वध्यमाने ततः सैन्ये द्रौपदेया महारथाः ॥
सात्यकिर् धर्मराजश् च पाञ्चालाश् चापि संगताः ॥
त्यक्त्वा मृत्युभयं घोरं द्रौणायनिम् उपाद्रवन् ॥
सात्यकिः पञ्चविंशत्या द्रौणिं विद्ध्वा शिलामुखैः ॥
पुनर् विव्याध नाराचैः सप्तभिः स्वर्णभूषितैः ॥
युधिष्ठिरस् त्रिसप्तत्या प्रतिविन्ध्यश् च सप्तभिः ॥
श्रुतकर्मा त्रिभिर् बाणैः श्रुतकीर्तिस् तु सप्तभिः ॥
सुतसोमश् च नवभिः शतानीकश् च सप्तभिः ॥
अन्ये च बहवः शूरा विव्यधुस् तं समन्ततः ॥
सो ऽतिक्रुद्धस् ततो राजन्न् आशीविष इव श्वसन् ॥
सात्यकिं पञ्चविंशत्या प्राविध्यत शिलाशितैः ॥
श्रुतकीर्तिं च नवभिः सुतसोमं च पञ्चभिः ॥
अष्टभिः श्रुतकर्माणं प्रतिविन्ध्यं त्रिभिः शरैः ॥
शतानीकं च नवभिर् धर्मपुत्रं च सप्तभिः ॥
अथेतरांस् ततः शूरान् द्वाभ्यां द्वाभ्याम् अताडयत् ॥
श्रुतकीर्तेस् तथा चापं चिच्छेद निशितैः शरैः ॥
अथान्यद् धनुर् आदाय श्रुतकीर्तिर् महारथः ॥
द्रौणायनिं त्रिभिर् विद्ध्वा विव्याधान्यैः शितैः शरैः ॥
ततो द्रौणिर् महाराज शरवर्षेण भारत ॥
छादयाम् आस तत् सैन्यं समन्ताच् च शरैर् नृपान् ॥
ततः पुनर् अमेयात्मा धर्मराजस्य कार्मुकम् ॥
द्रौणिश् चिच्छेद विहसन् विव्याध च शरैस् त्रिभिः ॥
ततो धर्मसुतो राजन् प्रगृह्यान्यन् महद् धनुः ॥
द्रौणिं विव्याध सप्तत्या बाह्वोर् उरसि चार्दयत् ॥
vadhyamāne tataḥ sainye draupadeyā mahārathāḥ ||
sātyakir dharmarājaś ca pāñcālāś cāpi saṃgatāḥ ||
tyaktvā mṛtyubhayaṃ ghoraṃ drauṇāyanim upādravan ||
sātyakiḥ pañcaviṃśatyā drauṇiṃ viddhvā śilāmukhaiḥ ||
punar vivyādha nārācaiḥ saptabhiḥ svarṇabhūṣitaiḥ ||
yudhiṣṭhiras trisaptatyā prativindhyaś ca saptabhiḥ ||
śrutakarmā tribhir bāṇaiḥ śrutakīrtis tu saptabhiḥ ||
sutasomaś ca navabhiḥ śatānīkaś ca saptabhiḥ ||
anye ca bahavaḥ śūrā vivyadhus taṃ samantataḥ ||
so 'tikruddhas tato rājann āśīviṣa iva śvasan ||
sātyakiṃ pañcaviṃśatyā prāvidhyata śilāśitaiḥ ||
śrutakīrtiṃ ca navabhiḥ sutasomaṃ ca pañcabhiḥ ||
aṣṭabhiḥ śrutakarmāṇaṃ prativindhyaṃ tribhiḥ śaraiḥ ||
śatānīkaṃ ca navabhir dharmaputraṃ ca saptabhiḥ ||
athetarāṃs tataḥ śūrān dvābhyāṃ dvābhyām atāḍayat ||
śrutakīrtes tathā cāpaṃ ciccheda niśitaiḥ śaraiḥ ||
athānyad dhanur ādāya śrutakīrtir mahārathaḥ ||
drauṇāyaniṃ tribhir viddhvā vivyādhānyaiḥ śitaiḥ śaraiḥ ||
tato drauṇir mahārāja śaravarṣeṇa bhārata ||
chādayām āsa tat sainyaṃ samantāc ca śarair nṛpān ||
tataḥ punar ameyātmā dharmarājasya kārmukam ||
drauṇiś ciccheda vihasan vivyādha ca śarais tribhiḥ ||
tato dharmasuto rājan pragṛhyānyan mahad dhanuḥ ||
drauṇiṃ vivyādha saptatyā bāhvor urasi cārdayat ||
Когда войско стало гибнуть, махаратхи сыновья Драупади, Сатьяки, Дхармараджа и собравшиеся Панчалы, отбросив страшный страх смерти, напали на Драуни. Сатьяки пронзил Драуни двадцатью пятью каменноострыми стрелами, а затем ещё семью золотоукрашенными нарачами. Юдхиштхира поразил его семьюдесятью тремя стрелами, Пративиндхья — семью, Шрутакарман — тремя, Шрутакирти — семью, Сутасома — девятью, Шатаника — семью, и многие другие герои пронзили его со всех сторон. Тогда он, сильно разгневанный и дышащий как ядовитая змея, поразил Сатьяки двадцатью пятью каменноострыми стрелами, Шрутакирти — девятью, Сутасому — пятью, Шрутакармана — восемью, Пративиндхью — тремя, Шатанику — девятью, сына Дхармы — семью, а остальных героев — по две стрелы. Он также острыми стрелами рассёк лук Шрутакирти. Тогда махаратха Шрутакирти взял другой лук, пронзил Драуни тремя стрелами и поразил его другими острыми стрелами. Затем Драуни, великий царь, дождём стрел покрыл то войско и со всех сторон — царей. Потом неизмеримый духом Драуни, усмехаясь, снова рассёк лук Дхармараджи и пронзил его тремя стрелами. Тогда сын Дхармы взял другой большой лук, пронзил Драуни семьюдесятью стрелами и поразил его в руки и грудь».
c0bc45e7ac22 · 发布于 2026年6月20日 06:12:00 UTC
可用语言RU用方向键翻颂
Пандавы и сыновья Драупади собирают решимость против Ашваттхамана, но его ответ точен и равномерен: каждый получает свою меру стрел. В этом видна школа Дроны, ставшая разрушительной силой.