मार्कण्डेय उवाच
तस्यां रात्र्यां व्यतीतायाम् उदिते सूर्यमण्डले ॥
कृतपूर्वाह्णिकाः सर्वे समेयुस् ते तपोधनाः ॥
तद् एव सर्वं सावित्र्या महाभाग्यं महर्षयः ॥
द्युमत्सेनाय नातृप्यन् कथयन्तः पुनः पुनः ॥
ततः प्रकृतयः सर्वाः शाल्वेभ्यो ऽभ्यागता नृप ॥
आचख्युर् निहतं चैव स्वेनामात्येन तं नृपम् ॥
तं मन्त्रिणा हतं श्रुत्वा ससहायं सबान्धवम् ॥
न्यवेदयन् यथातत्त्वं विद्रुतं च द्विषद्बलम् ॥
ऐकमत्यं च सर्वस्य जनस्याथ नृपं प्रति ॥
सचक्षुर् वाप्य् अचक्षुर् वा स नो राजा भवत्व् इति ॥
अनेन निश्चयेनेह वयं प्रस्थापिता नृप ॥
प्राप्तानीमानि यानानि चतुरङ्गं च ते बलम् ॥
प्रयाहि राजन् भद्रं ते घुष्टस् ते नगरे जयः ॥
अध्यास्स्व चिररात्राय पितृपैतामहं पदम् ॥
चक्षुष्मन्तं च तं दृष्ट्वा राजानं वपुषान्वितम् ॥
मूर्धभिः पतिताः सर्वे विस्मयोत्फुल्ललोचनाः ॥
mārkaṇḍeya uvāca
tasyāṃ rātryāṃ vyatītāyām udite sūryamaṇḍale ||
kṛtapūrvāhṇikāḥ sarve sameyus te tapodhanāḥ ||
tad eva sarvaṃ sāvitryā mahābhāgyaṃ maharṣayaḥ ||
dyumatsenāya nātṛpyan kathayantaḥ punaḥ punaḥ ||
tataḥ prakṛtayaḥ sarvāḥ śālvebhyo 'bhyāgatā nṛpa ||
ācakhyur nihataṃ caiva svenāmātyena taṃ nṛpam ||
taṃ mantriṇā hataṃ śrutvā sasahāyaṃ sabāndhavam ||
nyavedayan yathātattvaṃ vidrutaṃ ca dviṣadbalam ||
aikamatyaṃ ca sarvasya janasyātha nṛpaṃ prati ||
sacakṣur vāpy acakṣur vā sa no rājā bhavatv iti ||
anena niścayeneha vayaṃ prasthāpitā nṛpa ||
prāptānīmāni yānāni caturaṅgaṃ ca te balam ||
prayāhi rājan bhadraṃ te ghuṣṭas te nagare jayaḥ ||
adhyāssva cirarātrāya pitṛpaitāmahaṃ padam ||
cakṣuṣmantaṃ ca taṃ dṛṣṭvā rājānaṃ vapuṣānvitam ||
mūrdhabhiḥ patitāḥ sarve vismayotphullalocanāḥ ||
When the night had passed and the sun had risen, all the ascetics, having performed their morning rites, gathered together and told Dyumatsena again and again, never tiring of it, of Savitri's great and blessed fortune. Then all the subjects came from the land of the Shalvas and reported: the former king had been slain by his own minister together with his helpers and kinsmen, and the enemy's army had scattered. The whole people was of one mind: sighted or blind, let Dyumatsena be their king. "With this resolve we were sent to you. The chariots have already arrived, and your fourfold army. Go forth, O king, blessings upon you: your victory has been proclaimed in the city. Take up for long years the seat of your fathers and grandfathers." And seeing the king sighted and of goodly form, all of them, their eyes wide with wonder, fell with their heads to his feet.
5f364b5488aa · 发布于 2026年7月16日 17:33:40 UTC
可用语言RUEN用方向键翻颂
The second boon of Yama is fulfilled without any effort on Dyumatsena's part: the kingdom returns of itself once the time of misfortune has run its course. Dharma restores not only the body but the order of the world as well.