आर्ष्टिषेणस्य राजर्षेः प्राप्य भूयस् त्वम् आश्रमम् ॥
तामिस्रं प्रथमं पक्षं वीतशोकभयो वस ॥
अलकाः सह गन्धर्वैर् यक्षैश् च सह राक्षसैः ॥
मन्नियुक्ता मनुष्येन्द्र सर्वे च गिरिवासिनः ॥
रक्षन्तु त्वा महाबाहो सहितं द्विजसत्तमैः ॥
साहसेषु च संतिष्ठन्न् इह शैले वृकोदरः ॥
वार्यतां साध्व् अयं राजंस् त्वया धर्मभृतां वर ॥
इतः परं च राजेन्द्र द्रक्ष्यन्ति वनगोचराः ॥
उपस्थास्यन्ति च सदा रक्षिष्यन्ति च सर्वशः ॥
तथैव चान्नपानानि स्वादूनि च बहूनि च ॥
उपस्थास्यन्ति वो गृह्य मत्प्रेष्याः पुरुषर्षभ ॥
यथा जिष्णुर् महेन्द्रस्य यथा वायोर् वृकोदरः ॥
धर्मस्य त्वं यथा तात योगोत्पन्नो निजः सुतः ॥
आत्मजाव् आत्मसंपन्नौ यमौ चोभौ यथाश्विनोः ॥
रक्ष्यास् तद्वन् ममापीह यूयं सर्वे युधिष्ठिर ॥
ārṣṭiṣeṇasya rājarṣeḥ prāpya bhūyas tvam āśramam ||
tāmisraṃ prathamaṃ pakṣaṃ vītaśokabhayo vasa ||
alakāḥ saha gandharvair yakṣaiś ca saha rākṣasaiḥ ||
manniyuktā manuṣyendra sarve ca girivāsinaḥ ||
rakṣantu tvā mahābāho sahitaṃ dvijasattamaiḥ ||
sāhaseṣu ca saṃtiṣṭhann iha śaile vṛkodaraḥ ||
vāryatāṃ sādhv ayaṃ rājaṃs tvayā dharmabhṛtāṃ vara ||
itaḥ paraṃ ca rājendra drakṣyanti vanagocarāḥ ||
upasthāsyanti ca sadā rakṣiṣyanti ca sarvaśaḥ ||
tathaiva cānnapānāni svādūni ca bahūni ca ||
upasthāsyanti vo gṛhya matpreṣyāḥ puruṣarṣabha ||
yathā jiṣṇur mahendrasya yathā vāyor vṛkodaraḥ ||
dharmasya tvaṃ yathā tāta yogotpanno nijaḥ sutaḥ ||
ātmajāv ātmasaṃpannau yamau cobhau yathāśvinoḥ ||
rakṣyās tadvan mamāpīha yūyaṃ sarve yudhiṣṭhira ||
"Spend the first dark half of the month in the hermitage of Arshtishena, free of grief and fear. Alaka, the gandharvas, the yakshas, the rakshasas, and the mountain-dwellers will guard you and bring you food and drink. Only restrain Bhima from any reckless act."
7405f46cbf67 · 发布于 2026年7月16日 17:09:16 UTC
可用语言RUEN用方向键翻颂
Kubera's favor is practical: protection, food, peace. But together with these gifts he sets down the one condition that matters — strength must be held within dharma.