ततः संवत्सरे पूर्णे यदासौ जपतां वरः ॥
नापश्यद् दुष्कृतं किं चित् पृथायाः सौहृदे रतः ॥
ततः प्रीतमना भूत्वा स एनां ब्राह्मणो ऽब्रवीत् ॥
प्रीतो ऽस्मि परमं भद्रे परिचारेण ते शुभे ॥
वरान् वृणीष्व कल्याणि दुरापान् मानुषैर् इह ॥
यैस् त्वं सीमन्तिनीः सर्वा यशसाभिभविष्यसि ॥
कुन्त्य् उवाच
कृतानि मम सर्वाणि यस्या मे वेदवित्तम ॥
त्वं प्रसन्नः पिता चैव कृतं विप्र वरैर् मम ॥
ब्राह्मण उवाच
यदि नेच्छसि भद्रे त्वं वरं मत्तः शुचिस्मिते ॥
इमं मन्त्रं गृहाण त्वम् आह्वानाय दिवौकसाम् ॥
यं यं देवं त्वम् एतेन मन्त्रेणावाहयिष्यसि ॥
तेन तेन वशे भद्रे स्थातव्यं ते भविष्यति ॥
अकामो वा सकामो वा न स नैष्यति ते वशम् ॥
विबुधो मन्त्रसंशान्तो वाक्ये भृत्य इवानतः ॥
वैशंपायन उवाच
न शशाक द्वितीयं सा प्रत्याख्यातुम् अनिन्दिता ॥
तं वै द्विजातिप्रवरं तदा शापभयान् नृप ॥
ततस् ताम् अनवद्याङ्गीं ग्राहयाम् आस वै द्विजः ॥
मन्त्रग्रामं तदा राजन्न् अथर्वशिरसि श्रुतम् ॥
तं प्रदाय तु राजेन्द्र कुन्तिभोजम् उवाच ह ॥
उषितो ऽस्मि सुखं राजन् कन्यया परितोषितः ॥
तव गेहे सुविहितः सदा सुप्रतिपूजितः ॥
साधयिष्यामहे तावद् इत्य् उक्त्वान्तरधीयत ॥
स तु राजा द्विजं दृष्ट्वा तत्रैवान्तर्हितं तदा ॥
बभूव विस्मयाविष्टः पृथां च समपूजयत् ॥
tataḥ saṃvatsare pūrṇe yadāsau japatāṃ varaḥ ||
nāpaśyad duṣkṛtaṃ kiṃ cit pṛthāyāḥ sauhṛde rataḥ ||
tataḥ prītamanā bhūtvā sa enāṃ brāhmaṇo 'bravīt ||
prīto 'smi paramaṃ bhadre paricāreṇa te śubhe ||
varān vṛṇīṣva kalyāṇi durāpān mānuṣair iha ||
yais tvaṃ sīmantinīḥ sarvā yaśasābhibhaviṣyasi ||
kunty uvāca
kṛtāni mama sarvāṇi yasyā me vedavittama ||
tvaṃ prasannaḥ pitā caiva kṛtaṃ vipra varair mama ||
brāhmaṇa uvāca
yadi necchasi bhadre tvaṃ varaṃ mattaḥ śucismite ||
imaṃ mantraṃ gṛhāṇa tvam āhvānāya divaukasām ||
yaṃ yaṃ devaṃ tvam etena mantreṇāvāhayiṣyasi ||
tena tena vaśe bhadre sthātavyaṃ te bhaviṣyati ||
akāmo vā sakāmo vā na sa naiṣyati te vaśam ||
vibudho mantrasaṃśānto vākye bhṛtya ivānataḥ ||
vaiśaṃpāyana uvāca
na śaśāka dvitīyaṃ sā pratyākhyātum aninditā ||
taṃ vai dvijātipravaraṃ tadā śāpabhayān nṛpa ||
tatas tām anavadyāṅgīṃ grāhayām āsa vai dvijaḥ ||
mantragrāmaṃ tadā rājann atharvaśirasi śrutam ||
taṃ pradāya tu rājendra kuntibhojam uvāca ha ||
uṣito 'smi sukhaṃ rājan kanyayā paritoṣitaḥ ||
tava gehe suvihitaḥ sadā supratipūjitaḥ ||
sādhayiṣyāmahe tāvad ity uktvāntaradhīyata ||
sa tu rājā dvijaṃ dṛṣṭvā tatraivāntarhitaṃ tadā ||
babhūva vismayāviṣṭaḥ pṛthāṃ ca samapūjayat ||
When the year came to an end, the best of those who repeat japa saw not the slightest fault in Pritha, and, pleased, he said, "I am exceedingly pleased, fair one, with your service. Choose boons hard to attain for men; by them you will surpass all women in glory." Kunti replied, "For me everything is already accomplished, since you, the foremost knower of the Vedas, and my father are pleased. I have no need of boons." The brahmin said, "If you do not wish a boon from me, then take this mantra for summoning the gods. Whatever god you invoke with this mantra will come under your power. Whether willing or unwilling, the god, subdued by the mantra, will submit to your word like a servant." The faultless one could not refuse the best of the twice-born a second time, for fear of a curse. The brahmin gave her the set of mantras heard in the Atharvaśiras, and then said to Kuntibhoja, "I have lived happily, O king; your daughter has satisfied me, and in your house I was always well provided for and honored. Now I depart." Having said this, he vanished. The king, seeing the brahmin vanish then and there, was overcome with wonder and honored Pritha.
acf3d10a8b0c · 发布于 2026年7月16日 17:33:40 UTC
可用语言RUEN用方向键翻颂
The gift of the mantra comes not as a plaything but as the fruit of flawless service. Yet a power received before mature discernment will soon become a trial for the young Kunti.