ताव् अन्योन्यं शरैर् घोरैश् छादयानौ महारथौ ॥
रथचर्यागतौ शूरौ शुशुभाते रणोत्कटौ ॥
आदित्याव् इव संदीप्तौ लोकक्षयकराव् उभौ ॥
स्वरश्मिभिर् इवान्योन्यं तापयन्तौ शरोत्तमैः ॥
कृतप्रतिकृते यत्नं कुर्वाणौ च महारणे ॥
कृतप्रतिकृते यत्नं चक्राते ताव् अभीतवत् ॥
व्याघ्राव् इव च संग्रामे चेरतुस् तौ महारथौ ॥
शरदंष्ट्रौ दुराधर्षौ चापव्यात्तौ भयानकौ ॥
अभूतां ताव् अदृश्यौ च शरजालैः समन्ततः ॥
मेघजालैर् इव च्छन्नौ गगने चन्द्रभास्करौ ॥
प्रकाशौ च मुहूर्तेन तत्रैवास्ताम् अरिंदमौ ॥
विमुक्तौ मेघजालेन शशिसूर्यौ यथा दिवि ॥
अपसव्यं ततश् चक्रे द्रौणिस् तत्र वृकोदरम् ॥
किरञ् शरशतैर् उग्रैर् धाराभिर् इव पर्वतम् ॥
न तु तन् ममृषे भीमः शत्रोर् विजयलक्षणम् ॥
प्रतिचक्रे च तं राजन् पाण्डवो ऽप्य् अपसव्यतः ॥
मण्डलानां विभागेषु गतप्रत्यागतेषु च ॥
बभूव तुमुलं युद्धं तयोस् तत्र महामृधे ॥
चरित्वा विविधान् मार्गान् मण्डलं स्थानम् एव च ॥
शरैः पूर्णायतोत्सृष्टैर् अन्योन्यम् अभिजघ्नतुः ॥
अन्योन्यस्य वधे यत्नं चक्रतुस् तौ महारथौ ॥
ईषतुर् विरथं चैव कर्तुम् अन्योन्यम् आहवे ॥
tāv anyonyaṃ śarair ghoraiś chādayānau mahārathau ||
rathacaryāgatau śūrau śuśubhāte raṇotkaṭau ||
ādityāv iva saṃdīptau lokakṣayakarāv ubhau ||
svaraśmibhir ivānyonyaṃ tāpayantau śarottamaiḥ ||
kṛtapratikṛte yatnaṃ kurvāṇau ca mahāraṇe ||
kṛtapratikṛte yatnaṃ cakrāte tāv abhītavat ||
vyāghrāv iva ca saṃgrāme ceratus tau mahārathau ||
śaradaṃṣṭrau durādharṣau cāpavyāttau bhayānakau ||
abhūtāṃ tāv adṛśyau ca śarajālaiḥ samantataḥ ||
meghajālair iva cchannau gagane candrabhāskarau ||
prakāśau ca muhūrtena tatraivāstām ariṃdamau ||
vimuktau meghajālena śaśisūryau yathā divi ||
apasavyaṃ tataś cakre drauṇis tatra vṛkodaram ||
kirañ śaraśatair ugrair dhārābhir iva parvatam ||
na tu tan mamṛṣe bhīmaḥ śatror vijayalakṣaṇam ||
praticakre ca taṃ rājan pāṇḍavo 'py apasavyataḥ ||
maṇḍalānāṃ vibhāgeṣu gatapratyāgateṣu ca ||
babhūva tumulaṃ yuddhaṃ tayos tatra mahāmṛdhe ||
caritvā vividhān mārgān maṇḍalaṃ sthānam eva ca ||
śaraiḥ pūrṇāyatotsṛṣṭair anyonyam abhijaghnatuḥ ||
anyonyasya vadhe yatnaṃ cakratus tau mahārathau ||
īṣatur virathaṃ caiva kartum anyonyam āhave ||
Оба махаратхи, осыпая друг друга страшными стрелами, искусно двигаясь на колесницах, сияли, свирепые в бою. Они были словно два пылающих солнца, способных уничтожить миры, и жгли друг друга лучшими стрелами, как светила своими лучами. В великой битве они бесстрашно прилагали усилие к удару и ответному удару. Эти два махаратхи двигались в сражении словно тигры: клыкастые, неодолимые, страшные, с раскрытыми луками. Со всех сторон закрытые сетями стрел, они стали невидимы, словно луна и солнце в небе, покрытые сетями облаков; но через мгновение оба губителя врагов снова стали видны там же, словно луна и солнце, освобождённые от облаков. Затем Драуни стал обходить Врикодару слева, осыпая его сотнями страшных стрел, как потоками дождя гору. Но Бхима не стерпел этого знака победы врага, о царь, и сам, Пандава, ответил ему таким же обходом слева. В разделах круговых движений, в уходах и возвращениях между ними разгорелось бурное сражение. Исполняя разные ходы, круги и остановки, они поражали друг друга стрелами, выпущенными из полного натяга. Оба махаратхи прилагали усилие, чтобы убить друг друга, и в битве стремились оставить один другого без колесницы».
45bdf0413b1c · 发布于 2026年6月20日 03:58:31 UTC
可用语言RU用方向键翻颂
Здесь битва описана как искусство движения: круги, обходы, уходы и возвращения. Бхима и Ашваттхама не просто обмениваются силой, они состязаются в полном мастерстве колесничного боя.