वैशंपायन उवाच
तस्य तद् वचनं स्त्रीषु भाषतः स्म पुनः पुनः ॥
नामर्षयत पाञ्चाली बीभत्सोः परिकीर्तनम् ॥
अथैनम् उपसंगम्य स्त्रीमध्यात् सा तपस्विनी ॥
व्रीडमानेव शनकैर् इदं वचनम् अब्रवीत् ॥
यो ऽसौ बृहद्वारणाभो युवा सुप्रियदर्शनः ॥
बृहन्नडेति विख्यातः पार्थस्यासीत् स सारथिः ॥
धनुष्य् अनवरश् चासीत् तस्य शिष्यो महात्मनः ॥
दृष्टपूर्वो मया वीर चरन्त्या पाण्डवान् प्रति ॥
यदा तत् पावको दावम् अदहत् खाण्डवं महत् ॥
अर्जुनस्य तदानेन संगृहीता हयोत्तमाः ॥
तेन सारथिना पार्थः सर्वभूतानि सर्वशः ॥
अजयत् खाण्डवप्रस्थे न हि यन्तास्ति तादृशः ॥
येयं कुमारी सुश्रोणी भगिनी ते यवीयसी ॥
अस्याः स वचनं वीर करिष्यति न संशयः ॥
यदि वै सारथिः स स्यात् कुरून् सर्वान् असंशयम् ॥
जित्वा गाश् च समादाय ध्रुवम् आगमनं भवेत् ॥
vaiśaṃpāyana uvāca
tasya tad vacanaṃ strīṣu bhāṣataḥ sma punaḥ punaḥ ||
nāmarṣayata pāñcālī bībhatsoḥ parikīrtanam ||
athainam upasaṃgamya strīmadhyāt sā tapasvinī ||
vrīḍamāneva śanakair idaṃ vacanam abravīt ||
yo 'sau bṛhadvāraṇābho yuvā supriyadarśanaḥ ||
bṛhannaḍeti vikhyātaḥ pārthasyāsīt sa sārathiḥ ||
dhanuṣy anavaraś cāsīt tasya śiṣyo mahātmanaḥ ||
dṛṣṭapūrvo mayā vīra carantyā pāṇḍavān prati ||
yadā tat pāvako dāvam adahat khāṇḍavaṃ mahat ||
arjunasya tadānena saṃgṛhītā hayottamāḥ ||
tena sārathinā pārthaḥ sarvabhūtāni sarvaśaḥ ||
ajayat khāṇḍavaprasthe na hi yantāsti tādṛśaḥ ||
yeyaṃ kumārī suśroṇī bhaginī te yavīyasī ||
asyāḥ sa vacanaṃ vīra kariṣyati na saṃśayaḥ ||
yadi vai sārathiḥ sa syāt kurūn sarvān asaṃśayam ||
jitvā gāś ca samādāya dhruvam āgamanaṃ bhavet ||
Vaishampayana said: 'While he spoke this again and again among the women, Panchali could not bear the praising of Bibhatsu. Then the ascetic woman came up to him from the midst of the women and, as though abashed, quietly said: "That youth, like a great elephant, most pleasing to look upon, known as Brihannada, was the charioteer of Partha. He was the pupil of that great-souled hero of the bow; I saw him before, when I lived among the Pandavas. When the Fire was burning the great forest of Khandava, it was he who held the best of Arjuna's horses. With that charioteer, Partha conquered all beings in every direction at Khandavaprastha; there is no charioteer like him. Here is this girl with lovely hips, your younger sister, hero; her word he will, without doubt, carry out. If he becomes your charioteer, you will surely conquer all the Kurus, take the cows, and your return is certain."'
921301364de2 · 发布于 2026年7月16日 18:23:49 UTC
可用语言RUEN用方向键翻颂
Draupadi acts with subtlety: she does not reveal Arjuna, yet she directs Uttara toward him. The wisdom here lies not in loud proof but in setting events on their right course.