ततो युधिष्ठिरो राजा माद्रीपुत्रौ च पाण्डवौ ॥
प्रत्यघ्नंस् तरसा वेगं समरे हयसादिनाम् ॥
उद्वृत्तस्य महाराज प्रावृट्कालेन पूर्यतः ॥
पौर्णमास्याम् अम्बुवेगं यथा वेला महोदधेः ॥
ततस् ते रथिनो राजञ् शरैः संनतपर्वभिः ॥
न्यकृन्तन्न् उत्तमाङ्गानि कायेभ्यो हयसादिनाम् ॥
ते निपेतुर् महाराज निहता दृढधन्विभिः ॥
नागैर् इव महानागा यथा स्युर् गिरिगह्वरे ॥
ते ऽपि प्रासैः सुनिशितैः शरैः संनतपर्वभिः ॥
न्यकृन्तन्न् उत्तमाङ्गानि विचरन्तो दिशो दश ॥
अत्यासन्ना हयारोहा ऋष्टिभिर् भरतर्षभ ॥
अच्छिनन्न् उत्तमाङ्गानि फलानीव महाद्रुमात् ॥
ससादिनो हया राजंस् तत्र तत्र निषूदिताः ॥
पतिताः पात्यमानाश् च शतशो ऽथ सहस्रशः ॥
वध्यमाना हयास् ते तु प्राद्रवन्त भयार्दिताः ॥
यथा सिंहान् समासाद्य मृगाः प्राणपरायणाः ॥
पाण्डवास् तु महाराज जित्वा शत्रून् महाहवे ॥
दध्मुः शङ्खांश् च भेरीश् च ताडयाम् आसुर् आहवे ॥
tato yudhiṣṭhiro rājā mādrīputrau ca pāṇḍavau ||
pratyaghnaṃs tarasā vegaṃ samare hayasādinām ||
udvṛttasya mahārāja prāvṛṭkālena pūryataḥ ||
paurṇamāsyām ambuvegaṃ yathā velā mahodadheḥ ||
tatas te rathino rājañ śaraiḥ saṃnataparvabhiḥ ||
nyakṛntann uttamāṅgāni kāyebhyo hayasādinām ||
te nipetur mahārāja nihatā dṛḍhadhanvibhiḥ ||
nāgair iva mahānāgā yathā syur girigahvare ||
te 'pi prāsaiḥ suniśitaiḥ śaraiḥ saṃnataparvabhiḥ ||
nyakṛntann uttamāṅgāni vicaranto diśo daśa ||
atyāsannā hayārohā ṛṣṭibhir bharatarṣabha ||
acchinann uttamāṅgāni phalānīva mahādrumāt ||
sasādino hayā rājaṃs tatra tatra niṣūditāḥ ||
patitāḥ pātyamānāś ca śataśo 'tha sahasraśaḥ ||
vadhyamānā hayās te tu prādravanta bhayārditāḥ ||
yathā siṃhān samāsādya mṛgāḥ prāṇaparāyaṇāḥ ||
pāṇḍavās tu mahārāja jitvā śatrūn mahāhave ||
dadhmuḥ śaṅkhāṃś ca bherīś ca tāḍayām āsur āhave ||
Then King Yudhishthira and the two Pandavas, sons of Madri, mightily repelled in battle the onslaught of the horsemen, as the shore of the great ocean holds back the surge of water when the ocean swells at the full moon, filled by the rainy season, great king. After this those charioteers, O king, with arrows of jointed shafts began to sever the heads of the horsemen from their bodies. Struck down by the firm-bowed warriors, they fell, great king, like great elephants felled by elephants in the ravines of a mountain. But the horsemen too, ranging through all ten directions, with very sharp prasas and arrows of jointed shafts severed heads. Riders pressing in close, O bull of the Bharatas, cut off heads with their rishtis, as one plucks fruit from a great tree. Horses together with their riders were struck down everywhere, falling and being felled by the hundreds and thousands. These horses, being slaughtered and tormented by fear, fled, like deer that have met lions and seek only to save their lives. But the Pandavas, great king, having conquered their enemies in the great battle, blew their conches and struck up their bheris on the field."
c3ad452b2781 · 发布于 2026年7月17日 21:55:41 UTC
可用语言RUEN用方向键翻颂
Yudhishthira and the sons of Madri do more than withstand the cavalry's wave; they restore order to the Pandava army. Their victorious sound after the chaos of neighing marks the return of control.