भ्रातुस् तद् वचनं श्रुत्वा पाण्डवः श्वेतवाहनः ॥
अर्धचन्द्रेण व्यूहेन प्रत्यव्यूहत तां चमूम् ॥
वामपार्श्वे ऽभवद् राजन् भीमसेनो व्यवस्थितः ॥
दक्षिणे च महेष्वासो धृष्टद्युम्नो महाबलः ॥
मध्ये व्यूहस्य साक्षात् तु पाण्डवः कृष्णसारथिः ॥
नकुलः सहदेवश् च धर्मराजश् च पृष्ठतः ॥
चक्ररक्षौ तु पाञ्चाल्यौ युधामन्यूत्तमौजसौ ॥
नार्जुनं जहतुर् युद्धे पाल्यमानौ किरीटिना ॥
शेषा नृपतयो वीराः स्थिता व्यूहस्य दंशिताः ॥
यथाभावं यथोत्साहं यथासत्त्वं च भारत ॥
एवम् एतन् महाव्यूहं व्यूह्य भारत पाण्डवाः ॥
तावकाश् च महेष्वासा युद्धायैव मनो दधुः ॥
दृष्ट्वा व्यूढां तव चमूं सूतपुत्रेण संयुगे ॥
निहतान् पाण्डवान् मेने तव पुत्रः सहान्वयः ॥
तथैव पाण्डवीं सेनां व्यूढां दृष्ट्वा युधिष्ठिरः ॥
धार्तराष्ट्रान् हतान् मेने सकर्णान् वै जनाधिप ॥
bhrātus tad vacanaṃ śrutvā pāṇḍavaḥ śvetavāhanaḥ ||
ardhacandreṇa vyūhena pratyavyūhata tāṃ camūm ||
vāmapārśve 'bhavad rājan bhīmaseno vyavasthitaḥ ||
dakṣiṇe ca maheṣvāso dhṛṣṭadyumno mahābalaḥ ||
madhye vyūhasya sākṣāt tu pāṇḍavaḥ kṛṣṇasārathiḥ ||
nakulaḥ sahadevaś ca dharmarājaś ca pṛṣṭhataḥ ||
cakrarakṣau tu pāñcālyau yudhāmanyūttamaujasau ||
nārjunaṃ jahatur yuddhe pālyamānau kirīṭinā ||
śeṣā nṛpatayo vīrāḥ sthitā vyūhasya daṃśitāḥ ||
yathābhāvaṃ yathotsāhaṃ yathāsattvaṃ ca bhārata ||
evam etan mahāvyūhaṃ vyūhya bhārata pāṇḍavāḥ ||
tāvakāś ca maheṣvāsā yuddhāyaiva mano dadhuḥ ||
dṛṣṭvā vyūḍhāṃ tava camūṃ sūtaputreṇa saṃyuge ||
nihatān pāṇḍavān mene tava putraḥ sahānvayaḥ ||
tathaiva pāṇḍavīṃ senāṃ vyūḍhāṃ dṛṣṭvā yudhiṣṭhiraḥ ||
dhārtarāṣṭrān hatān mene sakarṇān vai janādhipa ||
Услышав эти слова брата, Пандава с белыми конями построил против той армии строй полумесяца. Слева, о царь, стоял Бхимасена, справа - могучий великий лучник Дхриштадьюмна. В самом центре строя был Пандава, чей возница Кришна; Накула, Сахадева и Дхармараджа стояли позади. Защитники колёс, панчальцы Юдхаманью и Уттамауджас, не оставляли Арджуну в битве, будучи сами охраняемы Киритиным. Остальные героические цари стояли в строю, закованные в доспехи, каждый по своему положению, рвению и силе, о Бхарата. Так, построив этот великий строй, Пандавы и твои великие лучники устремили ум только к битве. Увидев твоё войско, построенное сыном суты, твой сын со своими счёл Пандавов погибшими. Точно так же Юдхиштхира, увидев построенную армию Пандавов, счёл Дхритараштровых вместе с Карной уже погибшими, о владыка людей».
ea318ff06cde · 发布于 2026年6月20日 03:43:30 UTC
可用语言RU用方向键翻颂
Два строя отражают две уверенности: Дурьодхана считает победу уже своей, Юдхиштхира считает Карну уже преодолённым. Перед столкновением обе стороны мысленно видят конец другой стороны.