चेकितानस् तु वार्ष्णेयो गौतमं रथिनां वरम् ॥
प्रेक्षतां सर्वसैन्यानां छादयाम् आस सायकैः ॥
संनिवार्य शरांस् तांस् तु कृपः शारद्वतो युधि ॥
चेकितानं रणे यत्तं राजन् विव्याध पत्रिभिः ॥
अथापरेण भल्लेन धनुश् चिच्छेद मारिष ॥
सारथिं चास्य समरे क्षिप्रहस्तो न्यपातयत् ॥
हयांश् चास्यावधीद् राजन्न् उभौ च पार्ष्णिसारथी ॥
सो ऽवप्लुत्य रथात् तूर्णं गदां जग्राह सात्वतः ॥
स तया वीरघातिन्या गदया गदिनां वरः ॥
गौतमस्य हयान् हत्वा सारथिं च न्यपातयत् ॥
भूमिष्ठो गौतमस् तस्य शरांश् चिक्षेप षोडश ॥
ते शराः सात्वतं भित्त्वा प्राविशन्त धरातलम् ॥
चेकितानस् ततः क्रुद्धः पुनश् चिक्षेप तां गदाम् ॥
गौतमस्य वधाकाङ्क्षी वृत्रस्येव पुरंदरः ॥
ताम् आपतन्तीं विमलाम् अश्मगर्भां महागदाम् ॥
शरैर् अनेकसाहस्रैर् वारयाम् आस गौतमः ॥
चेकितानस् ततः खड्गं कोशाद् उद्धृत्य भारत ॥
लाघवं परम् आस्थाय गौतमं समुपाद्रवत् ॥
गौतमो ऽपि धनुस् त्यक्त्वा प्रगृह्यासिं सुसंशितम् ॥
वेगेन महता राजंश् चेकितानम् उपाद्रवत् ॥
ताव् उभौ बलसंपन्नौ निस्त्रिंशवरधारिणौ ॥
निस्त्रिंशाभ्यां सुतीक्ष्णाभ्याम् अन्योन्यं संततक्षतुः ॥
निस्त्रिंशवेगाभिहतौ ततस् तौ पुरुषर्षभौ ॥
धरणीं समनुप्राप्तौ सर्वभूतनिषेविताम् ॥
मूर्छयाभिपरीताङ्गौ व्यायामेन च मोहितौ ॥
ततो ऽभ्यधावद् वेगेन करकर्षः सुहृत् तया ॥
चेकितानं तथाभूतं दृष्ट्वा समरदुर्मदम् ॥
रथम् आरोपयच् चैनं सर्वसैन्यस्य पश्यतः ॥
तथैव शकुनिः शूरः स्यालस् तव विशां पते ॥
आरोपयद् रथं तूर्णं गौतमं रथिनां वरम् ॥
cekitānas tu vārṣṇeyo gautamaṃ rathināṃ varam ||
prekṣatāṃ sarvasainyānāṃ chādayām āsa sāyakaiḥ ||
saṃnivārya śarāṃs tāṃs tu kṛpaḥ śāradvato yudhi ||
cekitānaṃ raṇe yattaṃ rājan vivyādha patribhiḥ ||
athāpareṇa bhallena dhanuś ciccheda māriṣa ||
sārathiṃ cāsya samare kṣiprahasto nyapātayat ||
hayāṃś cāsyāvadhīd rājann ubhau ca pārṣṇisārathī ||
so 'vaplutya rathāt tūrṇaṃ gadāṃ jagrāha sātvataḥ ||
sa tayā vīraghātinyā gadayā gadināṃ varaḥ ||
gautamasya hayān hatvā sārathiṃ ca nyapātayat ||
bhūmiṣṭho gautamas tasya śarāṃś cikṣepa ṣoḍaśa ||
te śarāḥ sātvataṃ bhittvā prāviśanta dharātalam ||
cekitānas tataḥ kruddhaḥ punaś cikṣepa tāṃ gadām ||
gautamasya vadhākāṅkṣī vṛtrasyeva puraṃdaraḥ ||
tām āpatantīṃ vimalām aśmagarbhāṃ mahāgadām ||
śarair anekasāhasrair vārayām āsa gautamaḥ ||
cekitānas tataḥ khaḍgaṃ kośād uddhṛtya bhārata ||
lāghavaṃ param āsthāya gautamaṃ samupādravat ||
gautamo 'pi dhanus tyaktvā pragṛhyāsiṃ susaṃśitam ||
vegena mahatā rājaṃś cekitānam upādravat ||
tāv ubhau balasaṃpannau nistriṃśavaradhāriṇau ||
nistriṃśābhyāṃ sutīkṣṇābhyām anyonyaṃ saṃtatakṣatuḥ ||
nistriṃśavegābhihatau tatas tau puruṣarṣabhau ||
dharaṇīṃ samanuprāptau sarvabhūtaniṣevitām ||
mūrchayābhiparītāṅgau vyāyāmena ca mohitau ||
tato 'bhyadhāvad vegena karakarṣaḥ suhṛt tayā ||
cekitānaṃ tathābhūtaṃ dṛṣṭvā samaradurmadam ||
ratham āropayac cainaṃ sarvasainyasya paśyataḥ ||
tathaiva śakuniḥ śūraḥ syālas tava viśāṃ pate ||
āropayad rathaṃ tūrṇaṃ gautamaṃ rathināṃ varam ||
Chekitana of the Vrishnis, before the eyes of all the armies, covered Gautama, the best of charioteers, with arrows. But Kripa, son of Sharadvat, warding off those shafts, pierced the intent Chekitana with feathered arrows in the battle, O king. Then with another broad-headed arrow he cut off his bow, and swift-handed Kripa in the fight threw down his charioteer, slew his horses, and both his flanking drivers. The Satvata leapt quickly from his chariot and seized a mace, and with that hero-slaying mace the finest of mace-wielders killed Gautama's horses and cast down his charioteer. Standing on the ground, Gautama hurled sixteen arrows at him; those arrows pierced the Satvata and sank into the earth. Then the enraged Chekitana, seeking to slay Gautama, again hurled that mace, as Purandara once did against Vritra. Gautama, with many thousands of arrows, checked the spotless great mace with its core of stone as it flew toward him. Then Chekitana drew his sword from its sheath, O Bharata, and with the utmost swiftness rushed upon Gautama. Gautama too cast aside his bow, seized his well-honed sword, and with great speed charged at Chekitana, O king. Both of them, endowed with strength and wielding excellent swords, hacked at one another with their sharpest blades. Struck by the force of their swords, these two bulls among men fell to the earth, which sustains all beings, their bodies overcome by swooning and dazed from the exertion. Then Karakarsha, his friend, seeing Chekitana in this state, unconquerable in battle though he was, rushed swiftly forward and, before the eyes of the whole army, raised him onto his chariot. In the same way, the valiant Shakuni, your brother-in-law, lord of men, quickly set Gautama, the finest of charioteers, upon his chariot."
321fdba28417 · 发布于 2026年7月17日 21:38:21 UTC
可用语言RUEN用方向键翻颂
The duel of Chekitana and Kripa passes through every level of weaponry: arrows, then mace, then sword. When both fall, the outcome no longer rests on personal strength but on the loyalty of companions, who will not let fallen warriors be trampled by the field of battle.