पुष्करेप्सुम् उपायान्तम् अन्योन्यम् अभिचुक्रुशुः ॥
अयं पुरुषशार्दूलः सायुधो ऽजिनसंवृतः ॥
यच् चिकीर्षुर् इह प्राप्तस् तत् संप्रष्टुम् इहार्हथ ॥
ततः सर्वे महाबाहुं समासाद्य वृकोदरम् ॥
तेजोयुक्तम् अपृच्छन्त कस् त्वम् आख्यातुम् अर्हसि ॥
मुनिवेषधरश् चासि चीरवासाश् च लक्ष्यसे ॥
यदर्थम् असि संप्राप्तस् तद् आचक्ष्व महाद्युते ॥
tac ca krodhavaśā nāma rākṣasā rājaśāsanāt ||
rakṣanti śatasāhasrāś citrāyudhaparicchadāḥ ||
te tu dṛṣṭvaiva kaunteyam ajinaiḥ parivāritam ||
rukmāṅgadadharaṃ vīraṃ bhīmaṃ bhīmaparākramam ||
sāyudhaṃ baddhanistriṃśam aśaṅkitam ariṃdamam ||
puṣkarepsum upāyāntam anyonyam abhicukruśuḥ ||
ayaṃ puruṣaśārdūlaḥ sāyudho 'jinasaṃvṛtaḥ ||
yac cikīrṣur iha prāptas tat saṃpraṣṭum ihārhatha ||
tataḥ sarve mahābāhuṃ samāsādya vṛkodaram ||
tejoyuktam apṛcchanta kas tvam ākhyātum arhasi ||
muniveṣadharaś cāsi cīravāsāś ca lakṣyase ||
yadartham asi saṃprāptas tad ācakṣva mahādyute ||
'But the lake was guarded by fearsome rakshasas known as the Krodhavashas, servants of Dhanada. Seeing Bhima, they surrounded him with weapons in hand and asked: "Who are you? Whose son are you? Why have you come here, to a place mortal men should not enter? Tell us, radiant one, for what purpose you have come to this lake of Vaishravana."'
34cf6dd4b20c · 发布于 2026年7月16日 17:09:16 UTC
可用语言RUEN用方向键翻颂
The guardians' question is direct: strength alone grants no right. Even a righteous hero must give his name and explain his intent when entering a guarded space.