अथैनं छिन्नधन्वानं त्वरमाणो महीपतिः ॥
सायकैर् दशभी राजन् भ्रुवोर् मध्ये समार्दयत् ॥
तस्य ते ऽशोभयन् वक्त्रं कर्मारपरिमार्जिताः ॥
प्रफुल्लं चम्पकं यद्वद् भ्रमरा मधुलिप्सवः ॥
तद् अपास्य धनुश् छिन्नं धृष्टद्युम्नो महामनाः ॥
अन्यद् आदत्त वेगेन धनुर् भल्लांश् च षोडश ॥
ततो दुर्योधनस्याश्वान् हत्वा सूतं च पञ्चभिः ॥
धनुश् चिच्छेद भल्लेन जातरूपपरिष्कृतम् ॥
रथं सोपस्करं छत्रं शक्तिं खड्गं गदां ध्वजम् ॥
भल्लैश् चिच्छेद नवभिः पुत्रस्य तव पार्षतः ॥
तपनीयाङ्गदं चित्रं नागं मणिमयं शुभम् ॥
ध्वजं कुरुपतेश् छिन्नं ददृशुः सर्वपार्थिवाः ॥
दुर्योधनं तु विरथं छिन्नसर्वायुधं रणे ॥
भ्रातरः पर्यरक्षन्त सोदर्या भरतर्षभ ॥
तम् आरोप्य रथे राजन् दण्डधारो जनाधिपम् ॥
अपोवाह च संभ्रान्तो धृष्टद्युम्नस्य पश्यतः ॥
कर्णस् तु सात्यकिं जित्वा राजगृद्धी महाबलः ॥
द्रोणहन्तारम् उग्रेषुं ससाराभिमुखं रणे ॥
तं पृष्ठतो ऽभ्ययात् तूर्णं शैनेयो वितुदञ् शरैः ॥
वारणं जघनोपान्ते विषाणाभ्याम् इव द्विपः ॥
athainaṃ chinnadhanvānaṃ tvaramāṇo mahīpatiḥ ||
sāyakair daśabhī rājan bhruvor madhye samārdayat ||
tasya te 'śobhayan vaktraṃ karmāraparimārjitāḥ ||
praphullaṃ campakaṃ yadvad bhramarā madhulipsavaḥ ||
tad apāsya dhanuś chinnaṃ dhṛṣṭadyumno mahāmanāḥ ||
anyad ādatta vegena dhanur bhallāṃś ca ṣoḍaśa ||
tato duryodhanasyāśvān hatvā sūtaṃ ca pañcabhiḥ ||
dhanuś ciccheda bhallena jātarūpapariṣkṛtam ||
rathaṃ sopaskaraṃ chatraṃ śaktiṃ khaḍgaṃ gadāṃ dhvajam ||
bhallaiś ciccheda navabhiḥ putrasya tava pārṣataḥ ||
tapanīyāṅgadaṃ citraṃ nāgaṃ maṇimayaṃ śubham ||
dhvajaṃ kurupateś chinnaṃ dadṛśuḥ sarvapārthivāḥ ||
duryodhanaṃ tu virathaṃ chinnasarvāyudhaṃ raṇe ||
bhrātaraḥ paryarakṣanta sodaryā bharatarṣabha ||
tam āropya rathe rājan daṇḍadhāro janādhipam ||
apovāha ca saṃbhrānto dhṛṣṭadyumnasya paśyataḥ ||
karṇas tu sātyakiṃ jitvā rājagṛddhī mahābalaḥ ||
droṇahantāram ugreṣuṃ sasārābhimukhaṃ raṇe ||
taṃ pṛṣṭhato 'bhyayāt tūrṇaṃ śaineyo vitudañ śaraiḥ ||
vāraṇaṃ jaghanopānte viṣāṇābhyām iva dvipaḥ ||
Затем царь, спеша, десятью стрелами поразил его, оставшегося без лука, между бровей. Эти стрелы, отполированные кузнецом, украшали его лицо, как пчёлы, ищущие мёд, украшают распустившуюся чампаку. Отбросив рассечённый лук, великодушный Дхриштадьюмна быстро взял другой лук и шестнадцать бхалл. Затем он убил коней Дурьодханы, пятью стрелами поразил возницу и бхаллой рассёк его золотоотделанный лук. Девятью бхаллами Паршата рассёк у твоего сына колесницу со всем снаряжением, зонт, копьё, меч, булаву и стяг. Все цари увидели срубленный стяг владыки Куру, прекрасный, украшенный золотом и драгоценным слоном. Родные братья, о бык Бхаратов, окружили защитой Дурьодхану, оставшегося в бою без колесницы и всего оружия. Дандадхара посадил владыку людей на колесницу и, встревоженный, увёз его на глазах Дхриштадьюмны. А Карна, могучий и жаждущий царства, одолев Сатьяки, двинулся в бою навстречу грознострелому убийце Дроны. Сзади за ним быстро пошёл Шайнея, терзая его стрелами, как слон бьёт другого слона двумя бивнями в заднюю часть».
f15541c060ea · 发布于 2026年6月20日 06:21:34 UTC
可用语言RU用方向键翻颂
Падение стяга Дурьодханы показывает, как быстро царская видимость рушится под точным ударом. Но поле не даёт паузы: Карна тут же переносит центр боя к Дхриштадьюмне, а Сатьяки нависает над ним сзади.